करोनाची भीती अर्थव्यवस्थेची स्थिती

करोनाची भीती अर्थव्यवस्थेची स्थिती

 

 मानवाने केलेल्या तांत्रिक प्रगतीमुळे व जागतिकरणा सारख्या धोरणाचा स्वीकार केल्यामुळे संपूर्ण जग जवळ आले आहे. जगातील कोणत्याही देशात एखादी घटना घडल्यानंतर तत्काळ त्या घटनेचे पडसाद संपूर्ण जगात उमटताना दिसतात. जसे पाण्याच्या डोहात दगड टाकला असता पाण्यामध्ये तरंग निर्माण होऊन ते किनाऱ्यापर्यंत पोहोचतात पाण्यात टाकलेला दगड आकाराने जेवढा मोठा तेवढे तरंग अधिक निर्माण होऊन वेगाने किनार्‍यावर पोचतात  त्याचप्रमाणे जगातील कोणत्याही देशात कोणतीही घटना घडल्यास त्याचे परिणाम संपूर्ण जगभरात पसरतात मग ती घटना नैसर्गिक, मानवनिर्मित, आर्थिक अथवा पर्यावरणाशी संबंधित असो किंवा करोना सारख्या विषाणूजन्य आजाराची असो. आज करोनामुळे संपूर्ण जग भीतीच्या सावटाखाली आहे कारण या आजारावरील 100% उपचार पद्धती अद्याप उपलब्ध नाही. या आजारावरील उपचार शोधणे हे जगभरातील संशोधका पुढील एक आव्हान आहे.

 

जगभरातील लोक या आजारामुळे भयभीत झाले असून त्यापासून बचाव करण्यासाठी दक्षता म्हणून घराबाहेर न पडणे, गर्दीच्या ठिकाणी न जाणे, हस्तांदोलन न करणे, नोकरी व कामाच्या ठिकाणी न जाणे, तसेच शाळा-कॉलेजात न जाणे, यासारख्या उपायोजना स्वतः करत आहेत. अतिदक्षतेच्या  ठिकाणी त्या त्या देशातील व राज्यातील सरकार शक्तीचे आदेश काढून परिस्थिती नियंत्रणात आणण्याचा व करोनाचा प्रसार रोखण्याचा प्रयत्न करत आहेत. करोना मुळे जागतिक बाजारपेठेवर खूप मोठा परिणाम झाला असून जगाच्या अर्थव्यवस्थेवर विघातक असे परिणाम झाले आहेत. विशेष म्हणजे, करोना येण्याअगोदरच जागतिक अर्थव्यवस्थेची स्थिती समाधान कारक नव्हते. जगातील अनेक देशांच्या अर्थव्यवस्था मंदीच्या दिशेने मार्गक्रमण करत होत्या. ते संकट विस्तारत असतानाच करोना हे नवीन संकट येऊन धडकले. या रोगाची लागण सर्वप्रथम सर्वाधिक लोकसंख्या असलेल्या व अनेक देशांशी व्यापारी संबंध असलेल्या चीन या देशातून झाली. त्यामुळे जागतिक बाजारातील मागणी पुरवठा, उत्पादन प्रक्रिया व आयात निर्यातीवर गंभीर परिणाम होऊन करोना च्या साथी बरोबरच जगातील शेअर बाजार कोसळले, तेलाचे भाव कमी झाले, वाहतूक व्यवसाय थांबला, चित्रपट गृह मोकळी पडली, विमानतळे व बाजार ओस पडली, शाळा कॉलेज बंद केली, देवाचि मंदिरे ओसाड पडली, गावोगावच्या यात्रा बंद केल्या त्यामुळे खरेदी-विक्रीचे व्यवहार थांबले परिणामी अनेक देशातील जीडीपी दर घसरु लागले त्यामुळे जगाची अर्थव्यवस्था तीव्र मंदीच्या दिशेने वाटचाल करू लागली या आर्थिक संकटातून कोणताही देश वाचेल असे वाटत नाही. असे असले तरी सध्याची परिस्थिती ही आर्थिक संकटा पेक्षाही करोना च्या संकटाला धीराने सामोरे जाण्याची गरज आहे कारण शीर सही तो पगडी पचास म्हणजेच आज माणसं वाचवणे गरजेचे आहे माणसं वाचल्यास आर्थिक स्थिती सुधारता येऊ शकते.

 

भारत हा लोकसंख्येच्या बाबतीत जगातील दुसऱ्या क्रमांकाचा देश असून आर्थिक जगतातही भारताचे महत्त्वाचे स्थान आहे. त्यामुळे या संकटाकडे भारताने गांभीर्याने पाहणे आवश्यक आहे कारण चीनमधील वाढत्या लोकसंख्येमुळे चुकीची आहार पद्धती वाढीस लागल्यामुळे हे संकट उद्भवल्याचे बोलले जाते अर्थात चीनच्या तुलनेत भारताची लोकसंख्या वाढीचा दर सध्या अधिक असला तरी भारताची आहार पद्धती चीनच्या तुलनेत अत्यंत चांगली आहे असेच म्हणावे लागेल विशेष बाब ही की काही लोकांचे म्हणणे असे आहे की,करोना हा विषाणू प्रयोगशाळेत निर्माण केला गेला असून तो एक जैविक युद्धाचा भाग आहे  असे बोलले जाते.

 

हा विषाणू निर्माण होण्याचे कारण नैसर्गिक असो किंवा मानवनिर्मित असो या विषाणूने जगभरात अनेक लोकांचा बळी घेतलेला आहे. एकट्या चीन या देशात आजवर 3176 लोकांचा मृत्यू झाला आहे. भारतात देखील या रोगाची लागण झालेली काही रुग्ण आढळून आले आहेत परंतु हे सर्व रुग्ण इतर देशातून प्रवास करून आले असून इतर देशात असतानाच या आजाराची लागण त्यांना झालेली असल्याचे स्पष्ट  झाले आहे. असे असले तरी देशात करोना या आजाराचा प्रसार होऊ नये म्हणून देशातील केंद्रशासन व राज्य शासन योग्य ती काळजी घेत आहेत देशातील जनतेने देखील घाबरून न जाता स्वतःची दक्षता घेऊन इतरांचे मनोबल वाढवणे गरजेचे आहे.

 

                  डॉ. ए. बी. मुळीक

                  मो.9637485794

Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
सातारा जिल्ह्यात 21 रुग्णांची नोंद.... एकूण रुग्णांची संख्या 113
राज्य शासनामार्फत पत्रकारांसाठी गृह योजना राबवून घरे उपलब्ध करून द्यावीत : जेष्ठ पत्रकार आप्पासाहेब पाटील
Image
कराड वार्तापत्र - गोरख तावरे जनशक्ती आघाडीमध्ये बंड झाल्याने गटात गट निर्माण जानेवारी महिन्यातल्या पहिल्या आठवड्यात होणाऱ्या विविध समितींच्या सभापती निवडीच्या अनुषंगाने कराड नगरपालिका राजकारणात हालचालीस प्रारंभ झाला आहे. दरम्यान जनशक्ती आघाडीमध्ये उभी फूट पडली आहे. उपनगराध्यक्ष जयवंत पाटील यांनी आपल्या गटाला स्वतंत्र बसण्यासाठी वेगळी जागा सभागृहात द्यावी, अशी मागणी केल्याने जनशक्ती आघाडीत फूट पडली. कराड नगरपालिकेच्या राजकारणातील गटात गट निर्माण झाल्याची चर्चा संपूर्ण शहरभर सुरू आहे. दरम्यान ऐतिहासिक कराड नगरपालिका राजकारणातील आघाड्यांना फुटीचे ग्रहण लागले आहे. यापूर्वीही अनेक वेळेला नगरपालिकेमध्ये वेगवेगळ्या विचाराच्या निवडून आलेल्या आघाड्यांमध्ये बंड झाले, फूट पडली अशीच परिस्थिती सध्या निर्माण झाली आहे. स्वर्गीय पी. डी. पाटीलसाहेब कराड नगरपालिकेचे नगराध्यक्ष असताना 25 विरुद्ध 24 अशी सदस्य संख्या होती. दरम्यान एका सदस्याने बंड पुकारून विरोधात गेल्यामुळे सत्ताधारी गट अल्पमतात आला होता. दरम्यान मुरब्बी राजकारणी असणारे पी. डी. पाटील यांनी एका दिवसात हे बंड मोडून काढले. आपला गेलेला सदस्य पुन्हा आपल्या गटात घेऊन आले. नुकत्याच झालेल्या विधानसभा निवडणुकीच्या राजकारणामुळे कराड नगरपालिकेतील सत्ताधारी जनशक्ती आघाडीमध्ये फुट पडली असे बोलले जात आहे. नगरपालिका म्हटले की, गट-तट, आघाड्या, कुरबुडी, देणे घेणे असे सर्रास घडत असते. जनशक्ती आघाडी फुटली, नगरसेवक घेत असलेल्या वेगवेगळ्या भूमिकेमुळे फुटीचे राजकारण हा मुद्दा ऐरणीवर आला.कराड शहरासाठी विकास निधी राज्य शासनाकडून येतो. हा विकास निधी विविध कामावर खर्च करीत असताना कामाचा दर्जा बिलकुल नाही, ठेकेदार दर्जाहीन कामे करतात, हे अनेक कामे पाहिल्यानंतर स्पष्ट होत आहे. दर्जाहीन विकास कामे होत असल्याने नागरिकांची सातत्याने ओरड सुरू आहे. मात्र याकडे नगरसेवक अथवा प्रशासन गांभीर्याने पाहत नाही.यामुळे विद्यमान सत्ताधारी गटातील नगरसेवकांबद्दल नागरिकांच्या मनामध्ये तीव्र संताप निर्माण झाला आहे. मुख्य पदाधिकाऱ्यांसह सर्वच नगरसेवक कराड शहराच्या विकासाकडे लक्ष देणार का ? असा प्रश्न विचारला जात आहे. उपनगराध्यक्ष जयवंत पाटील यांनी गटात गट केलेला कायम राहणार का ? सभापतीच्या निवडीवेळी "तलवार म्यान" होणार का ? हे येणाऱ्या काही दिवसात स्पष्ट होईल. कारण जयवंत पाटील उपनगराध्यक्ष झाल्यापासून सत्ताधारी गटाचा सर्व कारभार जयवंत पाटील यांच्या नेतृत्वाखाली चालला आहे. दरम्यान जयवंत पाटील यांनीच बंड पुकारल्यामुळे जनशक्ती आघाडीचे काय होणार ? असा सवाल उपस्थित होत आहे. जनशक्ती आघाडीतील वाद चव्हाट्यावर आला आणि उपनगराध्यक्ष जयंवत पाटील यांनी सभागृहात वेगळी बसण्याची मागणी केली. कराड नगरपालिका राजकारणाची दिशाच बदलली आहे. उपनगराध्यक्ष जयवंत पाटील व माजी उपनगराध्यक्ष राजेंद्र यादव यांच्यामध्ये समेट घडावा यासाठी प्रयत्न केला जात आहे. विविध समितीच्या सभापतीची निवड करण्याचा अधिकार कोणाला ? आघाडीच्या अध्यक्षांना का नगरपालिकेतील गटनेत्याला ? याबाबत उलट सुलट चर्चा सुरू झाली आहे.दरम्यान विविध समितीच्या सभापती निवडीच्या अनुषंगाने आत्तापर्यंत राजेंद्र माने,महेश कांबळे, किरण पाटील यांना सभापती पदाची संधी मिळालेली नाही. यावेळेला सभापतीपदाची लॉटरी या तीन उमेद नगरसेवकांना लागेल का नाही ? हे अद्याप स्पष्ट झालेले नाही. नुकत्याच झालेल्या विधानसभा निवडणुकीमध्ये कराडच्या नगरसेवकांची भूमिका संभ्रमावस्थेत राहिली होती. कोणत्या उमेदवाराला पाठिंबा कुणाला द्यायचा ? प्रचार कोणाचा करायचा ? याबाबत मात्र कराड नगरपालिकेतील नगरसेवकांचे लवकर एकमत झाले नाही. कराडच्या नगरसेवकांनी आपली भूमिका लवकर स्पष्ट केली नाही. विधानसभा निवडणुकीतील नगरसेवकांच्या भूमिकेबाबत कराडमध्ये आजही चर्चा सुरू आहे.कराड नगरपालिकेला निवडून येणार्‍या नगरसेवकांची भूमिका कराड शहराच्या विकासाबाबत संवेदनशील हवी, मात्र सध्या ती दिसून येत नाही.  नगरपालिका निवडणुकीनंतर कराड नगरपालिकेमध्ये राजकीय तीन गट अस्तित्वात आले. यामध्ये लोकशाही आघाडी विरोधात बसली आहे. भाजपाचे काही नगरसेवक निवडून आले त्यांचा एक गट आहे. त्याचबरोबर सत्ताधारी म्हणून जनशक्ती आघाडी कारभार पाहत आहे. तर भाजपच्या नगराध्यक्षा स्वतंत्रपणे आपला कारभार करीत आहेत. उपनगराध्यक्ष जयवंत पाटील यांनी आपल्या पाच नगरसेवकांचा वेगळा गट निर्माण केला आहे. उपनगराध्यक्ष जयवंत पाटील यांचा गट म्हणजे गटात गट निर्माण झालेला आहे. जनशक्ती आघाडीच्या निवडून आलेल्या नगरसेवकांच्या बरोबर आता इथून पुढे आपला "घरोबा" असणार नाही असे सांगून त्यांनी कराड नगरपालिकेचा कारभार सुरू केला आहे. यशवंत विकास आघाडीचे राजेंद्रसिंह यादव यांना मांणणारे नगरसेवक आहेत. मात्र राजेंद्रसिंह यादव हे नगरपालिका राजकारणात, नगरपालिका कारभार चालवण्यासाठी जेवढा वेळ द्यायला हवा, तेवढा वेळ देत नाही, त्यामुळे नगरसेवकांनी अडचणी कोणासमोर मांडायच्या ? हा प्रश्नच आहे. अशी एकाकी पडलेले नगरसेवक आता एकत्रित सर्वांची मोट बांधण्याचा प्रयत्न करीत आहेत. याला किती प्रतिसाद मिळेल, हे आत्ताच सांगता येणार नाही. येणाऱ्या कालावधीमध्ये गटातला गट शिल्लक राहतो का ? जनशक्ती आघाडीच्या छत्रछायेखाली निवडून आलेले सर्व नगरसेवक एकत्र राहणार का ? हे काही कालावधीनंतर स्पष्ट होईल.  जानेवारी महिन्याच्या पहिल्या आठवड्यामध्ये विविध समितींच्या सभापतींची निवडणूक होणार आहे. यावेळी गटातला गट अथवा जनशक्ती आघाडीची काय रणनीती राहणार हे पहावे लागेल. कराडमधील राजकीय समीकरणांबाबत उत्सुकता निर्माण झाली आहे. दरम्यान, उपनगराध्यक्ष जयवंत पाटील यांनी आपल्यासोबत महेश कांबळे, कश्मिरा इंगवले, माया भोसले, अरुणा पाटील हे नगरेसवक असल्याचा दावा केला आहे. उपनगराध्यक्ष जयवंत पाटील हे भाजपचे डॉ. अतुल भोसले यांचे समर्थक आहेत. तर राजेंद्रसिंह यादव गट श्री. छ. उदयनराजे भोसले यांचे समर्थक आहेत. त्यामुळेच आता नगरपालिका राजकारणात काय होणार ? याबाबत उत्सुकता निर्माण झाली आहे. नगरपालिका निवडणुकीत आ. पृथ्वीराज चव्हाण यांच्या नेतृत्वाखालील यशवंत जनशक्ती लोकसेवा आघाडीचे 16 नगरसेवक विजयी झाले. तर या आघाडीला एका महिला नगरसेविकेने पाठिंबा दिला. दरम्यान निवडून आल्यानंतर प्रथम जनशक्ती आघाडीच्या नगरसेवकांनी पृथ्वीराज चव्हाण यांचा विश्वासघात केला आणि त्यांचे नेतृत्व झुगारून दिले. कराड नगरपालिकेत भाजपाचे पाच, लोकशाही आघाडीचे सहा तर बहुमतात असलेल्या जनशक्ती आघाडीसह आ. पृथ्वीराज चव्हाण यांचे नेतृत्व मानणारे कॉग्रेसचे शहराध्यक्ष राजेंद्र माने असे गट कार्यरत आहेत. उपनगराध्यक्ष जयवंत पाटील यांनी राजीनामा द्यावा, असे बहुमतात असलेल्या जनशक्ती आघाडीतील काही नगरसेवकांचे म्हणणे होते. दरम्यान उपनगराध्यक्ष पाच वर्ष माझ्याकडे राहील" या अटीवर "उपनगराध्यक्षपद घेतले असल्याचे जयंतराव पाटील सांगतात. यामुळे उपनगराध्यक्ष बदलाचा प्रश्नच येत नाही. यशवंत आघाडी राजेंद्रसिंह यादव यांची, जनशक्ती आघाडी अरुण जाधव यांची तर लोकसेवा आघाडी जयवंतराव पाटील यांची आघाडी आहे. या तिघे पृथ्वीराज चव्हाण यांच्या नेतृत्वाखाली एकत्र आले होते. जयवंत पाटील यांच्याकडे उपनगराध्यक्षपद असल्यामुळे नगरपालिकेत दररोज जयवंत पाटील दिसतात. अरुण जाधव नगरपालिकेकडे फिरकतही नाहीत. तर राजेंद्रसिंह यादव आपल्या कामाचा व्याप सांभाळून, जेवढा वेळ देता येईल तेवढाच वेळ देतात. यामुळे अनेक प्रश्न निर्माण झाले आहेत, ते कोण सोडवणार ? हा खरा प्रश्न निर्माण झाला आहे.
Image
वर्धन अग्रोने ऊस बिल त्वरित द्यावीत अन्यथा आंदोलन... सचिन नलवडे यांचा इशारा
Image