चिकन विक्री करणाऱ्यावर गुन्हा दाखल

 

चिकन विक्री करणाऱ्यावर गुन्हा दाखल

कराड - राजू सियाज मुल्ला वय 40 वर्ष रा शहापूर (ता कराड) हे आपले राहत्या घरासमोर बॉयलर चिकन विक्री करीत असताना व वाजवी कारणाशिवाय सार्वजनिक ठिकाणी रोडवर लोक जमून विनाकारण बॉयलर चिकन विक्री करीत असताना मिळून आल्यामुळे उंब्रज पोलीसांनी गुन्हा दाखल केला आहे.

गुन्हा .रजि.न.145/2020 भादविक.188 सह आपत्ती व्यवस्थापन अधिनियम 2005 कलम 51(ब)प्रमाणे राजेंद्र बापूराव साळुंखे यांनी उंब्रज पोलिस स्टेशन फिर्याद देऊन गुन्हा दाखल केला 31 मार्च 2020 रोजी सकाळी 12.40 वा शहापूर गावचे हद्दीत आरोपीने राहते घरासमोर सदरचे कृत्य केल्याचे फिर्यादीत म्हटले आहे.

सुरक्षिततेच्या दृष्टिकोनातून योग्य ती खबरदारी न घेता व व्यक्तिगत सुरक्षा धोक्यात येईल असे कृत्य करून संसर्ग पसरवण्याची घातक कृती करून कोरोना विषाणू संसर्ग व प्रादुर्भाव रोखण्यासाठी जिल्हाधिकारी यांचे आपत्ती निवारण कायद्यान्वये जारी केलेल्या आदेशाचा भंग केला म्हणुन गुन्हा दाखल आहे. पुढीलपैकी तपास ASI भोसले हे करीत आहेत.