सिद्धेश्वर यात्रेत कापडी पिशवी वाटप केंद्राचेरा संजय बनसोडे यांच्या हस्ते उद्घाटन
लातूर, - राज्य शासनाच्या पर्यावरण विभागाच्या महाराष्ट्र प्रदूषण नियंत्रण मंडळामार्फत प्लास्टिक पिशवी, थर्माकोलमुक्त महाराष्ट्र जनजागृती अभियानाच्या सचित्र मार्गदर्शिका व कापडी पिशवी वाटप केंद्राचे सिद्धेश्वर रत्नेश्वर यात्रेत पर्यावरण राज्यमंत्री संजय बनसोडे यांच्या हस्ते उद्घाटन करण्यात आले.
महाराष्ट्र प्रदूषण नियंत्रण मंडळ लातूरच्या उपप्रादेशिक कार्यालयाच्यावतीने प्लास्टिकबंदी, थर्माकोलमुक्ती व समृद्ध पर्यावरण रक्षणासाठी जनजागृती करण्याकरिता सिद्धेश्वर रत्नेश्वर यात्रेत हे केंद्र सुरू करण्यात आले आहे.
या केंद्राच्या माध्यमातून प्लास्टिक बंदीबाबत जास्तीत जास्त जागृती करण्याकडे संबधितांनी लक्ष द्यावे. तसेच नागरिकांनीही शासनाच्या या मोहिमेस प्लास्टिकचा वापर न करण्याचा संकल्प करून सहकार्य करावे व पर्यावरण संरक्षण अभियानात खारीचा वाटा उचलावा असे आवाहन राज्यमंत्री श्री. बनसोडे यांनी यावेळी केले. यावेळी महाराष्ट्र प्रदूषण नियंत्रण मंडळाचे उप प्रादेशिक अधिकारी व्ही.पी. शेळके, क्षेत्र अधिकारी रविंद्र क्षीरसागर, एन.पी. दारसेवाड, शितल बनसोडे आदी मान्यवर उपस्थित होते
