शिवसेनाप्रमुख बाळासाहेब ठाकरे यांचे जीवन चरित्राची पुस्तके उपलब्ध
कराड - सौ.वेणूताई चव्हाण ट्रस्टमध्ये कराड शहरासह तालुक्यातील विद्यार्थी अभ्यासकेसाठी दररोज येत असतात.विविध विषयावरील पुस्तके विद्यार्थ्यांना येथे उपलब्ध करून दिली जातात दरम्यान विद्यार्थी अभ्यासिकेला महाराष्ट्र वितरक सेनेचे राज्याध्यक्ष मारुतीराव साळुंखे यांनी सदिच्छा भेट दिली होती. यावेळी विद्यार्थ्यांनी शिवसेनाप्रमुख बाळासाहेब ठाकरे यांच्या जीवन चरित्रावरील पुस्तके अभ्यासिकेमध्ये असावीत अशी अपेक्षा व्यक्त केली होती.
अभ्यासिकेतील विद्यार्थीनी ग्रंथालयामध्ये शिवसेना आणि शिवसेना प्रमुख वंदनीय बाळासाहेब ठाकरे यांच्या विचाराविषयीची माहीती पुस्तके, जीवन चरित्रबाबत ग्रंथ अभ्यासण्यासाठी उपलब्ध असावीत अशी विनंती मारुतीराव साळुंखे यांच्याकडे केली होती. त्यांनी लगेच पुस्तके देण्याचे विद्यार्यांना वचन दिले. त्याप्रमाणे विद्यार्थ्यांना पुस्तके अभ्यासिकेसाठी शिवसेना भवन(मुंबई) येथून शिवसेना उपजिल्हा प्रमुख रामभाऊ रैनाक, शिक्षक सेना जिल्हाध्यक्ष जोतिराम साळी यांच्याकडे पुस्तके दिली.
शिवसेना प्रमुख वंदनीय बाळासाहेब ठाकरे यांच्या जीवनासंदर्भाने उपलब्ध असणारी सर्व पुस्तके शिवसेना उपजिल्हा प्रमुख रामभाऊ रैनाक, शिवसेना कराड दक्षिण तालुका प्रमुख नितीन काशिद-पाटील, कराड तालुका प्रमुख शशिकांत हापसे, शिक्षकसेना जिल्हाध्यक्ष जोतिराम साळी, शिवसेना कराड शहर प्रमुख शशिराज करपे यांच्या हस्ते अभ्यासिकेचे व्यवस्थापक आणि विद्यार्थी यांच्याकडे पुस्तके देण्यात आली.
