स्वच्छ सर्वेक्षणमध्ये जिल्हय़ाचे अग्रस्थान कायम ठेवा....नगरविकास मंत्री एकनाथ शिंदें साहेब यांच्या जिल्हय़ातील मुख्याधिकाऱयांना सूचना.......जिल्हय़ातील नगरपालिकांच्या कामकाजाचा दरे येथे घेतला आढावा

कराड (राजसत्य) - राज्याचे नगरविकास मंत्री, शिवसेनेचे नेते एकनाथ शिंदे हे यांनी आपल्या मुळगावी दरे (महाबळेश्वर) या गावास भेट दिली. येथील आपल्या निवासस्थानी त्यांनी जिल्हय़ातील 9 नगरपालिका व 7 नगरपंचायतींच्या कामकाजाचा आढावा त्या त्या मुख्याधिकाऱयांकडून घेतला. स्वच्छ सर्वेक्षणमध्ये जिल्हय़ातील नगरपालिका व नगरपंचायतींनी चांगले काम केले आहे. 2020 सालच्या स्पर्धेतही जिल्हय़ाचे अग्रस्थान कायम ठेवा, अशा सूचना त्यांनी मुख्याधिकाऱयांना केल्या.


जिल्हा प्रशासन अधिकारी रवी पवार, सातारा नगरपालिकेचे मुख्याधिकारी शंकर गोरे, कराडचे मुख्याधिकारी यशवंत डांगे, फलटणचे प्रसाद काटकर, पाटणचे अभिषेक परदेशी, महाबळेश्वर पाचगणीच्या अमिता दगडे, वाईच्या विद्या पोळ यांच्यासह सर्व मुख्याधिकारी यावेळी उपस्थित होते. मुख्याधिकाऱयांतर्फे शंकर गोरे यांनी नामदार एकनाथ शिंदे यांचा सत्कार केला. सातारच्या नगराध्यक्षा माधवी कदम याही उपस्थित होत्या.


एकनाथ शिंदे यांनी सातारा, कराड, फलटणसह सर्व नगरपालिकांच्या कामकाजाचा सविस्तर आढावा उपस्थित मुख्याधिकाऱयांकडून घेतला. नगरपालिकांचे मंत्रालय पातळीवर प्रलंबित प्रस्ताव काय आहेत, याचीही माहिती घेतली. मंत्रालयातही प्रत्येक नगरपालिकेसंदर्भात बैठक लावून प्रलंबित प्रश्न सोडवण्याची ग्वाही त्यांनी दिली. नगरपालिकांचे प्रश्न सोडवण्यासाठी मदत करण्याचे आश्वासनही दिले.
स्वच्छ सर्वेक्षण 2020 ला सामोरे जाण्यासाठी जिल्हय़ातील नगरपालिकांनी काय तयारी केली आहे, याची माहिती त्यांनी घेतली. प्रत्येक शहरातील कचरा संकलन, वर्गीकरण, प्रक्रिया याची माहिती संबंधित मुख्याधिकाऱयांकडून घेतली. यातील त्रुटी दूर करण्यासाठी प्रयत्न करण्याचे आवाहन केले. गत दोन वर्षातील स्पर्धेत सातारा जिल्हय़ातील नगरपालिकांनी चांगली कामगिरी केली होती. त्याचप्रमाणे यावर्षीच्या स्पर्धेतही नगरपालिकांनी चांगली कामगिरी करून दाखवावी, अशी अपेक्षा त्यांनी व्यक्त केली.


यावर्षीही कराड देशात प्रथम यावे


नगरविकास मंत्री एकनाथ शिंदे यांनी, 2019 सालच्या स्पर्धेत कराड नगरपालिकेने 1 लाख लोकसंख्येच्या आतील शहरांमध्ये देशात प्रथम क्रमांक पटकावल्याबद्दल कराड नगरपालिकेबद्दल प्रशंसोद्गार काढले. मुख्याधिकारी यशवंत डांगे यांच्याकडून यावर्षीच्या तयारीची माहिती घेतली. यावर्षीही कराडने आपला प्रथम क्रमांक कायम राखावा, अशा शुभेच्छा दिल्या. कराडमधील उपक्रमांची पाहणी करण्यासाठी यशवंत डांगे यांनी शिंदे कराड भेटीचे निमंत्रण दिले.



Popular posts
सेवा सोसायटीनी उद्योगाला कर्ज दिले तर प्रत्येक गाव सक्षम होईल 
Image
‘कृष्णा’च्या रोगनिदान प्रयोगशाळेला ‘कोविड-19’च्या टेस्ट करण्यास मान्यता....आता कराडमध्येच होणार कोरोना चाचणी; सातारा जिल्यातील एकमेव प्रयोगशाळा
Image
मुख्याधिकारी यशवंत डांगे यांनी हद्दीवर रोखलेला कोरोना अखेर कराडमध्ये दाखल झाला....वैद्यकीय अधीक्षक प्रकाश शिंदे यांच्यावर कारवाई करावी...कोविड कक्ष उपजिल्हा रुग्णालयाऐवजी सह्याद्री हॉस्पिटलला हलवण्याची मागणी
वैद्यकीय क्षेत्राशी संबंधित २१ हजार व्यक्तींचे कोरोना लढ्यात सहभागी होण्यासाठी अर्ज...सबंधित जिल्ह्यांमध्ये नियुक्त्या देणार 
राज्यातील पालखी सोहळा प्रमुखांच्या समन्वय समितीची बुधवारी बैठक....आषाढीवारी बाबत होणार निर्णय
Image