डॉ. अतुल भोसले यांचा विरोधकांना सवाल...इतरांच्या नावावर बोगस कर्ज का घेतले ? त्यांना तुरूंगात का जावे लागले ? या प्रश्‍नांची उत्तरे हिंमत असेल तर द्यावीत 


डॉ. अतुल भोसले यांचा विरोधकांना सवाल...इतरांच्या नावावर बोगस कर्ज का घेतले ? त्यांना तुरूंगात का जावे लागले ? या प्रश्‍नांची उत्तरे हिंमत असेल तर द्यावीत 


कापूसखेड, - कृष्णा कारखान्याच्या विरोधकांनी हिंमत असेल तर त्यांच्या 5 वर्षाच्या काळात त्यांनी जे गुण उधळले त्याबद्दल बोलावे? त्यांनी शेतकरी सभासदांसाठी काय केले?, त्यांनी इतरांच्या नावावर बोगस कर्ज का घेतले? त्यांना तुरूंगात का जावे लागले? या प्रश्‍नांची उत्तरे हिंमत असेल तर द्यावीत, असे आव्हान कृष्णा सहकारी बँकेचे चेअरमन डॉ. अतुल भोसले यांनी कारखान्याचे माजी चेअरमन अविनाश मोहिते यांना दिले. कापूसखेड (ता. वाळवा) येेथे आयोजित कारखाना सभासद संपर्क मेळाव्यात ते बोलत होते.


व्यासपीठावर कारखान्याचे संचालक लिंबाजीराव पाटील, संजय पाटील, गिरीश पाटील, दिलीप पाटील, अमोल गुरव, सुजीत मोरे, वाळवा कृषी उत्पन्न बाजार समितीचे संचालक संपत पाटील, बहे गावचे उपसरपंच मनोज पाटील, कापूसखेडचे माजी सरपंच प्रदीप पाटील, माजी उपसरपंच राजेंद्र पाटील, श्रीकांत पाटील, नेर्ले ग्रामपंचायतीचे सदस्य शरद बल्लाळ, महेश पाटील, सयाजी पाटील, राजेश पाटील, शशिकांत पाटील, टी. वाय. पाटील, रवींद्र पाटील, कृष्णा बँकेचे संचालक दिनकर गडाळे आदी मान्यवर उपस्थित होते.


डॉ. अतुल भोसले यांनी आपल्या भाषणात विरोधकांच्या टीकेचा समाचार घेतानाच, डॉ. सुरेश भोसले यांच्या नेतृत्वात सुरू असलेल्या कारखान्याच्या यशस्वी वाटचालीचा लेखाजोखाही मांडला. ते म्हणाले, गेल्या निवडणुकीत आम्ही सभासदांना मोफत साखर देण्याची घोषणा केली होती. त्यावेळी अनेकांनी आमच्या या घोषणची खिल्ली उडविली. पण आम्ही ही घोषणा प्रत्यक्षात साकारून विरोधकांची तोंडे बंद केली. डॉ. सुरेशबाबांच्या नेतृत्वाखालील संचालक मंडळाने कारखान्याचे भत्ते नाकारून सहकारात एक नवा आदर्श निर्माण केला. याच काळात कारखान्याच्या इतिहासात सर्वाधिक गाळप झालेले आहे. विरोधकांनी त्यांच्या काळात जे पोते 22 रूपयांना खरेदी केले, तेच पोते आम्ही अवघ्या 13 रूपयांना घेऊन कारखान्याचे कोट्यवधी रूपये वाचविले. सहकारमहर्षी स्व. जयवंतराव भोसले आप्पांनी सुरू केलेली उच्चांकी दराची परपंरादेखील डॉ. सुरेशबाबांच्या काळात जपली गेली. एवढा चांगला कारभार सुरू असतानाही विरोधक मात्र कारखान्याच्या कारभारावर बोलण्यापेक्षा अन्य मुद्यांवरच बोलून सभासदांची दिशाभूल करत आहेत. विरोधकांनी आमच्यावर टीका करण्यापेक्षा स्वत:च्या 5 वर्षाच्या काळात काय गुण उधळले याची माहिती जरा सभासदांना द्यावी, म्हणजे तुमचे खरे रूप उघड होईल.


निवडणुका जवळ आल्यामुळे ज्यांनी कारखान्याच्या प्रॉपर्टीवर, शेतकरी, वाहतूकदारांवर कर्ज काढले आणि त्यासाठी ज्यांना तुरूंगात जावे लागले, त्यांच्या अंगात आता इलेक्शनचे वारे शिरलेय, अशी टीका माजी चेअरमन अविनाश मोहिते यांच्यावर करत कापूसखेडचे माजी सरपंच प्रदीप पाटील म्हणाले, की कृष्णावर आता भोसले पॅनेलची सत्ता नसती तर हा कारखाना केव्हाच भंगारात गेला असता. आज सुरेशबाबांच्या नेतृत्वामुळे कारखाना चांगली प्रगती करत आहे. पण विकासावर बोलायला विरोधकांकडे मुद्देच नसल्याने ते सोशल मिडियातून नको ती टिका करत आहेत. हॉस्पिटलवर आणि ट्रस्टवर टीका करणार्‍या विरोधकांनी जरा त्या हॉस्पिटलमध्ये अ‍ॅडमिट होऊन उपचार घ्यावेत आणि तिथं मिळणार्‍या सेवासुविधांची माहिती घ्यावी.


सुरेशबाबांच्या नेतृत्वात काम करायला मिळाले ही आमच्यासाठी अभिमानस्पद गोष्ट असून, या काळात कारखान्याची कोट्यवधी रूपयांची बचत करण्यात आणि कारखाना सुस्थितीत आणण्यात आम्हाला यश आले, असे प्रतिपादन संचालक लिंबाजीराव पाटील यांनी केले.


यावेळी राजेंद्र पाटील, संपत पाटील यांनीही मनोगत व्यक्त करत कारखान्याच्या प्रगतीसाठी सहकार पॅनेलच्या पाठीशी राहण्याचे आवाहन केले. कार्यक्रमाला तंटामुक्तीचे समितीचे माजी अध्यक्ष हौसेराव पाटील, सुरेश देसाई, जयकर पाटील, सुरेश पाटील, परशुराम पाटील, भाऊसाहेब मोकाशी, डॉ. एस. व्ही. पाटील, हनुमंत कुंभार, पांडुरंग पाटील, सुभाष पाटील, भानुदास देसाई, सिकंदर मुल्ला, विजय मोकाशी, बाजीराव पाटील, संदीप पाटील, श्रीकांत पाटील यांच्यासह सभासद शेतकरी मोठ्या संख्येने उपस्थित होते.


सोशल मिडियातील अफवांना भूलू नका 


सध्या सोशल मिडियातून ना. जयंत पाटील यांच्या अनुषंगाने पसरविल्या जात असलेल्या अफवांना कोणीही बळू पडे नये. कृष्णा कारखान्याच्या बाबतीत ना. जयंत पाटील यांनी त्यांच्या कार्यकर्त्यांना योग्य ती भूमिका घेण्याचे स्वातंत्र्य दिले आहे. आम्ही सर्व जयंत पाटील यांना मानणारे असून, कृष्णा कारखान्याच्या प्रगतीसाठी आम्ही सर्व डॉ. सुरेश भोसले यांच्याच पाठीशी खंबीरपणे उभे राहणार आहोत, असे कापूसखेडचे माजी सरपंच प्रदीप पाटील यांनी स्पष्ट केले.


हनुमान मंदिराच्या सुशोभीकरणासाठी सहकार्य


कापूसखेड येथील हनुमान मंदिराच्या सुशोभीकरणासाठी कृष्णा सहकारी बॅकेतर्फे योग्य ते सहकार्य केले जाईल, अशी ग्वाही बँकेचे चेअरमन डॉ. अतुल भोसले यांनी दिली.


 


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
कर्तव्यदक्ष मुख्याधिकारी कोणाला नको आहेत ! मुख्याधिकारी यशवंत डांगे यांना हटविण्याचा प्रयत्न सुरू
Image
सुट्टीत होणार शिक्षकांचे अधिवेशन
कराड वार्तापत्र - गोरख तावरे जनशक्ती आघाडीमध्ये बंड झाल्याने गटात गट निर्माण जानेवारी महिन्यातल्या पहिल्या आठवड्यात होणाऱ्या विविध समितींच्या सभापती निवडीच्या अनुषंगाने कराड नगरपालिका राजकारणात हालचालीस प्रारंभ झाला आहे. दरम्यान जनशक्ती आघाडीमध्ये उभी फूट पडली आहे. उपनगराध्यक्ष जयवंत पाटील यांनी आपल्या गटाला स्वतंत्र बसण्यासाठी वेगळी जागा सभागृहात द्यावी, अशी मागणी केल्याने जनशक्ती आघाडीत फूट पडली. कराड नगरपालिकेच्या राजकारणातील गटात गट निर्माण झाल्याची चर्चा संपूर्ण शहरभर सुरू आहे. दरम्यान ऐतिहासिक कराड नगरपालिका राजकारणातील आघाड्यांना फुटीचे ग्रहण लागले आहे. यापूर्वीही अनेक वेळेला नगरपालिकेमध्ये वेगवेगळ्या विचाराच्या निवडून आलेल्या आघाड्यांमध्ये बंड झाले, फूट पडली अशीच परिस्थिती सध्या निर्माण झाली आहे. स्वर्गीय पी. डी. पाटीलसाहेब कराड नगरपालिकेचे नगराध्यक्ष असताना 25 विरुद्ध 24 अशी सदस्य संख्या होती. दरम्यान एका सदस्याने बंड पुकारून विरोधात गेल्यामुळे सत्ताधारी गट अल्पमतात आला होता. दरम्यान मुरब्बी राजकारणी असणारे पी. डी. पाटील यांनी एका दिवसात हे बंड मोडून काढले. आपला गेलेला सदस्य पुन्हा आपल्या गटात घेऊन आले. नुकत्याच झालेल्या विधानसभा निवडणुकीच्या राजकारणामुळे कराड नगरपालिकेतील सत्ताधारी जनशक्ती आघाडीमध्ये फुट पडली असे बोलले जात आहे. नगरपालिका म्हटले की, गट-तट, आघाड्या, कुरबुडी, देणे घेणे असे सर्रास घडत असते. जनशक्ती आघाडी फुटली, नगरसेवक घेत असलेल्या वेगवेगळ्या भूमिकेमुळे फुटीचे राजकारण हा मुद्दा ऐरणीवर आला.कराड शहरासाठी विकास निधी राज्य शासनाकडून येतो. हा विकास निधी विविध कामावर खर्च करीत असताना कामाचा दर्जा बिलकुल नाही, ठेकेदार दर्जाहीन कामे करतात, हे अनेक कामे पाहिल्यानंतर स्पष्ट होत आहे. दर्जाहीन विकास कामे होत असल्याने नागरिकांची सातत्याने ओरड सुरू आहे. मात्र याकडे नगरसेवक अथवा प्रशासन गांभीर्याने पाहत नाही.यामुळे विद्यमान सत्ताधारी गटातील नगरसेवकांबद्दल नागरिकांच्या मनामध्ये तीव्र संताप निर्माण झाला आहे. मुख्य पदाधिकाऱ्यांसह सर्वच नगरसेवक कराड शहराच्या विकासाकडे लक्ष देणार का ? असा प्रश्न विचारला जात आहे. उपनगराध्यक्ष जयवंत पाटील यांनी गटात गट केलेला कायम राहणार का ? सभापतीच्या निवडीवेळी "तलवार म्यान" होणार का ? हे येणाऱ्या काही दिवसात स्पष्ट होईल. कारण जयवंत पाटील उपनगराध्यक्ष झाल्यापासून सत्ताधारी गटाचा सर्व कारभार जयवंत पाटील यांच्या नेतृत्वाखाली चालला आहे. दरम्यान जयवंत पाटील यांनीच बंड पुकारल्यामुळे जनशक्ती आघाडीचे काय होणार ? असा सवाल उपस्थित होत आहे. जनशक्ती आघाडीतील वाद चव्हाट्यावर आला आणि उपनगराध्यक्ष जयंवत पाटील यांनी सभागृहात वेगळी बसण्याची मागणी केली. कराड नगरपालिका राजकारणाची दिशाच बदलली आहे. उपनगराध्यक्ष जयवंत पाटील व माजी उपनगराध्यक्ष राजेंद्र यादव यांच्यामध्ये समेट घडावा यासाठी प्रयत्न केला जात आहे. विविध समितीच्या सभापतीची निवड करण्याचा अधिकार कोणाला ? आघाडीच्या अध्यक्षांना का नगरपालिकेतील गटनेत्याला ? याबाबत उलट सुलट चर्चा सुरू झाली आहे.दरम्यान विविध समितीच्या सभापती निवडीच्या अनुषंगाने आत्तापर्यंत राजेंद्र माने,महेश कांबळे, किरण पाटील यांना सभापती पदाची संधी मिळालेली नाही. यावेळेला सभापतीपदाची लॉटरी या तीन उमेद नगरसेवकांना लागेल का नाही ? हे अद्याप स्पष्ट झालेले नाही. नुकत्याच झालेल्या विधानसभा निवडणुकीमध्ये कराडच्या नगरसेवकांची भूमिका संभ्रमावस्थेत राहिली होती. कोणत्या उमेदवाराला पाठिंबा कुणाला द्यायचा ? प्रचार कोणाचा करायचा ? याबाबत मात्र कराड नगरपालिकेतील नगरसेवकांचे लवकर एकमत झाले नाही. कराडच्या नगरसेवकांनी आपली भूमिका लवकर स्पष्ट केली नाही. विधानसभा निवडणुकीतील नगरसेवकांच्या भूमिकेबाबत कराडमध्ये आजही चर्चा सुरू आहे.कराड नगरपालिकेला निवडून येणार्‍या नगरसेवकांची भूमिका कराड शहराच्या विकासाबाबत संवेदनशील हवी, मात्र सध्या ती दिसून येत नाही.  नगरपालिका निवडणुकीनंतर कराड नगरपालिकेमध्ये राजकीय तीन गट अस्तित्वात आले. यामध्ये लोकशाही आघाडी विरोधात बसली आहे. भाजपाचे काही नगरसेवक निवडून आले त्यांचा एक गट आहे. त्याचबरोबर सत्ताधारी म्हणून जनशक्ती आघाडी कारभार पाहत आहे. तर भाजपच्या नगराध्यक्षा स्वतंत्रपणे आपला कारभार करीत आहेत. उपनगराध्यक्ष जयवंत पाटील यांनी आपल्या पाच नगरसेवकांचा वेगळा गट निर्माण केला आहे. उपनगराध्यक्ष जयवंत पाटील यांचा गट म्हणजे गटात गट निर्माण झालेला आहे. जनशक्ती आघाडीच्या निवडून आलेल्या नगरसेवकांच्या बरोबर आता इथून पुढे आपला "घरोबा" असणार नाही असे सांगून त्यांनी कराड नगरपालिकेचा कारभार सुरू केला आहे. यशवंत विकास आघाडीचे राजेंद्रसिंह यादव यांना मांणणारे नगरसेवक आहेत. मात्र राजेंद्रसिंह यादव हे नगरपालिका राजकारणात, नगरपालिका कारभार चालवण्यासाठी जेवढा वेळ द्यायला हवा, तेवढा वेळ देत नाही, त्यामुळे नगरसेवकांनी अडचणी कोणासमोर मांडायच्या ? हा प्रश्नच आहे. अशी एकाकी पडलेले नगरसेवक आता एकत्रित सर्वांची मोट बांधण्याचा प्रयत्न करीत आहेत. याला किती प्रतिसाद मिळेल, हे आत्ताच सांगता येणार नाही. येणाऱ्या कालावधीमध्ये गटातला गट शिल्लक राहतो का ? जनशक्ती आघाडीच्या छत्रछायेखाली निवडून आलेले सर्व नगरसेवक एकत्र राहणार का ? हे काही कालावधीनंतर स्पष्ट होईल.  जानेवारी महिन्याच्या पहिल्या आठवड्यामध्ये विविध समितींच्या सभापतींची निवडणूक होणार आहे. यावेळी गटातला गट अथवा जनशक्ती आघाडीची काय रणनीती राहणार हे पहावे लागेल. कराडमधील राजकीय समीकरणांबाबत उत्सुकता निर्माण झाली आहे. दरम्यान, उपनगराध्यक्ष जयवंत पाटील यांनी आपल्यासोबत महेश कांबळे, कश्मिरा इंगवले, माया भोसले, अरुणा पाटील हे नगरेसवक असल्याचा दावा केला आहे. उपनगराध्यक्ष जयवंत पाटील हे भाजपचे डॉ. अतुल भोसले यांचे समर्थक आहेत. तर राजेंद्रसिंह यादव गट श्री. छ. उदयनराजे भोसले यांचे समर्थक आहेत. त्यामुळेच आता नगरपालिका राजकारणात काय होणार ? याबाबत उत्सुकता निर्माण झाली आहे. नगरपालिका निवडणुकीत आ. पृथ्वीराज चव्हाण यांच्या नेतृत्वाखालील यशवंत जनशक्ती लोकसेवा आघाडीचे 16 नगरसेवक विजयी झाले. तर या आघाडीला एका महिला नगरसेविकेने पाठिंबा दिला. दरम्यान निवडून आल्यानंतर प्रथम जनशक्ती आघाडीच्या नगरसेवकांनी पृथ्वीराज चव्हाण यांचा विश्वासघात केला आणि त्यांचे नेतृत्व झुगारून दिले. कराड नगरपालिकेत भाजपाचे पाच, लोकशाही आघाडीचे सहा तर बहुमतात असलेल्या जनशक्ती आघाडीसह आ. पृथ्वीराज चव्हाण यांचे नेतृत्व मानणारे कॉग्रेसचे शहराध्यक्ष राजेंद्र माने असे गट कार्यरत आहेत. उपनगराध्यक्ष जयवंत पाटील यांनी राजीनामा द्यावा, असे बहुमतात असलेल्या जनशक्ती आघाडीतील काही नगरसेवकांचे म्हणणे होते. दरम्यान उपनगराध्यक्ष पाच वर्ष माझ्याकडे राहील" या अटीवर "उपनगराध्यक्षपद घेतले असल्याचे जयंतराव पाटील सांगतात. यामुळे उपनगराध्यक्ष बदलाचा प्रश्नच येत नाही. यशवंत आघाडी राजेंद्रसिंह यादव यांची, जनशक्ती आघाडी अरुण जाधव यांची तर लोकसेवा आघाडी जयवंतराव पाटील यांची आघाडी आहे. या तिघे पृथ्वीराज चव्हाण यांच्या नेतृत्वाखाली एकत्र आले होते. जयवंत पाटील यांच्याकडे उपनगराध्यक्षपद असल्यामुळे नगरपालिकेत दररोज जयवंत पाटील दिसतात. अरुण जाधव नगरपालिकेकडे फिरकतही नाहीत. तर राजेंद्रसिंह यादव आपल्या कामाचा व्याप सांभाळून, जेवढा वेळ देता येईल तेवढाच वेळ देतात. यामुळे अनेक प्रश्न निर्माण झाले आहेत, ते कोण सोडवणार ? हा खरा प्रश्न निर्माण झाला आहे.
Image
वृत्तपत्र विक्रेत्यांच्या सुरक्षेचे काय ? पत्रकारांची काळजी कोण घेणार ? पत्रकारीतेचा "घेतला वसा" म्हणून काम करणे योग्य नाही
Image