कराडमध्ये कोणीही पॉझिटिव्ह नाही ; अफवांवर विश्वास ठेवू नका


कराडमध्ये कोणीही पॉझिटिव्ह नाही ; अफवांवर विश्वास ठेवू नका


कराड - कराड शहरामध्ये कोणीही पॉझिटिव्ह रुग्ण नाही तसेच अफवांवर विश्वास ठेवू नका असे आवाहन जिल्हाधिकारी शेखर सिंह यांनी केले आहे. अफवा पसरविणाऱ्यांवर कारवाई होणार आहे. सोशल मीडियावर अफवा पसरविणाऱ्यांवर आतापर्यंत सातारा जिल्ह्यात तीन पेक्षा अधिक जणांवर कारवाई केली आहे. याबाबतीत कोणाचीही गय केली जाणार नाही तात्काळ कारवाई होईल असे जिल्हाधिकारी शेखर सिंह यांनी सांगितले आहे.


कोरोना व्हायरसबाबत जिल्ह्यातील प्रत्येक घडामोडीबाबत जिल्हाधिकारी शेखर सिंह मीडियाला माहिती देतात व तिथून ती जनतेपर्यंत पोचविली जाते. दरम्यान कोणीही सोशल मीडियाचा गैरवापर करून कृपया अफवा पसरवू नयेत‌. जर अफवा पसरवली गेली तर मात्र त्यांच्यावर कठोर कारवाई केली जात आहे.सध्याची परिस्थिती पाहता वास्तविक लोकांमध्ये भय निर्माण होईल अथवा चुकीची माहिती जाईल, अशा चुकीच्या पोस्ट न करणे हे जनहिताच्या दृष्टीने अत्यंत महत्त्वाचे आहे. जिल्हा प्रशासन सातारा जिल्ह्यातील प्रत्येक नागरिकाची काळजी करीत असून प्रत्येक नागरिकाला कोरोना व्हायरसपासून बचाव करण्यासाठी सर्वतोपरी प्रयत्न करीत आहेत.


जिल्हा प्रशासनाकडून दिली जाणारी माहिती सातारा जिल्हा माहिती कार्यालयाच्यावतीने अधिकृतपणे प्रसारित केली जाते. सदची माहिती बिनचूक व खात्रीलायक असल्याने अशा पोस्ट फॉरवर्ड करणे योग्य ठरेल मात्र आपल्या मनाचा कोणताही कारभार अथवा अतिशहाणपणा न करणे हे लोकांच्या हिताचे आहे.संचारबंदीच्या काळात शासन व जिल्हा प्रशासन करीत असलेल्या सूचनांचे तंतोतंत पालन करणे हे सर्वांच्या दृष्टीने हिताचे आहे.सर्वात महत्वाचे म्हणजे प्रत्येकाने स्वतःच्या घरात राहावे, घराबाहेर पडू नये ही सूचना 100% पाळली तर कोरोना व्हायरसवर आपण निश्चित मात करू शकतो.


 


Popular posts
राज्य शासनामार्फत पत्रकारांसाठी गृह योजना राबवून घरे उपलब्ध करून द्यावीत : जेष्ठ पत्रकार आप्पासाहेब पाटील
Image
वर्धन अग्रोने ऊस बिल त्वरित द्यावीत अन्यथा आंदोलन... सचिन नलवडे यांचा इशारा
Image
कर्तव्यदक्ष मुख्याधिकारी कोणाला नको आहेत ! मुख्याधिकारी यशवंत डांगे यांना हटविण्याचा प्रयत्न सुरू
Image
कोल्हापूर, सांगली सातारा या जिल्ह्यातील संभाव्य पूरपरिस्थिती संदर्भाबाबत महाराष्ट्र राज्याचे जलसंपदा मंत्री श्री जयंत पाटील यांच्या अध्यक्षतेखाली कर्नाटक राज्याचे जलसंपदा मंत्री श्री रमेश जारकीहोळी व महाराष्ट्र राज्याचे सहकार पणन मंत्री श्री बाळासाहेब पाटील यांची बैठक
Image
प्रदेश युवक काँग्रेसच्या उपाध्यक्षपदी शिवराज मोरे यांची निवड
Image