सह्याद्री सुपर स्पेशालिटी हॉस्पिटल कराड येथील अत्याधुनिक शल्यचिकित्सा विभागाचा विस्तार कुशल शल्य चिकित्सक व लप्रोस्कोपिक सर्जन डॉ.नितीन नांगरे यांच्या प्रदीर्घ अनुभवाचा रूग्णांना होणार फायदा


सह्याद्री सुपर स्पेशालिटी हॉस्पिटल कराड येथील अत्याधुनिक शल्यचिकित्सा विभागाचा विस्तार कुशल शल्य चिकित्सक व लप्रोस्कोपिक सर्जन डॉ.नितीन नांगरे यांच्या प्रदीर्घ अनुभवाचा रूग्णांना होणार फायदा


कराड - अद्ययावत तंत्रज्ञान,तज्ञ डॉक्टर्स आणि सर्वोत्कृष्ट आरोग्यसेवा पुरविण्याच्या आपल्या ध्येयाअंतर्गत सह्याद्रि सुपर स्पेशालिटी हॉस्पिटलच्या आपल्या अत्याधुनिक शल्यचिकित्सा विभागात आता प्रदीर्घ अनुभव असलेले कुशल शल्यचिकित्सक व लॅप्रोस्कोपिक सर्जन डॉ.नितीन नांगरे यांचे मार्गदर्शन लाभणार आहे.त्यांनी आजवर 20,000 हून अधिक शस्त्रक्रिया केल्या असून त्यामध्ये लॅप्रोस्कोपिक शस्त्रक्रिया,लेझर शस्त्रक्रिया,बेरियाट्रिक शस्त्रक्रिया व अनेक गुंतागुंतीच्या शस्त्रक्रियांचा समावेश आहे.ही माहिती सह्याद्रि हॉस्पिटल कराड येथे आयोजित पत्रकार परिषदेत देण्यात आली.


यावेळी सह्याद्रि हॉस्पिटल्सचे मार्केटिंग हेड डॉ.केतन आपटे, सह्याद्रि सुपर स्पेशालिटी हॉस्पिटल,कराड चे प्रमुख डॉ.व्यंकटेश मुळे, सह्याद्रि सुपर स्पेशालिटी हॉस्पिटल,कराड चे डायरेक्टर श्री दिलीपभाऊ चव्हाण व श्री अमित चव्हाण, शल्यचित्सिक डॉ.नितीन नांगरे उपस्थित होते.


याप्रसंगी बोलताना सह्याद्रि सुपर स्पेशालिटी हॉस्पिटल,कराड चे प्रमुख डॉ.व्यंकटेश मुळे म्हणाले की,डॉ.नितीन नांगरे यांचे आम्ही सह्याद्रि हॉस्पिटलच्या परिवारात स्वागत करतो.सह्याद्रि हॉस्पिटलच्या शल्यचिकित्सा विभागात असलेल्या अद्ययावत सुविधांशी कुशल शल्यचिकित्सक असलेले डॉ.नांगरे जोडले जाणे हे रूग्णांसाठी नक्कीच फायदेशीर ठरणार आहे.यामुळे डॉ.नांगरे यांच्या मार्गदर्शनाखाली दुर्बिणीद्वारे बिनटाक्याच्या अनेक शस्त्रक्रिया (लॅप्रोस्कोपी),हर्निया,अपेंडिक्स,पिशवी, काढणेपित्ताशय,प्लीहा,लॅप्रोक्टॉमी अशा अनेक शस्त्रक्रिया शल्यचिकित्सा विभागात होऊ शकतात. सह्याद्रि हॉस्पिटलमध्ये या सर्व शस्त्रक्रियांना सहाय्यक आणि पूरक ठरतील अशा सर्व अद्ययावत सुविधा व उपकरणे,ऑपरेशन थिएटर्स उपलब्ध आहेत.बिनटाक्याच्या शस्त्रक्रियांना अद्ययावत सुविधांबरोबरच डॉक्टरांचे कौशल्य महत्त्वाचे ठरते आणि म्हणूनच डॉ.नांगरे यांच्या प्रदीर्घ अनुभवाचा सर्वांना फायदा होईल.


याप्रसंगी बोलताना शल्यचित्सिक व लॅप्रोस्कोपिक सर्जन डॉ.नितीन नांगरे म्हणाले की, हॉस्पिटल्सची महाराष्ट्रातील आघाडीची साखळी असलेल्या सह्याद्रि हॉस्पिटल्स परिवाराशी जोडले जाणे ही माझ्यासाठी अभिमानाची बाब आहे.येथे गुंतागुंतीच्या शस्त्रक्रियांसह सर्व शस्त्रक्रियांसाठी लागणाऱ्या  सोयीसुविधा उपलब्ध असून एकाच छताखाली रूग्णांना निदान व उपचाराशी निगडीत सर्व सेवा मिळू शकतात.लॅप्रोस्कोपिक किंवा बिनटाक्याच्या शस्त्रक्रियांमुळे रूग्णाला कमी दिवस हॉस्पिटलमध्ये राहावे लागते त्यामुळे उपचाराचा खर्च देखील कमी होऊ शकतो आणि दैनंदिन जीवन लवकर पूर्ववत होते.कमी रक्तस्त्राव,कमी वेदनेसह याचे आणखी अनेक फायदे आहेत.लॅप्रोस्कोपी तंत्रज्ञानासह पोटातील वेगवेगळ्या अवयवांपर्यंत पोहोचता येते आणि क्लिष्ट शस्त्रक्रिया देखील करता येते.त्यामळे कराड व आसपासच्या परिसरातील रूग्णांना मोठ्या शहरात जाण्याची गरज नसून सर्व आरोग्य सेवा सविधा येथेच उपलब्ध होत आहेत. डॉ.नांगरे दररोज सह्याद्रि हॉस्पिटल मध्ये उपलब्ध असतील.


सह्याद्रि हॉस्पिटल्सच्या कार्यकारी संचालिका डॉ.जयश्री आपटे म्हणाल्या की.गेल्या काही वर्षात का शहराची प्रगती झपाट्याने होत असून वैद्यकीय केंद्र म्हणून एक नवी ओळख ही शहराला प्राप्त होत आहे.यांत सह्याद्रि हॉस्पिटल्सचा महत्त्वाचा वाटा आहे.अद्ययावत सुविधा,समर्पित डॉक्टरांची टीम आणि प्रशिक्षित कर्मचारी यांच्या साहाय्याने अनेक आजारांसाठी एकाच छताखाली सर्व वैद्यकीय सेवा आम्ही सातत्याने रूग्णांना पुरवित आहोत.विविध जागरूकता, कार्यक्रमआरोग्यसेवा उपक्रम याद्वारे आम्ही आमचे कार्य पुढील काळात अधिक व्यापक करण्याचा प्रयत्न करू.


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
कर्तव्यदक्ष मुख्याधिकारी कोणाला नको आहेत ! मुख्याधिकारी यशवंत डांगे यांना हटविण्याचा प्रयत्न सुरू
Image
सुट्टीत होणार शिक्षकांचे अधिवेशन
कराड वार्तापत्र - गोरख तावरे जनशक्ती आघाडीमध्ये बंड झाल्याने गटात गट निर्माण जानेवारी महिन्यातल्या पहिल्या आठवड्यात होणाऱ्या विविध समितींच्या सभापती निवडीच्या अनुषंगाने कराड नगरपालिका राजकारणात हालचालीस प्रारंभ झाला आहे. दरम्यान जनशक्ती आघाडीमध्ये उभी फूट पडली आहे. उपनगराध्यक्ष जयवंत पाटील यांनी आपल्या गटाला स्वतंत्र बसण्यासाठी वेगळी जागा सभागृहात द्यावी, अशी मागणी केल्याने जनशक्ती आघाडीत फूट पडली. कराड नगरपालिकेच्या राजकारणातील गटात गट निर्माण झाल्याची चर्चा संपूर्ण शहरभर सुरू आहे. दरम्यान ऐतिहासिक कराड नगरपालिका राजकारणातील आघाड्यांना फुटीचे ग्रहण लागले आहे. यापूर्वीही अनेक वेळेला नगरपालिकेमध्ये वेगवेगळ्या विचाराच्या निवडून आलेल्या आघाड्यांमध्ये बंड झाले, फूट पडली अशीच परिस्थिती सध्या निर्माण झाली आहे. स्वर्गीय पी. डी. पाटीलसाहेब कराड नगरपालिकेचे नगराध्यक्ष असताना 25 विरुद्ध 24 अशी सदस्य संख्या होती. दरम्यान एका सदस्याने बंड पुकारून विरोधात गेल्यामुळे सत्ताधारी गट अल्पमतात आला होता. दरम्यान मुरब्बी राजकारणी असणारे पी. डी. पाटील यांनी एका दिवसात हे बंड मोडून काढले. आपला गेलेला सदस्य पुन्हा आपल्या गटात घेऊन आले. नुकत्याच झालेल्या विधानसभा निवडणुकीच्या राजकारणामुळे कराड नगरपालिकेतील सत्ताधारी जनशक्ती आघाडीमध्ये फुट पडली असे बोलले जात आहे. नगरपालिका म्हटले की, गट-तट, आघाड्या, कुरबुडी, देणे घेणे असे सर्रास घडत असते. जनशक्ती आघाडी फुटली, नगरसेवक घेत असलेल्या वेगवेगळ्या भूमिकेमुळे फुटीचे राजकारण हा मुद्दा ऐरणीवर आला.कराड शहरासाठी विकास निधी राज्य शासनाकडून येतो. हा विकास निधी विविध कामावर खर्च करीत असताना कामाचा दर्जा बिलकुल नाही, ठेकेदार दर्जाहीन कामे करतात, हे अनेक कामे पाहिल्यानंतर स्पष्ट होत आहे. दर्जाहीन विकास कामे होत असल्याने नागरिकांची सातत्याने ओरड सुरू आहे. मात्र याकडे नगरसेवक अथवा प्रशासन गांभीर्याने पाहत नाही.यामुळे विद्यमान सत्ताधारी गटातील नगरसेवकांबद्दल नागरिकांच्या मनामध्ये तीव्र संताप निर्माण झाला आहे. मुख्य पदाधिकाऱ्यांसह सर्वच नगरसेवक कराड शहराच्या विकासाकडे लक्ष देणार का ? असा प्रश्न विचारला जात आहे. उपनगराध्यक्ष जयवंत पाटील यांनी गटात गट केलेला कायम राहणार का ? सभापतीच्या निवडीवेळी "तलवार म्यान" होणार का ? हे येणाऱ्या काही दिवसात स्पष्ट होईल. कारण जयवंत पाटील उपनगराध्यक्ष झाल्यापासून सत्ताधारी गटाचा सर्व कारभार जयवंत पाटील यांच्या नेतृत्वाखाली चालला आहे. दरम्यान जयवंत पाटील यांनीच बंड पुकारल्यामुळे जनशक्ती आघाडीचे काय होणार ? असा सवाल उपस्थित होत आहे. जनशक्ती आघाडीतील वाद चव्हाट्यावर आला आणि उपनगराध्यक्ष जयंवत पाटील यांनी सभागृहात वेगळी बसण्याची मागणी केली. कराड नगरपालिका राजकारणाची दिशाच बदलली आहे. उपनगराध्यक्ष जयवंत पाटील व माजी उपनगराध्यक्ष राजेंद्र यादव यांच्यामध्ये समेट घडावा यासाठी प्रयत्न केला जात आहे. विविध समितीच्या सभापतीची निवड करण्याचा अधिकार कोणाला ? आघाडीच्या अध्यक्षांना का नगरपालिकेतील गटनेत्याला ? याबाबत उलट सुलट चर्चा सुरू झाली आहे.दरम्यान विविध समितीच्या सभापती निवडीच्या अनुषंगाने आत्तापर्यंत राजेंद्र माने,महेश कांबळे, किरण पाटील यांना सभापती पदाची संधी मिळालेली नाही. यावेळेला सभापतीपदाची लॉटरी या तीन उमेद नगरसेवकांना लागेल का नाही ? हे अद्याप स्पष्ट झालेले नाही. नुकत्याच झालेल्या विधानसभा निवडणुकीमध्ये कराडच्या नगरसेवकांची भूमिका संभ्रमावस्थेत राहिली होती. कोणत्या उमेदवाराला पाठिंबा कुणाला द्यायचा ? प्रचार कोणाचा करायचा ? याबाबत मात्र कराड नगरपालिकेतील नगरसेवकांचे लवकर एकमत झाले नाही. कराडच्या नगरसेवकांनी आपली भूमिका लवकर स्पष्ट केली नाही. विधानसभा निवडणुकीतील नगरसेवकांच्या भूमिकेबाबत कराडमध्ये आजही चर्चा सुरू आहे.कराड नगरपालिकेला निवडून येणार्‍या नगरसेवकांची भूमिका कराड शहराच्या विकासाबाबत संवेदनशील हवी, मात्र सध्या ती दिसून येत नाही.  नगरपालिका निवडणुकीनंतर कराड नगरपालिकेमध्ये राजकीय तीन गट अस्तित्वात आले. यामध्ये लोकशाही आघाडी विरोधात बसली आहे. भाजपाचे काही नगरसेवक निवडून आले त्यांचा एक गट आहे. त्याचबरोबर सत्ताधारी म्हणून जनशक्ती आघाडी कारभार पाहत आहे. तर भाजपच्या नगराध्यक्षा स्वतंत्रपणे आपला कारभार करीत आहेत. उपनगराध्यक्ष जयवंत पाटील यांनी आपल्या पाच नगरसेवकांचा वेगळा गट निर्माण केला आहे. उपनगराध्यक्ष जयवंत पाटील यांचा गट म्हणजे गटात गट निर्माण झालेला आहे. जनशक्ती आघाडीच्या निवडून आलेल्या नगरसेवकांच्या बरोबर आता इथून पुढे आपला "घरोबा" असणार नाही असे सांगून त्यांनी कराड नगरपालिकेचा कारभार सुरू केला आहे. यशवंत विकास आघाडीचे राजेंद्रसिंह यादव यांना मांणणारे नगरसेवक आहेत. मात्र राजेंद्रसिंह यादव हे नगरपालिका राजकारणात, नगरपालिका कारभार चालवण्यासाठी जेवढा वेळ द्यायला हवा, तेवढा वेळ देत नाही, त्यामुळे नगरसेवकांनी अडचणी कोणासमोर मांडायच्या ? हा प्रश्नच आहे. अशी एकाकी पडलेले नगरसेवक आता एकत्रित सर्वांची मोट बांधण्याचा प्रयत्न करीत आहेत. याला किती प्रतिसाद मिळेल, हे आत्ताच सांगता येणार नाही. येणाऱ्या कालावधीमध्ये गटातला गट शिल्लक राहतो का ? जनशक्ती आघाडीच्या छत्रछायेखाली निवडून आलेले सर्व नगरसेवक एकत्र राहणार का ? हे काही कालावधीनंतर स्पष्ट होईल.  जानेवारी महिन्याच्या पहिल्या आठवड्यामध्ये विविध समितींच्या सभापतींची निवडणूक होणार आहे. यावेळी गटातला गट अथवा जनशक्ती आघाडीची काय रणनीती राहणार हे पहावे लागेल. कराडमधील राजकीय समीकरणांबाबत उत्सुकता निर्माण झाली आहे. दरम्यान, उपनगराध्यक्ष जयवंत पाटील यांनी आपल्यासोबत महेश कांबळे, कश्मिरा इंगवले, माया भोसले, अरुणा पाटील हे नगरेसवक असल्याचा दावा केला आहे. उपनगराध्यक्ष जयवंत पाटील हे भाजपचे डॉ. अतुल भोसले यांचे समर्थक आहेत. तर राजेंद्रसिंह यादव गट श्री. छ. उदयनराजे भोसले यांचे समर्थक आहेत. त्यामुळेच आता नगरपालिका राजकारणात काय होणार ? याबाबत उत्सुकता निर्माण झाली आहे. नगरपालिका निवडणुकीत आ. पृथ्वीराज चव्हाण यांच्या नेतृत्वाखालील यशवंत जनशक्ती लोकसेवा आघाडीचे 16 नगरसेवक विजयी झाले. तर या आघाडीला एका महिला नगरसेविकेने पाठिंबा दिला. दरम्यान निवडून आल्यानंतर प्रथम जनशक्ती आघाडीच्या नगरसेवकांनी पृथ्वीराज चव्हाण यांचा विश्वासघात केला आणि त्यांचे नेतृत्व झुगारून दिले. कराड नगरपालिकेत भाजपाचे पाच, लोकशाही आघाडीचे सहा तर बहुमतात असलेल्या जनशक्ती आघाडीसह आ. पृथ्वीराज चव्हाण यांचे नेतृत्व मानणारे कॉग्रेसचे शहराध्यक्ष राजेंद्र माने असे गट कार्यरत आहेत. उपनगराध्यक्ष जयवंत पाटील यांनी राजीनामा द्यावा, असे बहुमतात असलेल्या जनशक्ती आघाडीतील काही नगरसेवकांचे म्हणणे होते. दरम्यान उपनगराध्यक्ष पाच वर्ष माझ्याकडे राहील" या अटीवर "उपनगराध्यक्षपद घेतले असल्याचे जयंतराव पाटील सांगतात. यामुळे उपनगराध्यक्ष बदलाचा प्रश्नच येत नाही. यशवंत आघाडी राजेंद्रसिंह यादव यांची, जनशक्ती आघाडी अरुण जाधव यांची तर लोकसेवा आघाडी जयवंतराव पाटील यांची आघाडी आहे. या तिघे पृथ्वीराज चव्हाण यांच्या नेतृत्वाखाली एकत्र आले होते. जयवंत पाटील यांच्याकडे उपनगराध्यक्षपद असल्यामुळे नगरपालिकेत दररोज जयवंत पाटील दिसतात. अरुण जाधव नगरपालिकेकडे फिरकतही नाहीत. तर राजेंद्रसिंह यादव आपल्या कामाचा व्याप सांभाळून, जेवढा वेळ देता येईल तेवढाच वेळ देतात. यामुळे अनेक प्रश्न निर्माण झाले आहेत, ते कोण सोडवणार ? हा खरा प्रश्न निर्माण झाला आहे.
Image
वृत्तपत्र विक्रेत्यांच्या सुरक्षेचे काय ? पत्रकारांची काळजी कोण घेणार ? पत्रकारीतेचा "घेतला वसा" म्हणून काम करणे योग्य नाही
Image