पोलीस जवांनासाठी सॅनिटायझर व मास्क खा. श्रीनिवास पाटील यांचेकडून जिल्हा पोलीस अधीक्षक तेजस्वी सातपुते यांच्याकडे सुपूर्द 


पोलीस जवांनासाठी सॅनिटायझर व मास्क खा. श्रीनिवास पाटील यांचेकडून जिल्हा पोलीस अधीक्षक तेजस्वी सातपुते यांच्याकडे सुपूर्द 


कराड : कोरोनाच्या पार्श्वभूमीवर महत्वपूर्ण सेवा बजावत असलेल्या जिल्ह्यातील पोलीस जवांनासाठी आवश्यक असणारे सॅनिटायझर व मास्क खा. श्रीनिवास पाटील यांनी जिल्हा पोलीस अधीक्षक तेजस्वी सातपुते यांच्याकडे सुपूर्द केले. श्रीनिवास पाटील चॅरिटेबल फाउंडेशनच्या वतीने हा उपक्रम राबविण्यात असून पोलीस कर्मचा-यांच्या आरोग्याच्या हिताच्या दृष्टीने त्याची आवश्यकता होती.


जिल्ह्यामध्ये कोरोना व्हायरसचा संसर्ग पसरू नये तसेच त्या अनुशंगाने परिस्थिती नियंत्रणात रहावी यासाठी जिल्ह्यातील पोलीस कर्मचारी महत्त्वाची भूमिका पार पाडत आहेत. या कार्यासाठी रस्त्यावर उतरून चोवीस तास सेवा बजावत असलेल्या पोलिसांना खा. श्रीनिवास पाटील यांनी थेट फोन करून त्यांच्याशी संवाद साधला आहे. गेल्या चार दिवसात त्यांनी 500 हून अधिक पोलीस कर्मचा-यांशी फोनद्वारे संपर्क साधला.


सद्यस्थितीत बजावत असलेल्या सेवेबद्दल पोलीसांचे कौतुक करून खा.श्रीनिवास पाटील यांनी फोन करून त्यांचे मनोधैर्य वाढविले. त्यांची व त्यांच्या कुटुंबीयांची आपुलकीने चौकशी करत समाजाप्रती देत असलेल्या योगदानाबद्दल पोलीसांचे ऋण व्यक्त केले. याशिवाय ते कर्तव्य बजावत असताना त्यांना येत असलेल्या अडी-अडचणींचीही माहिती जाणून घेतली. माजी राज्यपाल व लोकप्रिय खासदार श्रीनिवास पाटील यांचा फोन आल्याने पोलिसही मनोमन भारावून गेले. 


खा. पाटील यांनी फोन करून केलेल्या चौकशीतून पोलिसांना सध्या सॅनिटायझर व मास्कची कमतरता भासत असून त्याची गरज असल्याचे लक्षात आले. त्यामुळे सामाजिक कार्यात सहभागी राहणा-या श्रीनिवास पाटील चॅरिटेबल फाउंडेशनच्या वतीने पाच लिटरचे 10 कॅन सॅनिटायझर व अडीच हजार मास्क जिल्ह्यातील पोलीस ठाण्यातील पोलीसांना पुरविण्यात आले. खा. श्रीनिवास पाटील यांच्या हस्ते जिल्हा पोलीस अधीक्षक तेजस्वी सातपुते यांच्याकडे ते सुपूर्द करण्यात आले. श्रीनिवास पाटील चॅरिटेबल फाऊंडेशन च्या वतीने पोलीस विभागासाठी आवश्यक असलेले सॅनिटायझर व मास्क पुरविल्याने कोरोनाच्या लढ्यासाठी महत्वाचे ठरणार आहे.


 


Popular posts
"काँग्रेस"ला गतवैभव प्राप्तसाठी पृथ्वीराजबाबा - विलासकाका यांच्यात सकारात्मक चर्चा : राज्यमंत्री सतेज उर्फ बंटी पाटील
Image
सातारा जिल्ह्यातील नागरिकांचा लॉकडॉऊनला चांगला प्रतिसाद : पालकमंत्री बाळासाहेब पाटील 
Image
जिल्हा परिषद पाझर तलावांची ठेका रक्कम कमी करावी..... सातारा जिल्हा मत्स्यव्यवसाय संघाचे पालकमंत्री बाळासाहेब पाटील यांना निवेदन  
Image
पुणे जिल्ह्यातील "लॉकडाऊन" यंत्रणांच्या समन्वयाचा उत्कृष्ट नमुना
नगरपालिकेच्या सभेत नगरसेवकांनी प्रशासन व मुख्याधिकार्‍यांना धरले धारेवर...विषयपत्रिकेवरील 90 विषय मंजूर; सहकार मंत्री बाळासाहेब पाटील यांचा नागरी सत्कार होणार
Image