स्वच्छ सर्वेक्षण स्पर्धेसाठी सातारा जिल्ह्यातील नगरपालिका सज्ज

स्वच्छ सर्वेक्षण स्पर्धेसाठी सातारा जिल्ह्यातील नगरपालिका सज्ज


स्वच्छ सर्वेक्षणमध्ये सातारा जिल्हय़ाचे अग्रस्थान कायम राहील यासाठी प्रत्येक मुख्याधिकारी प्रयत्नांची शिकस्त करीत आहेत. इतकेच काय शिवसेनेचे नेते, नगर विकासमंत्री एकनाथ शिंदे यांचा सातारा जिल्हा असल्यामुळे त्यांचे लक्ष स्वच्छ सर्वेक्षण स्पर्धेकडे आहे. राज्य शासनाकडून आवश्यक ती मदत देण्याची हमी त्यांनी दिली आहे. सातारा जिल्हा स्वच्छ सर्वेक्षण स्पर्धेमध्ये अग्रस्थानावर असला पाहिजे, यासाठी प्रत्येक मुख्याधिकार्‍यांनी आवश्यक ते सर्व प्रयत्न करावेत अशी अपेक्षा मंत्री एकनाथ शिंदे यांनी व्यक्त केली आहे.स्वच्छ सर्वेक्षण स्पर्धेच्या अनुषंगाने नगरपालिका व नगरपंचायत कार्यक्षेत्रामध्ये अतिशय उत्कृष्ट, चांगले, दर्जेदार काम होऊ लागली आहेत. यामध्ये लोकसहभाग दिसून येत आहे लोकसहभागाशिवाय स्पर्धा यशस्वी होऊ शकत नाही. यामुळे लोकांना स्पर्धेमध्ये सामावून घेण्यासाठी विविध समित्या गठीत करण्यात आल्या आहेत. स्वच्छतादूत म्हणून नागरिकांना यामध्ये सामावून घेतले आहे.


सातारा जिल्ह्यामध्ये स्वच्छ सर्वेक्षण स्पर्धेमध्ये नगरपालिका व नगरपंचायतीनी सहभाग नोंदवला असून सातारा जिल्ह्यात एकही महापालिका नाही. गत वर्षांमध्ये एक लाख लोकवस्ती आतील नगरपालिका कार्यक्षेत्रामध्ये देशात कराड नगरपालिकेने प्रथम क्रमांक मिळविला. तो क्रमांक पुन्हा प्राप्त करण्यासाठी कराड नगरपालिका सर्वतोपरी प्रयत्न करीत आहे. दरम्यान मंत्री एकनाथ शिंदे यांनी सातारा जिल्ह्यातील सर्व मुख्याधिकाऱ्यांची बैठक घेऊन सातारा जिल्हा स्वच्छ सर्वेक्षणामध्ये अग्रक्रमांक ठेवण्यासाठी सकारात्मक प्रयत्न करावा अशा सूचना केल्या आहेत. दरे (महाबळेश्वर) या त्यांच्या गावातील निवासस्थानी मुख्याधिकारी यांची बैठक झाली आहे. सातारा जिल्हय़ातील ९ नगरपालिका व ७ नगरपंचायती आहेत.नव्याने ७ नगरपंचायत निर्माण झाल्या असून यापूर्वी याठिकाणी ग्रामपंचायतीच्या माध्यमातून कारभार चालत होता. सध्या नगरपंचायतीचा दर्जा मिळाल्यामुळे ७ नगरपंचायतीनी स्पर्धेमध्ये सहभाग घेतला आहे. ९ नगरपालिका स्वच्छ सर्वेक्षण स्पर्धा जाहीर झाल्यापासून प्रतिवर्षी यामध्ये सहभाग घेत आहेत. स्वच्छ सर्वेक्षणमध्ये सातारा जिल्हय़ातील नगरपालिका व नगरपंचायतींनी चांगले काम केले आहे. 2020 सालच्या स्पर्धेतही सातारा जिल्हय़ाचे अग्रस्थान कायम ठेवावा अशा सूचना मंत्री एकनाथ शिंदे यांनी केल्या आहेत.सातारा जिल्ह्यातील नगरपालिकांचे मंत्रालय पातळीवर जे प्रलंबित प्रस्ताव आहेत. याबाबत मंत्रालय स्तरावर जिल्ह्यातील प्रत्येक नगरपालिकेसंदर्भात बैठक घेऊन प्रलंबित प्रश्न सोडवण्याची हमी मंत्री एकनाथ शिंदे यांनी दिली आहे. त्यामुळे अनेक प्रश्न सोडवण्यासाठी मदत होणार असून प्रश्न लवकर मार्गी लागतील.कराड, सातारा, महाबळेश्वर, पाचगणी,वाई, फलटण, रहमतपुर, मलकापूर,म्हसवड या नगरपालिका असून लोणंद, मेढा, पाटण, वडूज, कोरेगाव, खंडाळा, दहिवडी या नव्याने निर्माण झालेल्या नगरपंचायती आहेत. दरम्यान तीन ते चार ठिकाणी एकच मुख्याधिकारी दोन नगरपालिका अथवा नगरपंचायतीचा कारभार पाहत आहेत. सातारा जिल्हा प्रशासन अधिकारी रवी पवार यांच्याकडे संपूर्ण जिल्ह्यातील नगरपालिका विभाग आहे. सातारा नगरपालिकेचे मुख्याधिकारी शंकर गोरे, कराडचे मुख्याधिकारी यशवंत डांगे, फलटणचे प्रसाद काटकर, पाटणचे अभिषेक परदेशी, महाबळेश्वर, पाचगणीच्या अमिता दगडे, वाई, मेढाच्या विद्या पोळ, फलटण, लोणंदचे मुख्याधिकारी प्रसाद काटकर मलकापूर मुख्याधिकारी संजीवनी दळवी, रहमतपुर विनायक औंधकर यांच्यासह सर्वच मुख्याधिकारी स्वच्छ सर्वेक्षण कामाला अग्रक्रम देत आहेत. स्थानिक राजकारणाचा स्वच्छ सर्वेक्षण स्पर्धेवर कोणताही परिणाम होऊ न देता, प्रत्येक मुख्याधिकारी प्रशासकीय कर्मचाऱ्यांनाबरोबर घेऊन लोकप्रतिनिधींची सुसंवाद साधून स्पर्धेचे सकारात्मक कामकाज करीत आहेत. स्वच्छ सर्वेक्षण स्पर्धेकरिता नगरपालिका व नगरपंचायत येथील स्थानिक राजकारण बाजूला ठेवून सर्वांनी हातात हात घालून काम होणे अपेक्षित असून हे सातारा जिल्ह्यात दिसून येत आहे. 2019 सालच्या स्पर्धेत कराड नगरपालिकेने 1 लाख लोकसंख्येच्या आतील शहरांमध्ये देशात प्रथम क्रमांक मिळवला. मुख्याधिकारी यशवंत डांगे यांनी यावर्षीही कराडने आपला प्रथम क्रमांक कायम राखावा यासाठी जोरदार प्रयत्न करीत आहेत.स्वच्छ सर्वेक्षण 2020 ला सामोरे जाण्यासाठी जिल्हय़ातील नगरपालिकांनी जय्यत तयारी केली आहे. प्रत्येक शहरातील कचरा संकलन, वर्गीकरण, प्रक्रिया याबरोबरच प्रत्येक चौकाचे सुशोभिकरण, शहरातील विद्युत व्यवस्था सुरळीतपणे सुरु ठेवणे, भिंती रंगून समाजप्रबोध व स्वच्छतेचा संदेश देणे, टाकाऊ वस्तूपासून चित्रकृती निर्माण करणे, कचरा गोळा करण्यासाठी घंटागाडी व प्रबोधनात्मक गाण्याची धून ऐकविणे, शहरातील प्रत्येक घरातील कचरा व्यवस्थित वेगवेगळ्या पद्धतीने गोळा करणे, बागांचे सुशोभीकरण, इमारतींचे रंगरंगोटी करणे, सफाई कर्मचाऱ्यांना ड्रेसकोड, स्वच्छतेबाबत शहरांमध्ये प्रबोधनात्मक फलक लावले आहेत. स्वच्छतेच्या अनुषंगाने फेसबुक पेज, इंस्टाग्राम, व्हाट्सअप ग्रुपद्वारेही प्रसार व प्रचार केला जातोय. गत दोन वर्षात स्पर्धेत सातारा जिल्हय़ातील नगरपालिकांनी चांगली कामगिरी केली होती. यावर्षीच्या स्पर्धेतही नगरपालिका चांगली कामगिरी करतील असा विश्‍वास निर्माण झाला आहे.


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
सातारा जिल्ह्यात 21 रुग्णांची नोंद.... एकूण रुग्णांची संख्या 113
राज्य शासनामार्फत पत्रकारांसाठी गृह योजना राबवून घरे उपलब्ध करून द्यावीत : जेष्ठ पत्रकार आप्पासाहेब पाटील
Image
कराड वार्तापत्र - गोरख तावरे जनशक्ती आघाडीमध्ये बंड झाल्याने गटात गट निर्माण जानेवारी महिन्यातल्या पहिल्या आठवड्यात होणाऱ्या विविध समितींच्या सभापती निवडीच्या अनुषंगाने कराड नगरपालिका राजकारणात हालचालीस प्रारंभ झाला आहे. दरम्यान जनशक्ती आघाडीमध्ये उभी फूट पडली आहे. उपनगराध्यक्ष जयवंत पाटील यांनी आपल्या गटाला स्वतंत्र बसण्यासाठी वेगळी जागा सभागृहात द्यावी, अशी मागणी केल्याने जनशक्ती आघाडीत फूट पडली. कराड नगरपालिकेच्या राजकारणातील गटात गट निर्माण झाल्याची चर्चा संपूर्ण शहरभर सुरू आहे. दरम्यान ऐतिहासिक कराड नगरपालिका राजकारणातील आघाड्यांना फुटीचे ग्रहण लागले आहे. यापूर्वीही अनेक वेळेला नगरपालिकेमध्ये वेगवेगळ्या विचाराच्या निवडून आलेल्या आघाड्यांमध्ये बंड झाले, फूट पडली अशीच परिस्थिती सध्या निर्माण झाली आहे. स्वर्गीय पी. डी. पाटीलसाहेब कराड नगरपालिकेचे नगराध्यक्ष असताना 25 विरुद्ध 24 अशी सदस्य संख्या होती. दरम्यान एका सदस्याने बंड पुकारून विरोधात गेल्यामुळे सत्ताधारी गट अल्पमतात आला होता. दरम्यान मुरब्बी राजकारणी असणारे पी. डी. पाटील यांनी एका दिवसात हे बंड मोडून काढले. आपला गेलेला सदस्य पुन्हा आपल्या गटात घेऊन आले. नुकत्याच झालेल्या विधानसभा निवडणुकीच्या राजकारणामुळे कराड नगरपालिकेतील सत्ताधारी जनशक्ती आघाडीमध्ये फुट पडली असे बोलले जात आहे. नगरपालिका म्हटले की, गट-तट, आघाड्या, कुरबुडी, देणे घेणे असे सर्रास घडत असते. जनशक्ती आघाडी फुटली, नगरसेवक घेत असलेल्या वेगवेगळ्या भूमिकेमुळे फुटीचे राजकारण हा मुद्दा ऐरणीवर आला.कराड शहरासाठी विकास निधी राज्य शासनाकडून येतो. हा विकास निधी विविध कामावर खर्च करीत असताना कामाचा दर्जा बिलकुल नाही, ठेकेदार दर्जाहीन कामे करतात, हे अनेक कामे पाहिल्यानंतर स्पष्ट होत आहे. दर्जाहीन विकास कामे होत असल्याने नागरिकांची सातत्याने ओरड सुरू आहे. मात्र याकडे नगरसेवक अथवा प्रशासन गांभीर्याने पाहत नाही.यामुळे विद्यमान सत्ताधारी गटातील नगरसेवकांबद्दल नागरिकांच्या मनामध्ये तीव्र संताप निर्माण झाला आहे. मुख्य पदाधिकाऱ्यांसह सर्वच नगरसेवक कराड शहराच्या विकासाकडे लक्ष देणार का ? असा प्रश्न विचारला जात आहे. उपनगराध्यक्ष जयवंत पाटील यांनी गटात गट केलेला कायम राहणार का ? सभापतीच्या निवडीवेळी "तलवार म्यान" होणार का ? हे येणाऱ्या काही दिवसात स्पष्ट होईल. कारण जयवंत पाटील उपनगराध्यक्ष झाल्यापासून सत्ताधारी गटाचा सर्व कारभार जयवंत पाटील यांच्या नेतृत्वाखाली चालला आहे. दरम्यान जयवंत पाटील यांनीच बंड पुकारल्यामुळे जनशक्ती आघाडीचे काय होणार ? असा सवाल उपस्थित होत आहे. जनशक्ती आघाडीतील वाद चव्हाट्यावर आला आणि उपनगराध्यक्ष जयंवत पाटील यांनी सभागृहात वेगळी बसण्याची मागणी केली. कराड नगरपालिका राजकारणाची दिशाच बदलली आहे. उपनगराध्यक्ष जयवंत पाटील व माजी उपनगराध्यक्ष राजेंद्र यादव यांच्यामध्ये समेट घडावा यासाठी प्रयत्न केला जात आहे. विविध समितीच्या सभापतीची निवड करण्याचा अधिकार कोणाला ? आघाडीच्या अध्यक्षांना का नगरपालिकेतील गटनेत्याला ? याबाबत उलट सुलट चर्चा सुरू झाली आहे.दरम्यान विविध समितीच्या सभापती निवडीच्या अनुषंगाने आत्तापर्यंत राजेंद्र माने,महेश कांबळे, किरण पाटील यांना सभापती पदाची संधी मिळालेली नाही. यावेळेला सभापतीपदाची लॉटरी या तीन उमेद नगरसेवकांना लागेल का नाही ? हे अद्याप स्पष्ट झालेले नाही. नुकत्याच झालेल्या विधानसभा निवडणुकीमध्ये कराडच्या नगरसेवकांची भूमिका संभ्रमावस्थेत राहिली होती. कोणत्या उमेदवाराला पाठिंबा कुणाला द्यायचा ? प्रचार कोणाचा करायचा ? याबाबत मात्र कराड नगरपालिकेतील नगरसेवकांचे लवकर एकमत झाले नाही. कराडच्या नगरसेवकांनी आपली भूमिका लवकर स्पष्ट केली नाही. विधानसभा निवडणुकीतील नगरसेवकांच्या भूमिकेबाबत कराडमध्ये आजही चर्चा सुरू आहे.कराड नगरपालिकेला निवडून येणार्‍या नगरसेवकांची भूमिका कराड शहराच्या विकासाबाबत संवेदनशील हवी, मात्र सध्या ती दिसून येत नाही.  नगरपालिका निवडणुकीनंतर कराड नगरपालिकेमध्ये राजकीय तीन गट अस्तित्वात आले. यामध्ये लोकशाही आघाडी विरोधात बसली आहे. भाजपाचे काही नगरसेवक निवडून आले त्यांचा एक गट आहे. त्याचबरोबर सत्ताधारी म्हणून जनशक्ती आघाडी कारभार पाहत आहे. तर भाजपच्या नगराध्यक्षा स्वतंत्रपणे आपला कारभार करीत आहेत. उपनगराध्यक्ष जयवंत पाटील यांनी आपल्या पाच नगरसेवकांचा वेगळा गट निर्माण केला आहे. उपनगराध्यक्ष जयवंत पाटील यांचा गट म्हणजे गटात गट निर्माण झालेला आहे. जनशक्ती आघाडीच्या निवडून आलेल्या नगरसेवकांच्या बरोबर आता इथून पुढे आपला "घरोबा" असणार नाही असे सांगून त्यांनी कराड नगरपालिकेचा कारभार सुरू केला आहे. यशवंत विकास आघाडीचे राजेंद्रसिंह यादव यांना मांणणारे नगरसेवक आहेत. मात्र राजेंद्रसिंह यादव हे नगरपालिका राजकारणात, नगरपालिका कारभार चालवण्यासाठी जेवढा वेळ द्यायला हवा, तेवढा वेळ देत नाही, त्यामुळे नगरसेवकांनी अडचणी कोणासमोर मांडायच्या ? हा प्रश्नच आहे. अशी एकाकी पडलेले नगरसेवक आता एकत्रित सर्वांची मोट बांधण्याचा प्रयत्न करीत आहेत. याला किती प्रतिसाद मिळेल, हे आत्ताच सांगता येणार नाही. येणाऱ्या कालावधीमध्ये गटातला गट शिल्लक राहतो का ? जनशक्ती आघाडीच्या छत्रछायेखाली निवडून आलेले सर्व नगरसेवक एकत्र राहणार का ? हे काही कालावधीनंतर स्पष्ट होईल.  जानेवारी महिन्याच्या पहिल्या आठवड्यामध्ये विविध समितींच्या सभापतींची निवडणूक होणार आहे. यावेळी गटातला गट अथवा जनशक्ती आघाडीची काय रणनीती राहणार हे पहावे लागेल. कराडमधील राजकीय समीकरणांबाबत उत्सुकता निर्माण झाली आहे. दरम्यान, उपनगराध्यक्ष जयवंत पाटील यांनी आपल्यासोबत महेश कांबळे, कश्मिरा इंगवले, माया भोसले, अरुणा पाटील हे नगरेसवक असल्याचा दावा केला आहे. उपनगराध्यक्ष जयवंत पाटील हे भाजपचे डॉ. अतुल भोसले यांचे समर्थक आहेत. तर राजेंद्रसिंह यादव गट श्री. छ. उदयनराजे भोसले यांचे समर्थक आहेत. त्यामुळेच आता नगरपालिका राजकारणात काय होणार ? याबाबत उत्सुकता निर्माण झाली आहे. नगरपालिका निवडणुकीत आ. पृथ्वीराज चव्हाण यांच्या नेतृत्वाखालील यशवंत जनशक्ती लोकसेवा आघाडीचे 16 नगरसेवक विजयी झाले. तर या आघाडीला एका महिला नगरसेविकेने पाठिंबा दिला. दरम्यान निवडून आल्यानंतर प्रथम जनशक्ती आघाडीच्या नगरसेवकांनी पृथ्वीराज चव्हाण यांचा विश्वासघात केला आणि त्यांचे नेतृत्व झुगारून दिले. कराड नगरपालिकेत भाजपाचे पाच, लोकशाही आघाडीचे सहा तर बहुमतात असलेल्या जनशक्ती आघाडीसह आ. पृथ्वीराज चव्हाण यांचे नेतृत्व मानणारे कॉग्रेसचे शहराध्यक्ष राजेंद्र माने असे गट कार्यरत आहेत. उपनगराध्यक्ष जयवंत पाटील यांनी राजीनामा द्यावा, असे बहुमतात असलेल्या जनशक्ती आघाडीतील काही नगरसेवकांचे म्हणणे होते. दरम्यान उपनगराध्यक्ष पाच वर्ष माझ्याकडे राहील" या अटीवर "उपनगराध्यक्षपद घेतले असल्याचे जयंतराव पाटील सांगतात. यामुळे उपनगराध्यक्ष बदलाचा प्रश्नच येत नाही. यशवंत आघाडी राजेंद्रसिंह यादव यांची, जनशक्ती आघाडी अरुण जाधव यांची तर लोकसेवा आघाडी जयवंतराव पाटील यांची आघाडी आहे. या तिघे पृथ्वीराज चव्हाण यांच्या नेतृत्वाखाली एकत्र आले होते. जयवंत पाटील यांच्याकडे उपनगराध्यक्षपद असल्यामुळे नगरपालिकेत दररोज जयवंत पाटील दिसतात. अरुण जाधव नगरपालिकेकडे फिरकतही नाहीत. तर राजेंद्रसिंह यादव आपल्या कामाचा व्याप सांभाळून, जेवढा वेळ देता येईल तेवढाच वेळ देतात. यामुळे अनेक प्रश्न निर्माण झाले आहेत, ते कोण सोडवणार ? हा खरा प्रश्न निर्माण झाला आहे.
Image
वर्धन अग्रोने ऊस बिल त्वरित द्यावीत अन्यथा आंदोलन... सचिन नलवडे यांचा इशारा
Image