"देवदुता"सारखे धावले पालकमंत्री बाळासाहेब पाटील....ट्रॅव्हल्स मालकाचा तीन दगडाच्या चुलीवर उदरनिर्वाह सुरू


"देवदुता"सारखे धावले पालकमंत्री बाळासाहेब पाटील....ट्रॅव्हल्स मालकाचा तीन दगडाच्या चुलीवर उदरनिर्वाह सुरू


कराड - कोरोनाचे संकट सर्वांच्या डोईवर असताना अनेकांना अनेक अडचणींना सामोरे जावे लागत आहे. मुंबईस्थित एक ट्रॅव्हल्सधारक मालक व त्याचा ड्रायव्हर असाच मुंढे (ता. कराड) येथे अडकला आहे. कोणावर कधी, कशी वेळ येईल हे सांगता येत नाही. सहकार व पणनमंत्री तथा सातारा जिल्ह्याचे पालकमंत्री बाळासाहेब पाटील सातारा जिल्हाधिकारी कार्यालयात जात असताना त्यांना सदर ट्रॅव्हल्स मालक चालकाची माहिती समजताच तात्काळ ते घटनास्थळी पोचले आणि संबंधितांची विचारपूस केली. दरम्यान "देवदुता"सारखे पालकमंत्री बाळासाहेब पाटील धावून आल्याची प्रतिक्रिया राजू मोरे यांनी व्यक्त केले आहे.


मुंढे (ता. कराड) येथे विमानतळ परिसरातील बावडेकर मसाला शेजारी श्री रामेश्वर ट्रॅव्हल्सचे मालक चालक राजू मोरे यांना पालकमंत्री बाळासाहेब पाटील प्रत्यक्ष भेटले आणि त्यांची अडचण समजून घेतली. आर्थिकमदत व जीवनावश्यक वस्तूंचे तात्काळ मदत करावी अशी सूचना मुंढे येथील महंमद आवटे यांना केली.पालकमंत्री बाळासाहेब पाटील यांची सूचना मिळताच तात्काळ राजू मोरे यांना गहू, तांदूळ, डाळ, ज्वारी, तेल, साखर, चहापावडर, तूरडाळ, मूग डाळ कांदा बटाटा चटणी आणि सर्व प्रकारचा मसाला किमान एक महिना पुरेल इतका देण्यात आला आहे.


राजू शंकर मोरे हे मूळचे वाई तालुक्यातील असून सध्या ते दिवा (जि. ठाणे) येथे राहतात.त्यांची स्वतःची ट्रॅव्हल्स असून स्वतः चालक आहेत. कराड ते मुंबई असा नेहमी त्यांचा प्रवास सुरू असतो. राजू मोरे यांना पत्नी व तीन मुली आहेत. 21 मार्च रोजी मुंबईहून राजू मोरे हे प्रवासी ट्रॅव्हल्स घेऊन सकाळी सहा वाजता कराडला आले. दरम्यान 22 मार्च रोजी एक दिवसाचा लॉकडाऊन जाहीर झाला. दरम्यान 21 तारखेलाच पूर्ण महाराष्ट्र बंद करण्यात आला. 23 मार्चला सायंकाळी नऊ वाजता गाडी भरून परत मुंबईला जायचे असे नियोजन करून राजू मोरे निवांत होते. दरम्यान लॉकडाऊन वाढवीण्यात आला. यामुळे स्वतः जवळचे असणारे काही पैसे घरखर्चासाठी पत्नीकडे मुंबईला पाठविले आणि स्वतःजवळ दीड हजार रुपये ठेवले. आगाशिवनगर येथील सोमनाथ पवार हे राजू मोरे यांचे मित्र असल्यामुळे त्यांच्याकडून दोन किलोचा गॅस घेतला. तो आठ दिवस वापरला आणि नंतर गॅस संपला. यामुळे तीन दगडांची चूल करून याठिकाणी अन्न शिजवून ते खाऊ लागले.


दरम्यानच्या 30 एप्रिल अखेर लॉकडाऊन वाढल्यामुळे राजू मोरे यांच्याकडे असणारे पैसे संपले. आता पुढे करायचे काय ? असा त्यांच्यापुढे प्रश्न पडला होता. सहकार व पणन मंत्री तथा सातारा जिल्ह्याचे पालकमंत्री बाळासाहेब पाटील यांचा त्यांना काही व्यक्तींकडून मोबाईल नंबर मिळाला. राजू मोरे यांनी सद्यपरिस्थितीत त्यांच्यावर बेतलेल्या कटू प्रसंगाची कहाणी पालकमंत्री बाळासाहेब पाटील यांच्या कानावर घातली. 13 एप्रिल रोजी पालकमंत्री बाळासाहेब पाटील हे जिल्हाधिकारी कार्यालयाकडे जात असताना त्यांनी मुंढे (ता. कराड) येथे राजू मोरे आपल्या ट्रॅव्हल्स गाडीसह मुक्कामी असलेल्या ठिकाणी भेट देऊन त्यांची प्रत्यक्ष भेट घेऊन असणारी अडचण समजून घेतली आणि तात्काळ त्यांना आर्थिकमदत व जीवनावश्यक वस्तूची पूर्तता करून दिली.


राजू मोरे हे तीन दगडावर चूल मांडून दोन वेळचे जेवण करून खात असताना त्यांना गॅसची व्यवस्था करतो. असे पालकमंत्री बाळासाहेब पाटील यांनी सांगितले. मात्र राजू मोरे यांनी "साहेब" दिले ते पुरे झाले. मला आता गॅस नको, चुलीवर करून मी खातो असे सांगितले. अडचणीच्या काळात देवदुतासारखे पालकमंत्री बाळासाहेब पाटील माझ्या मदतीला धावून आले. मला दोन वेळच्या खाण्याची भ्रांत होती. ती सहज दूर केली. इतकेच काय तर मी जिथे राहतो, ती परिस्थिती पाहिल्यानंतर फोन करून पालकमंत्री बाळासाहेब पाटील चौकशी करतात. त्याचबरोबर अंघोळ, पिण्याच्या पाण्याची व्यवस्था काय केली ? असे त्यांनी माझी चौकशी केली असता, बावडेकर मसाला येथे माझी व्यवस्था झाली आहे. असेही राजू मोरे यांनी पालकमंत्री बाळासाहेब पाटील यांना ख्यालीखुशाली सांगितल्याची माहिती प्रस्तुत प्रतिनिधीशी बोलताना दिली.


Popular posts
सातारा जिल्ह्यात 21 रुग्णांची नोंद.... एकूण रुग्णांची संख्या 113
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
कराड वार्तापत्र - गोरख तावरे जनशक्ती आघाडीमध्ये बंड झाल्याने गटात गट निर्माण जानेवारी महिन्यातल्या पहिल्या आठवड्यात होणाऱ्या विविध समितींच्या सभापती निवडीच्या अनुषंगाने कराड नगरपालिका राजकारणात हालचालीस प्रारंभ झाला आहे. दरम्यान जनशक्ती आघाडीमध्ये उभी फूट पडली आहे. उपनगराध्यक्ष जयवंत पाटील यांनी आपल्या गटाला स्वतंत्र बसण्यासाठी वेगळी जागा सभागृहात द्यावी, अशी मागणी केल्याने जनशक्ती आघाडीत फूट पडली. कराड नगरपालिकेच्या राजकारणातील गटात गट निर्माण झाल्याची चर्चा संपूर्ण शहरभर सुरू आहे. दरम्यान ऐतिहासिक कराड नगरपालिका राजकारणातील आघाड्यांना फुटीचे ग्रहण लागले आहे. यापूर्वीही अनेक वेळेला नगरपालिकेमध्ये वेगवेगळ्या विचाराच्या निवडून आलेल्या आघाड्यांमध्ये बंड झाले, फूट पडली अशीच परिस्थिती सध्या निर्माण झाली आहे. स्वर्गीय पी. डी. पाटीलसाहेब कराड नगरपालिकेचे नगराध्यक्ष असताना 25 विरुद्ध 24 अशी सदस्य संख्या होती. दरम्यान एका सदस्याने बंड पुकारून विरोधात गेल्यामुळे सत्ताधारी गट अल्पमतात आला होता. दरम्यान मुरब्बी राजकारणी असणारे पी. डी. पाटील यांनी एका दिवसात हे बंड मोडून काढले. आपला गेलेला सदस्य पुन्हा आपल्या गटात घेऊन आले. नुकत्याच झालेल्या विधानसभा निवडणुकीच्या राजकारणामुळे कराड नगरपालिकेतील सत्ताधारी जनशक्ती आघाडीमध्ये फुट पडली असे बोलले जात आहे. नगरपालिका म्हटले की, गट-तट, आघाड्या, कुरबुडी, देणे घेणे असे सर्रास घडत असते. जनशक्ती आघाडी फुटली, नगरसेवक घेत असलेल्या वेगवेगळ्या भूमिकेमुळे फुटीचे राजकारण हा मुद्दा ऐरणीवर आला.कराड शहरासाठी विकास निधी राज्य शासनाकडून येतो. हा विकास निधी विविध कामावर खर्च करीत असताना कामाचा दर्जा बिलकुल नाही, ठेकेदार दर्जाहीन कामे करतात, हे अनेक कामे पाहिल्यानंतर स्पष्ट होत आहे. दर्जाहीन विकास कामे होत असल्याने नागरिकांची सातत्याने ओरड सुरू आहे. मात्र याकडे नगरसेवक अथवा प्रशासन गांभीर्याने पाहत नाही.यामुळे विद्यमान सत्ताधारी गटातील नगरसेवकांबद्दल नागरिकांच्या मनामध्ये तीव्र संताप निर्माण झाला आहे. मुख्य पदाधिकाऱ्यांसह सर्वच नगरसेवक कराड शहराच्या विकासाकडे लक्ष देणार का ? असा प्रश्न विचारला जात आहे. उपनगराध्यक्ष जयवंत पाटील यांनी गटात गट केलेला कायम राहणार का ? सभापतीच्या निवडीवेळी "तलवार म्यान" होणार का ? हे येणाऱ्या काही दिवसात स्पष्ट होईल. कारण जयवंत पाटील उपनगराध्यक्ष झाल्यापासून सत्ताधारी गटाचा सर्व कारभार जयवंत पाटील यांच्या नेतृत्वाखाली चालला आहे. दरम्यान जयवंत पाटील यांनीच बंड पुकारल्यामुळे जनशक्ती आघाडीचे काय होणार ? असा सवाल उपस्थित होत आहे. जनशक्ती आघाडीतील वाद चव्हाट्यावर आला आणि उपनगराध्यक्ष जयंवत पाटील यांनी सभागृहात वेगळी बसण्याची मागणी केली. कराड नगरपालिका राजकारणाची दिशाच बदलली आहे. उपनगराध्यक्ष जयवंत पाटील व माजी उपनगराध्यक्ष राजेंद्र यादव यांच्यामध्ये समेट घडावा यासाठी प्रयत्न केला जात आहे. विविध समितीच्या सभापतीची निवड करण्याचा अधिकार कोणाला ? आघाडीच्या अध्यक्षांना का नगरपालिकेतील गटनेत्याला ? याबाबत उलट सुलट चर्चा सुरू झाली आहे.दरम्यान विविध समितीच्या सभापती निवडीच्या अनुषंगाने आत्तापर्यंत राजेंद्र माने,महेश कांबळे, किरण पाटील यांना सभापती पदाची संधी मिळालेली नाही. यावेळेला सभापतीपदाची लॉटरी या तीन उमेद नगरसेवकांना लागेल का नाही ? हे अद्याप स्पष्ट झालेले नाही. नुकत्याच झालेल्या विधानसभा निवडणुकीमध्ये कराडच्या नगरसेवकांची भूमिका संभ्रमावस्थेत राहिली होती. कोणत्या उमेदवाराला पाठिंबा कुणाला द्यायचा ? प्रचार कोणाचा करायचा ? याबाबत मात्र कराड नगरपालिकेतील नगरसेवकांचे लवकर एकमत झाले नाही. कराडच्या नगरसेवकांनी आपली भूमिका लवकर स्पष्ट केली नाही. विधानसभा निवडणुकीतील नगरसेवकांच्या भूमिकेबाबत कराडमध्ये आजही चर्चा सुरू आहे.कराड नगरपालिकेला निवडून येणार्‍या नगरसेवकांची भूमिका कराड शहराच्या विकासाबाबत संवेदनशील हवी, मात्र सध्या ती दिसून येत नाही.  नगरपालिका निवडणुकीनंतर कराड नगरपालिकेमध्ये राजकीय तीन गट अस्तित्वात आले. यामध्ये लोकशाही आघाडी विरोधात बसली आहे. भाजपाचे काही नगरसेवक निवडून आले त्यांचा एक गट आहे. त्याचबरोबर सत्ताधारी म्हणून जनशक्ती आघाडी कारभार पाहत आहे. तर भाजपच्या नगराध्यक्षा स्वतंत्रपणे आपला कारभार करीत आहेत. उपनगराध्यक्ष जयवंत पाटील यांनी आपल्या पाच नगरसेवकांचा वेगळा गट निर्माण केला आहे. उपनगराध्यक्ष जयवंत पाटील यांचा गट म्हणजे गटात गट निर्माण झालेला आहे. जनशक्ती आघाडीच्या निवडून आलेल्या नगरसेवकांच्या बरोबर आता इथून पुढे आपला "घरोबा" असणार नाही असे सांगून त्यांनी कराड नगरपालिकेचा कारभार सुरू केला आहे. यशवंत विकास आघाडीचे राजेंद्रसिंह यादव यांना मांणणारे नगरसेवक आहेत. मात्र राजेंद्रसिंह यादव हे नगरपालिका राजकारणात, नगरपालिका कारभार चालवण्यासाठी जेवढा वेळ द्यायला हवा, तेवढा वेळ देत नाही, त्यामुळे नगरसेवकांनी अडचणी कोणासमोर मांडायच्या ? हा प्रश्नच आहे. अशी एकाकी पडलेले नगरसेवक आता एकत्रित सर्वांची मोट बांधण्याचा प्रयत्न करीत आहेत. याला किती प्रतिसाद मिळेल, हे आत्ताच सांगता येणार नाही. येणाऱ्या कालावधीमध्ये गटातला गट शिल्लक राहतो का ? जनशक्ती आघाडीच्या छत्रछायेखाली निवडून आलेले सर्व नगरसेवक एकत्र राहणार का ? हे काही कालावधीनंतर स्पष्ट होईल.  जानेवारी महिन्याच्या पहिल्या आठवड्यामध्ये विविध समितींच्या सभापतींची निवडणूक होणार आहे. यावेळी गटातला गट अथवा जनशक्ती आघाडीची काय रणनीती राहणार हे पहावे लागेल. कराडमधील राजकीय समीकरणांबाबत उत्सुकता निर्माण झाली आहे. दरम्यान, उपनगराध्यक्ष जयवंत पाटील यांनी आपल्यासोबत महेश कांबळे, कश्मिरा इंगवले, माया भोसले, अरुणा पाटील हे नगरेसवक असल्याचा दावा केला आहे. उपनगराध्यक्ष जयवंत पाटील हे भाजपचे डॉ. अतुल भोसले यांचे समर्थक आहेत. तर राजेंद्रसिंह यादव गट श्री. छ. उदयनराजे भोसले यांचे समर्थक आहेत. त्यामुळेच आता नगरपालिका राजकारणात काय होणार ? याबाबत उत्सुकता निर्माण झाली आहे. नगरपालिका निवडणुकीत आ. पृथ्वीराज चव्हाण यांच्या नेतृत्वाखालील यशवंत जनशक्ती लोकसेवा आघाडीचे 16 नगरसेवक विजयी झाले. तर या आघाडीला एका महिला नगरसेविकेने पाठिंबा दिला. दरम्यान निवडून आल्यानंतर प्रथम जनशक्ती आघाडीच्या नगरसेवकांनी पृथ्वीराज चव्हाण यांचा विश्वासघात केला आणि त्यांचे नेतृत्व झुगारून दिले. कराड नगरपालिकेत भाजपाचे पाच, लोकशाही आघाडीचे सहा तर बहुमतात असलेल्या जनशक्ती आघाडीसह आ. पृथ्वीराज चव्हाण यांचे नेतृत्व मानणारे कॉग्रेसचे शहराध्यक्ष राजेंद्र माने असे गट कार्यरत आहेत. उपनगराध्यक्ष जयवंत पाटील यांनी राजीनामा द्यावा, असे बहुमतात असलेल्या जनशक्ती आघाडीतील काही नगरसेवकांचे म्हणणे होते. दरम्यान उपनगराध्यक्ष पाच वर्ष माझ्याकडे राहील" या अटीवर "उपनगराध्यक्षपद घेतले असल्याचे जयंतराव पाटील सांगतात. यामुळे उपनगराध्यक्ष बदलाचा प्रश्नच येत नाही. यशवंत आघाडी राजेंद्रसिंह यादव यांची, जनशक्ती आघाडी अरुण जाधव यांची तर लोकसेवा आघाडी जयवंतराव पाटील यांची आघाडी आहे. या तिघे पृथ्वीराज चव्हाण यांच्या नेतृत्वाखाली एकत्र आले होते. जयवंत पाटील यांच्याकडे उपनगराध्यक्षपद असल्यामुळे नगरपालिकेत दररोज जयवंत पाटील दिसतात. अरुण जाधव नगरपालिकेकडे फिरकतही नाहीत. तर राजेंद्रसिंह यादव आपल्या कामाचा व्याप सांभाळून, जेवढा वेळ देता येईल तेवढाच वेळ देतात. यामुळे अनेक प्रश्न निर्माण झाले आहेत, ते कोण सोडवणार ? हा खरा प्रश्न निर्माण झाला आहे.
Image
वर्धन अग्रोने ऊस बिल त्वरित द्यावीत अन्यथा आंदोलन... सचिन नलवडे यांचा इशारा
Image
चहा नव्हे अमृततुल्य, कराडच्या युवकांचा अभिनव उपक्रम......शिवनेरी अमृततुल्य
Image