2 पुरुषांचे आणि कोरोना केअर सेंटर मधील एकाचा रिपोर्ट आला पॉझिटिव्ह
सातारा : सातारा येथील बाधिताचे निकट सहवासीत म्हणून विलगीकरणात दाखल असलेले दोघे वय वर्षे 40 आणि 47 यांचे आणि मुंबई वरून प्रवास करून आलेला कोरेगाव तालुक्यातील एक 29 वर्षीय युवक 11 तारखे पासून कोरोना केअर सेंटर मध्ये होता. या तिघांचे अहवाल हे कारोनाबाधित आल्याची माहिती जिल्हा शल्य चिकीत्सक डॉ. आमोद गडीकर यांनी दिली.
29 वर्षीय युवक विनापरवानगी मुंबई येथून आल्याने त्याच्यावर गुन्हा दाखल करुन कोरोना केअर सेंटर मध्ये दाखल करण्यात आले होते.
आतापर्यंत कोरोना बाधित झालेल्या व्यक्तिंची संख्या- 128 झाली असून या पैकी उपचार घेत असलेले बाधीत रुग्णांची संख्या 65 आहे. तर कोरोना मुक्त होवून घरी गेले रुग्ण 61 असून कोरोना बाधित मृत्यु झालेले 2 रुग्ण आहेत.
