देवेंद्र गुरसाळे उर्फ पिंटू शेठ असे जायला नको होते


देवेंद्र गुरसाळे उर्फ पिंटू शेठ असे जायला नको होते


समाजामध्ये वावरत असताना विविध स्वभावाचे माणसं आपल्या संपर्कात येतात. प्रत्येकाकडे काही ना काही गुणदोष असतात. मित्रांच्यावर निस्सीम प्रेम करणारे सच्चे मित्रही त्याहून अधिक चांगले, सुसंस्कृत असतात.आपला उद्योग सांभाळत अनेक मित्राशी स्नेह जपणे तसे अवघड काम. मात्र काही व्यक्तींच्या स्वभावामध्ये "मित्रत्वाचा ऋणानुबंध कायम" ठेवण्याचा प्रयत्न करणारे सखे-सोबती मित्र हे वेगळेच असतात. जीवनामध्ये आई-वडिलांच्यानंतर शिक्षकांना महत्त्व दिले जाते. त्याचबरोबर जीवन प्रवासामध्ये मित्रचा वाटा महत्त्वाचा असतो. कारण मित्रांच्या सहवासाने जीवनाचे अनेक चढ-उतार पार केले जातात. ज्याला जिवलग मित्रांची साथसोबत असेल अशा व्यक्ती जीवनामध्ये यशस्वी होतात किंवा कोणत्याही कठीण प्रसंगातून बाहेर पडण्यासाठी मित्रच मित्रासाठी धावून येतात. म्हणूनच "ऋणानुबंधाच्या चुकून पडल्या गाठी" असेही म्हटले जाते.


देवेंद्र गुरसाळे ऊर्फ पिंटू शेठ म्हणून सर्वश्रुत सर्वपरिचित आणि मोठा मित्र वर्ग सांभाळणारे व्यक्तिमत्व म्हणून त्यांच्याकडे पाहिले जात असत.प्रत्येक मित्राच्या हाकेला धावून जाणारे पिंटू शेठ आता आपल्यामध्ये राहिलेले नाहीत. ही खंत व दुःख अनेक मित्रांच्या मणी आहे.पिंटू शेठ जीवन जगले ते आनंदी, उत्साही आणि स्वतःच्या मनाला साजेसे जगले. समाजामध्ये खुल्या मनाने वावरले. मात्र पिंटू शेठ यांच्याबाबत नियत्तीच्या मनात जे होते ती दुर्दैवी घटना घडली. अन सर्वांना दुःख देऊन गेले. भल्या पहाटे व्यायामासाठी गेले ते परत आलेच नाहीत. हे दुःख संपूर्ण गुरसाळे कुटुंबियांबरोबर मित्रांच्या मनाला वेदना देऊन गेले. कारण पिंटू शेठ यांचे जाण्यासारखे वयही नव्हते. अशी अचानक त्यांची एक्झिट होईल असे कोणाच्या ध्यानीमनीही नव्हते. गड-किल्ल्यांवर भ्रमंती करण्याचा सुरुवातीपासून पिंटू शेठ यांचा छंद होता. मग तो कोणताही गडकिल्ला असो, त्या ठिकाणी जाऊन पर्यटन करावे हा त्यांचा स्वभाव होता.


कराडला लागून सदाशिवगड, आगाशिवगड, वसंतगड यासह अनेक छोटे-मोठे गडकिल्ले आहेत. याठिकाणी पिंटू शेठ यांनी भ्रमंती केली आहे. अवघड असणारा वासोटा किल्ला ही त्यांनी अनेक वेळेला पादाक्रांत केला आहे. गड-भ्रमंती करताना त्यांच्याबरोबर मोठा मित्रपरिवार नेहमी असत. घारेवाडी येथील धुळोबा डोंगरावर पर्यटनाला जाताना त्यांच्यासोबत अनेक मित्र सोबतीला होते. मात्र नियतीच्या मनात काही वेगळेच होते ते विपरीत घडले आणि सर्वांवर दुःखाचा डोंगर कोसळला. छत्रपती शिवाजी महाराज यांच्या पदस्पर्शाने पावन झालेल्या ऐतिहासिक किल्ले सदाशिवगड संवर्धनासाठी सदाशिवगड मावळा प्रतिष्ठानला नेहमीच मदत करणारे कराड शहरातील सुप्रसिध्द सोन्या-चांदीचे व्यापारी देवेंद्र गुरसाळे उर्फ पिंटू शेठ असे अचानक एक्झिट घेतील असे कोणाच्या मनी आले नाही. गड-किल्ल्यांचे संवर्धनासाठी नेहमीच आपला हात मदतीसाठी पुढे करणारे आता पिंटू शेठ या मोहिमेमध्ये दिसणार नाहीत. वास्तविक कोण कोणाची जागा भरून काढत नाही. तशीच पिंटू शेठ यांची जागा कोणी घेऊ शकत नाही, हे सत्य नाकारता येणार नाही.


पिंटू शेठ हे नेहमी हसतमुख असणारे व दिलदार मनाचे व्यक्तिमत्व नेहमीच मित्रांच्या गोतावळ्यात रमणारे, मित्रांसोबत हास्यविनोद करून जीवनाकडे सकारात्मक पाहण्याचा दृष्टिकोन असणारे. हळव्या मनाचे होते. दैनंदिन जीवनामध्ये आपण स्वीकारलेला व्यवसाय प्रामाणिक, इमानेइतबारे करण्यासाठी त्यांचा पहिल्यापासूनच प्रयत्न राहिला, तो शेवटच्या क्षणापर्यंत.वास्तविक पाहता सोन्या-चांदीच्या व्यवसायांमध्ये विश्‍वास महत्त्वाचा असतो. तो पिंटू शेठ यांनी जपला होता. अनेक ग्राहक त्यांच्या शब्दावर व विश्वासावर डोळे झाकून सोन्या-चांदीचे व्यवहार करीत होते. कोणत्याही ग्राहकाच्या मनामध्ये किंतु - परंतु निर्माण होणार नाही याची दक्षता पिंटू शेठ घेत असत.व्यवसायावर अढळ निष्ठा कशी असावी, हा गुण अनन्यसाधारण असा पिंटू शेठ यांच्याकडे होता. कारण कामानिमित्त बाहेर गावी गेल्यानंतर रात्री-अपरात्री परत घरी आल्यानंतर सकाळी व्यवसाय सुरु करण्याच्या वेळेत हजर असत. प्रवासाचा कंटाळा अथवा व्यवसायाकडे दुर्लक्ष करण्याचा मुळात त्यांचा स्वभावच नव्हता.


देवेंद्र गुरसाळे हे व्यक्तिमत्व हृदयविकाराच्या धक्क्याने अचानक सर्वांचा अखेरचा निरोप घेतील असे कोणाला स्वप्नातही वाटले नाही. यामुळे पिंटू शेठ यांचे सर्वांना सोडून जाणे गुरसाळे कुटुंबीयांना व मित्र परिवाराला मोठा धक्का देणारी घटना आहे. गुरसाळे ज्वेलर्स म्हणून कराडमध्ये सोन्या-चांदीचे व्यापारी असणारे गुरसाळे कुटुंबातील देवेंद्र गुरसाळे हे मुख्य बाजारपेठेत सोन्याचांदीचा व्यवसाय करीत. अशोकराव गुरसाळे यांचे देवेंद्र गुरसाळे हे छोटे बंधू असून व्यवसायांमध्ये विश्वासहर्ता निर्माण करून शहराबरोबरच ग्रामीण भागातील ग्राहकांशी त्यांचा सकारात्मक सुसंवाद होता. रविवार पेठेतील कोष्टी गल्ली येथील शिवाजी मंडळाचे ते सक्रिय कार्यकर्ते होते. गड-किल्ल्यांची भ्रमंती करण्याची त्यांना आवड होती. मंगळवारी पहाटे मित्रांसमवेत घारेवाडी (ता. कराड) जवळच्या धुळोबा देवस्थान डोंगरावर गेले. डोंगरावर मंदीरापर्यंत सर्वजण पोहचले. देवाचे दर्शन घेतले आणि तहान लागल्याने ते पाणी पिण्यासाठी बसले. अखेरचे पाणी पिले आणि त्याच ठिकाणी कोसळून पडले. त्यांच्यासोबत असणाऱ्या मित्रांनी प्राथमिक उपचार करण्याचा प्रयत्न केला. मात्र पिंटू शेठ यांनी या उपचाराला फारसा प्रतिसाद दिला नाही आणि इहलोकातला आपल्या कार्यकाळ संपविला. 


देवेंद्र गुरसाळे ऊर्फ पिंटू शेठ आपण असे अचानक जायला नको होता. कारण तुम्हाला अजून जीवनात बऱ्याच गोष्टी करावयाच्या होत्या. संसार असा अर्ध्यावर सोडून जाणे हे सर्वांच्या मनाला वेदना देणारे आहे. कोणाच्या ओल्या किंवा सुक्या पाचोळ्यावर पाय न देणारे देवेंद्र गुरसाळे उर्फ पिंटू शेठ यांच्यावर नियतीनेही असा सूड उगवायला नको होता. सर्वांच्या सुखदुःखात सहभागी होणारे, सर्वांना मदतीसाठी धावून जाणारे पिंटू शेठ यांना नियतीने असे अचानक घेऊन जाणे योग्य नव्हते मात्र "आले नियतीच्या मना तेथे कोणाचे काही चालेना" असेच दुःखी अंतकरणाने म्हणावे लागेल.


गोरख तावरे
9326711721


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
कर्तव्यदक्ष मुख्याधिकारी कोणाला नको आहेत ! मुख्याधिकारी यशवंत डांगे यांना हटविण्याचा प्रयत्न सुरू
Image
सुट्टीत होणार शिक्षकांचे अधिवेशन
कराड वार्तापत्र - गोरख तावरे जनशक्ती आघाडीमध्ये बंड झाल्याने गटात गट निर्माण जानेवारी महिन्यातल्या पहिल्या आठवड्यात होणाऱ्या विविध समितींच्या सभापती निवडीच्या अनुषंगाने कराड नगरपालिका राजकारणात हालचालीस प्रारंभ झाला आहे. दरम्यान जनशक्ती आघाडीमध्ये उभी फूट पडली आहे. उपनगराध्यक्ष जयवंत पाटील यांनी आपल्या गटाला स्वतंत्र बसण्यासाठी वेगळी जागा सभागृहात द्यावी, अशी मागणी केल्याने जनशक्ती आघाडीत फूट पडली. कराड नगरपालिकेच्या राजकारणातील गटात गट निर्माण झाल्याची चर्चा संपूर्ण शहरभर सुरू आहे. दरम्यान ऐतिहासिक कराड नगरपालिका राजकारणातील आघाड्यांना फुटीचे ग्रहण लागले आहे. यापूर्वीही अनेक वेळेला नगरपालिकेमध्ये वेगवेगळ्या विचाराच्या निवडून आलेल्या आघाड्यांमध्ये बंड झाले, फूट पडली अशीच परिस्थिती सध्या निर्माण झाली आहे. स्वर्गीय पी. डी. पाटीलसाहेब कराड नगरपालिकेचे नगराध्यक्ष असताना 25 विरुद्ध 24 अशी सदस्य संख्या होती. दरम्यान एका सदस्याने बंड पुकारून विरोधात गेल्यामुळे सत्ताधारी गट अल्पमतात आला होता. दरम्यान मुरब्बी राजकारणी असणारे पी. डी. पाटील यांनी एका दिवसात हे बंड मोडून काढले. आपला गेलेला सदस्य पुन्हा आपल्या गटात घेऊन आले. नुकत्याच झालेल्या विधानसभा निवडणुकीच्या राजकारणामुळे कराड नगरपालिकेतील सत्ताधारी जनशक्ती आघाडीमध्ये फुट पडली असे बोलले जात आहे. नगरपालिका म्हटले की, गट-तट, आघाड्या, कुरबुडी, देणे घेणे असे सर्रास घडत असते. जनशक्ती आघाडी फुटली, नगरसेवक घेत असलेल्या वेगवेगळ्या भूमिकेमुळे फुटीचे राजकारण हा मुद्दा ऐरणीवर आला.कराड शहरासाठी विकास निधी राज्य शासनाकडून येतो. हा विकास निधी विविध कामावर खर्च करीत असताना कामाचा दर्जा बिलकुल नाही, ठेकेदार दर्जाहीन कामे करतात, हे अनेक कामे पाहिल्यानंतर स्पष्ट होत आहे. दर्जाहीन विकास कामे होत असल्याने नागरिकांची सातत्याने ओरड सुरू आहे. मात्र याकडे नगरसेवक अथवा प्रशासन गांभीर्याने पाहत नाही.यामुळे विद्यमान सत्ताधारी गटातील नगरसेवकांबद्दल नागरिकांच्या मनामध्ये तीव्र संताप निर्माण झाला आहे. मुख्य पदाधिकाऱ्यांसह सर्वच नगरसेवक कराड शहराच्या विकासाकडे लक्ष देणार का ? असा प्रश्न विचारला जात आहे. उपनगराध्यक्ष जयवंत पाटील यांनी गटात गट केलेला कायम राहणार का ? सभापतीच्या निवडीवेळी "तलवार म्यान" होणार का ? हे येणाऱ्या काही दिवसात स्पष्ट होईल. कारण जयवंत पाटील उपनगराध्यक्ष झाल्यापासून सत्ताधारी गटाचा सर्व कारभार जयवंत पाटील यांच्या नेतृत्वाखाली चालला आहे. दरम्यान जयवंत पाटील यांनीच बंड पुकारल्यामुळे जनशक्ती आघाडीचे काय होणार ? असा सवाल उपस्थित होत आहे. जनशक्ती आघाडीतील वाद चव्हाट्यावर आला आणि उपनगराध्यक्ष जयंवत पाटील यांनी सभागृहात वेगळी बसण्याची मागणी केली. कराड नगरपालिका राजकारणाची दिशाच बदलली आहे. उपनगराध्यक्ष जयवंत पाटील व माजी उपनगराध्यक्ष राजेंद्र यादव यांच्यामध्ये समेट घडावा यासाठी प्रयत्न केला जात आहे. विविध समितीच्या सभापतीची निवड करण्याचा अधिकार कोणाला ? आघाडीच्या अध्यक्षांना का नगरपालिकेतील गटनेत्याला ? याबाबत उलट सुलट चर्चा सुरू झाली आहे.दरम्यान विविध समितीच्या सभापती निवडीच्या अनुषंगाने आत्तापर्यंत राजेंद्र माने,महेश कांबळे, किरण पाटील यांना सभापती पदाची संधी मिळालेली नाही. यावेळेला सभापतीपदाची लॉटरी या तीन उमेद नगरसेवकांना लागेल का नाही ? हे अद्याप स्पष्ट झालेले नाही. नुकत्याच झालेल्या विधानसभा निवडणुकीमध्ये कराडच्या नगरसेवकांची भूमिका संभ्रमावस्थेत राहिली होती. कोणत्या उमेदवाराला पाठिंबा कुणाला द्यायचा ? प्रचार कोणाचा करायचा ? याबाबत मात्र कराड नगरपालिकेतील नगरसेवकांचे लवकर एकमत झाले नाही. कराडच्या नगरसेवकांनी आपली भूमिका लवकर स्पष्ट केली नाही. विधानसभा निवडणुकीतील नगरसेवकांच्या भूमिकेबाबत कराडमध्ये आजही चर्चा सुरू आहे.कराड नगरपालिकेला निवडून येणार्‍या नगरसेवकांची भूमिका कराड शहराच्या विकासाबाबत संवेदनशील हवी, मात्र सध्या ती दिसून येत नाही.  नगरपालिका निवडणुकीनंतर कराड नगरपालिकेमध्ये राजकीय तीन गट अस्तित्वात आले. यामध्ये लोकशाही आघाडी विरोधात बसली आहे. भाजपाचे काही नगरसेवक निवडून आले त्यांचा एक गट आहे. त्याचबरोबर सत्ताधारी म्हणून जनशक्ती आघाडी कारभार पाहत आहे. तर भाजपच्या नगराध्यक्षा स्वतंत्रपणे आपला कारभार करीत आहेत. उपनगराध्यक्ष जयवंत पाटील यांनी आपल्या पाच नगरसेवकांचा वेगळा गट निर्माण केला आहे. उपनगराध्यक्ष जयवंत पाटील यांचा गट म्हणजे गटात गट निर्माण झालेला आहे. जनशक्ती आघाडीच्या निवडून आलेल्या नगरसेवकांच्या बरोबर आता इथून पुढे आपला "घरोबा" असणार नाही असे सांगून त्यांनी कराड नगरपालिकेचा कारभार सुरू केला आहे. यशवंत विकास आघाडीचे राजेंद्रसिंह यादव यांना मांणणारे नगरसेवक आहेत. मात्र राजेंद्रसिंह यादव हे नगरपालिका राजकारणात, नगरपालिका कारभार चालवण्यासाठी जेवढा वेळ द्यायला हवा, तेवढा वेळ देत नाही, त्यामुळे नगरसेवकांनी अडचणी कोणासमोर मांडायच्या ? हा प्रश्नच आहे. अशी एकाकी पडलेले नगरसेवक आता एकत्रित सर्वांची मोट बांधण्याचा प्रयत्न करीत आहेत. याला किती प्रतिसाद मिळेल, हे आत्ताच सांगता येणार नाही. येणाऱ्या कालावधीमध्ये गटातला गट शिल्लक राहतो का ? जनशक्ती आघाडीच्या छत्रछायेखाली निवडून आलेले सर्व नगरसेवक एकत्र राहणार का ? हे काही कालावधीनंतर स्पष्ट होईल.  जानेवारी महिन्याच्या पहिल्या आठवड्यामध्ये विविध समितींच्या सभापतींची निवडणूक होणार आहे. यावेळी गटातला गट अथवा जनशक्ती आघाडीची काय रणनीती राहणार हे पहावे लागेल. कराडमधील राजकीय समीकरणांबाबत उत्सुकता निर्माण झाली आहे. दरम्यान, उपनगराध्यक्ष जयवंत पाटील यांनी आपल्यासोबत महेश कांबळे, कश्मिरा इंगवले, माया भोसले, अरुणा पाटील हे नगरेसवक असल्याचा दावा केला आहे. उपनगराध्यक्ष जयवंत पाटील हे भाजपचे डॉ. अतुल भोसले यांचे समर्थक आहेत. तर राजेंद्रसिंह यादव गट श्री. छ. उदयनराजे भोसले यांचे समर्थक आहेत. त्यामुळेच आता नगरपालिका राजकारणात काय होणार ? याबाबत उत्सुकता निर्माण झाली आहे. नगरपालिका निवडणुकीत आ. पृथ्वीराज चव्हाण यांच्या नेतृत्वाखालील यशवंत जनशक्ती लोकसेवा आघाडीचे 16 नगरसेवक विजयी झाले. तर या आघाडीला एका महिला नगरसेविकेने पाठिंबा दिला. दरम्यान निवडून आल्यानंतर प्रथम जनशक्ती आघाडीच्या नगरसेवकांनी पृथ्वीराज चव्हाण यांचा विश्वासघात केला आणि त्यांचे नेतृत्व झुगारून दिले. कराड नगरपालिकेत भाजपाचे पाच, लोकशाही आघाडीचे सहा तर बहुमतात असलेल्या जनशक्ती आघाडीसह आ. पृथ्वीराज चव्हाण यांचे नेतृत्व मानणारे कॉग्रेसचे शहराध्यक्ष राजेंद्र माने असे गट कार्यरत आहेत. उपनगराध्यक्ष जयवंत पाटील यांनी राजीनामा द्यावा, असे बहुमतात असलेल्या जनशक्ती आघाडीतील काही नगरसेवकांचे म्हणणे होते. दरम्यान उपनगराध्यक्ष पाच वर्ष माझ्याकडे राहील" या अटीवर "उपनगराध्यक्षपद घेतले असल्याचे जयंतराव पाटील सांगतात. यामुळे उपनगराध्यक्ष बदलाचा प्रश्नच येत नाही. यशवंत आघाडी राजेंद्रसिंह यादव यांची, जनशक्ती आघाडी अरुण जाधव यांची तर लोकसेवा आघाडी जयवंतराव पाटील यांची आघाडी आहे. या तिघे पृथ्वीराज चव्हाण यांच्या नेतृत्वाखाली एकत्र आले होते. जयवंत पाटील यांच्याकडे उपनगराध्यक्षपद असल्यामुळे नगरपालिकेत दररोज जयवंत पाटील दिसतात. अरुण जाधव नगरपालिकेकडे फिरकतही नाहीत. तर राजेंद्रसिंह यादव आपल्या कामाचा व्याप सांभाळून, जेवढा वेळ देता येईल तेवढाच वेळ देतात. यामुळे अनेक प्रश्न निर्माण झाले आहेत, ते कोण सोडवणार ? हा खरा प्रश्न निर्माण झाला आहे.
Image
वृत्तपत्र विक्रेत्यांच्या सुरक्षेचे काय ? पत्रकारांची काळजी कोण घेणार ? पत्रकारीतेचा "घेतला वसा" म्हणून काम करणे योग्य नाही
Image