व्हिएसआयच्या विश्वस्तपदी डॉ. इंद्रजीत मोहितेंची तिसऱ्यांदा फेरनिवड


व्हिएसआयच्या विश्वस्तपदी डॉ. इंद्रजीत मोहितेंची तिसऱ्यांदा फेरनिवड


कराड - मांजरी (पुणे) येथील वसंतदादा शुगर इन्स्टिट्यूट (व्हिएसआय) या संस्थेच्या विश्वस्तपदी रेठरे बुद्रुक (ता. कराड) येथील यशवंतराव मोहिते कृष्णा सहकारी साखर कारखान्याचे माजी अध्यक्ष डॉ. इंद्रजीत मोहिते यांची तिसऱ्यांदा फेरनिवड करण्यात आली. व्हिएसआयचे अध्यक्ष शरद पवार यांच्या अध्यक्षतेखाली झालेल्या विश्वस्त मंडळाच्या सभेत डॉ. इंद्रजीत मोहिते यांची फेरनिवड करण्यात आली. उपाध्यक्ष व मंत्री दिलीप वळसे-पाटील यांच्या उपस्थितीत निवड झाली.


डॉ. इंद्रजीत मोहिते यांचे वडील महाराष्ट्राचे थोर विचारवंत व माजी मंत्री यशवंतराव मोहिते हे संस्थेच्या स्थापनेपासून विश्वस्तपदी कार्यरत होते. 2007 साली यशवंतराव मोहिते यांच्याऐवजी विश्वस्तपदावर शरद पवार यांनी डॉ. इंद्रजीत मोहिते यांना संधी दिली. याच कालावधीत महाराष्ट्र राज्य साखर संघाचे उपाध्यक्ष, राज्य डिस्टिलर्स असोसिएशनचे अध्यक्ष, प्रदूषण नियंत्रण मंडळाचे सदस्य म्हणून डॉ. इंद्रजीत मोहिते यांच्याकडे शरद पवार यांनी जबाबदारी सोपवली होती. 2010 साली विश्वस्तपदाचा निर्धारीत कालावधी संपल्याने डॉ. मोहिते यांची दुसऱ्यांदा निवड केली.


डॉ. मोहिते यांनी मिळालेल्या संधीतून प्रत्येक पातळीवर आपल्या अभ्यासू व जिज्ञासू कार्याची छाप उमटवली आहे. व्हिएसआय या संस्थेत दर तीन वर्षानंतर ऊस क्षेत्राशी निगडित आंतरराष्ट्रीय परिषदांचे नियोजन केले जाते. नुकतीच गेल्या आठवड्यात एक परिषद झाली. डॉ. इंद्रजीत मोहिते यांनी या परिषदेसह दोन परिषदांचे उत्कृष्ट नियोजन केले आहे. 


Popular posts
सेवा सोसायटीनी उद्योगाला कर्ज दिले तर प्रत्येक गाव सक्षम होईल 
Image
‘कृष्णा’च्या रोगनिदान प्रयोगशाळेला ‘कोविड-19’च्या टेस्ट करण्यास मान्यता....आता कराडमध्येच होणार कोरोना चाचणी; सातारा जिल्यातील एकमेव प्रयोगशाळा
Image
मुख्याधिकारी यशवंत डांगे यांनी हद्दीवर रोखलेला कोरोना अखेर कराडमध्ये दाखल झाला....वैद्यकीय अधीक्षक प्रकाश शिंदे यांच्यावर कारवाई करावी...कोविड कक्ष उपजिल्हा रुग्णालयाऐवजी सह्याद्री हॉस्पिटलला हलवण्याची मागणी
वैद्यकीय क्षेत्राशी संबंधित २१ हजार व्यक्तींचे कोरोना लढ्यात सहभागी होण्यासाठी अर्ज...सबंधित जिल्ह्यांमध्ये नियुक्त्या देणार 
राज्यातील पालखी सोहळा प्रमुखांच्या समन्वय समितीची बुधवारी बैठक....आषाढीवारी बाबत होणार निर्णय
Image