उत्तम नियोजनामूळे "सह्याद्रि" कारखाना अग्रेसर - जिल्हाधिकारी शेखर सिंह


उत्तम नियोजनामूळे "सह्याद्रि" कारखाना अग्रेसर - जिल्हाधिकारी शेखर सिंह


कराड - सह्याद्रि सहकारी साखर कारखाना हा महाराष्ट्रामध्ये एक अग्रगण्य साखर कारखाना आहे. सहकारमंत्री बाळासाहेब पाटील यांच्या मार्गदर्शनाखाली तसेच संचालक मंडळ व खातेप्रमुख यांच्या अत्यंत काटेकोर नियोजनाने चाललेला कारभार हा कौतुकास्पद असून, या नियोजनामूळे सह्याद्रि कारखाना अग्रेसर असल्याचे मत जिल्हाधिकारी शेखर सिंह यांनी व्यक्त केले.


सह्याद्रि सहकारी साखर कारखान्याच्या सन 2019-20 या गळीत हंगामात उत्पादीत झालेल्या 10 लाख 25 हजार 550 वरील 11 पोत्यांच्या पूजन समारंभ प्रसंगी बोलत होते. संचालक मानसिंग जगदाळे व जशराज पाटील यांनी जिल्हाधिकारी शेखर सिंह यांचे स्वागत केले. उपाध्यक्ष लक्ष्मी गायकवाड, संचालक, अधिकारी, विभागप्रमुख उपस्थित होते.


जिल्हाधिकारी शेखर सिंह म्हणाले, यापूर्वी गडचिरोली येथे कार्यरत होतो. तेथे भात व धान्य शेती मोठया प्रमाणावर होते. त्यामूळे ऊस शेतीबद्दल जास्त महिती नाही. परंतू सातारा जिल्हयामधे जास्त प्रमानावर उस क्षेत्र असल्यामूळे व सह्याद्रि सारखा अग्रेसर कारखाना या जिल्हयात असल्यामूळे उस शेती व कारखानदारीत येणार्‍या अडी-अडचणी येवू नये म्हणून केलेले उत्तम नियोजन याची माहिती घेता आली.


यावेळी जनरल मॅनेजर पी.आर.यादव यांनी प्रास्ताविक करून कारखान्याची प्रतिदिन 1250 मे.टनापासून 7500 मे.टनापर्यंत व नियोजित 11000 मे.टनाची विस्तारवाढ, शैक्षणिक सुविधा, दुष्काळ ग्रस्तांना सहाय्य, घरकुल योजना, विहीर बोअरींग योजना, गोबर गॅस योजना, पाणंद रस्ते सुधारणा योजना, जलयुक्त शिवार अभियानात सहभाग, गो-पैदास केंद्रे, कुस्ती कलेस वाव मिळावा म्हणून कारखाना कार्यस्थळावर मानधनावरील कुस्ती स्पर्धा, कंम्पोस्ट खत निर्मिती प्रकल्प, सभासद व अधिकारी कर्मचारी यांचेकरीता प्रशिक्षण वर्ग व मेळावे, सांस्कृतिक कार्यक्रम, उपसा जलसिंचन योजना, स्व. यशवंतरावजी चव्हाणसाहेब यांच्या कराड स्मारकासाठीची आर्थिक मदत आदिबाबत सविस्तर माहिती दिली. आभार संचालक मानसिंग जगदाळे यांनी मानले.



Popular posts
पुणे जिल्ह्यातील परप्रांतीय मजुरांना वनराईतर्फे शिधावाटप
Image
डॉ. अतुल भोसले यांचा विरोधकांना सवाल...इतरांच्या नावावर बोगस कर्ज का घेतले ? त्यांना तुरूंगात का जावे लागले ? या प्रश्‍नांची उत्तरे हिंमत असेल तर द्यावीत 
Image
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
सातारा - पुणे महामार्गावरील खड्डे 15 मार्चपर्यंत बुजवावेत.....पालकमंत्र्यांनी घेतला जिल्ह्यातील रस्ते कामांचा आढावा
Image
  स्व. वेणूताई चव्हाण उपजिल्हा रुग्णालय नॉन कोविड जाहीर करावे,... डॉ. प्रकाश शिंदे यांच्या हलगर्जीपणामुळे कराडला गंभीर धोका निर्माण झाला... "कोरोना"च्या पार्श्वभूमीवर रस्त्यावर उतरून आंदोलन करण्याचा इशारा
Image