(गोरख तावरे)
सह्याद्री पर्वतामध्ये असणारे गड-किल्ले व शिवरायांच्या इतिहासाचे आकर्षण असलेला ४७ वर्षांचा अवलिया 'पीटर व्हॅन गेट' हे सातासमुद्रापार असलेल्या बेल्जियम येथील नागरिक आहे. पीटर व्हॅन गेट यांनी अवघ्या ६० दिवसात 200 गडकिल्ले सर केलेले आहेत. ६० दिवसातील अनुभव कराडकरांना भरभरून सांगत होते. युवा पिढीला प्रेरणा देणारे परदेशी नागरिक पीटर व्हॅन गेट' हे महाराष्ट्रातील गड-किल्ले, छत्रपती शिवाजी महाराजांचा गौरवशाली इतिहासाबद्दल बोलतात. महाराष्ट्रातील गडकिल्ल्यांचे सचित्र दर्शनाचा कराडकरांना अनुभव सांगतात हे सगळं विलक्षणच.
पीटर व्हॅन गेट' हे सध्या चर्चेचा विषय असणारा परदेशी पाहुना असून सह्याद्री डोंगररागांतून वणवण फिरून गड-किल्ल्यांची माहिती गोळा करीत आहे. परदेशात सिस्को कंपनीत मोठ्या पदावर असल्याने कंपनीने पीटर व्हॅन गेट' यांना हिंदुस्थानात नवीन इंजिनिअर भरतीसाठी पाठवले. हिंदुस्थानातील संस्कृती व गड-किल्ल्यांची त्यांना इतकी भुरळ पाडली की, त्यांनी नोकरी हिंदुस्थानातच मिळावी अशी कंपनीला विनंती केली. विशेष म्हणजे कंपनीनेही विनंती मान्य केली.पीटर व्हॅन गेट' यांना भटकंतीची अत्यंत आवड असल्यामुळे ऑफिसमधील सहकाऱ्यांनाही भटकंतीस येण्यास प्रवृत्त करीत आणि आपल्याबरोबर घेऊन जात. पीटर व्हॅन गेट हे हिंदुस्तानच्या प्रेमातच पडले आहेत.
सह्याद्रीच्या डोंगररांगा पिंजून काढतांना त्यांच्याबरोबर कोणी जोडीदार असेल तर ठीक नाहीतर "ऐकला चलो रे" प्रमाणे गडभ्रमंती करीत आहेत. सह्याद्रीच्या डोंगर रांगांमध्ये गडभ्रमंती करताना सोबतीला सुरक्षिततेसाठी काही सामान नसते. जणू भिती आणि पीटर व्हॅन गेट यांच काहीच घेण देण नाही. कमीत कमी साहित्य घेऊन ते भटकंती करताहेत. त्यांच्या बॅगेमध्ये एका व्यक्तीसाठी लागणारे एक अगदी छोटा तंबू, स्लीपिंग मॅट व एक स्लीपिंग बॅग असते.. डोक्यावर टोपी,अंगावर एक टीशर्ट, छोटी पॅन्ट,सॉक्स व शूज या साहित्याबरोबरच GPS साठी व मोजके फोटो काढण्यासाठी एक मोबाईल फोन (OnePlus7pro) इतकेच सामान असते, याव्यतिरिक्त काहीही नाही."ट्रान्स सह्याद्री" त्यांच्या मोहिमेत कमीत कमी वेळात २०० गडकिल्ले पाहण्याचा त्यांचा मानस होता.
गेल्या दोन महिन्यांपासून पीटर व्हॅन गेट सह्याद्री पर्वतरांगांमध्ये फिरण्याची मुशाफिरी करीत आहेत. महाराष्ट्रातील अनेक लहान मोठे गडकिल्ले पाहून आल्यानंतर सध्या ते सातारा जिल्ह्यातील गडकिल्ले पाहण्यासाठी कराड येथे आले असता सदाशिवगड, आगाशिवगड, वसंतगड पाहिला. सातारा , सांगली , कोल्हापूर भागामध्ये असणारे गडकिल्ले पाहण्याची मोहीम सुरू केली आहे. विशेष म्हणजे पीटर व्हॅन गेट हे एका दिवसात चार ते पाच किल्ले पाहतात, डोंगरात अथवा पायथ्याच्या गावात जागा मिळेल तेथे आपला तंबू लावतात आणि मुक्काम करतात. पीटर व्हॅन गेट यांचा गडकिल्ले चढण्याचा व उतरण्याचा वेग व क्षमता नेहमी ट्रेकर्सवर असणाऱ्या युवकांना लाजवतील असा आहे. ज्या गावात मुक्काम असेल तेथील गावकऱ्यांनी प्रेमाने दिलेला पाहुणचार स्वीकारून शांतपणे झोपतात, भटकंतीच्यावेळी अन्नताजे, पोस्टीक, अथवा आपल्या मनासारखे जेवण मिळावे याला पीटर व्हॅन गेट दुय्यम स्थान देतात. दिवसभरात एक ग्लास किंवा तांब्या पिलेल्या पाण्यावर तृप्त होऊन गड-किल्ल्यावर चित्त्याच्या वेगाने चढण्यात पीटररांची हातखंडा आहे.
सदाशिवगड सर करण्यास कराडमधील युवकांना ३० मिनिटे लागतात. दरम्यान पीटर व्हॅन गेट यांनी गडावरील पायऱ्या १० ते १५ मिनिटात पाया वेगळे करून गडावर पोहोचले. डोक्यावर ऊन असल्यामुळे दमछाक होते. सदाशिव गडावर सुमारे १००० पायऱ्या आहेत. कराडपासून सदाशिवगड जवळ असल्याने अनेकांची नेहमी इथे ये - जा सुरू असते. पीटर व्हॅन गेटनी कराडमधील नकट्या रावळ्याची विहिर पाहिली, कृष्णा -कोयना नदीच्या प्रितिसंगममध्ये येथेच्छ पोहोले, स्वर्गीय यशवंतराव चव्हाण समाधीचे दर्शन घेतले, मस्तपैकी फेटा बांधला, कराडबरोबर फोटोशूट केलेले, लस्सी घेतली आणि निनाद बेडेकरांच्या ' कालातीत व्यवस्थापण तत्वे' आणि भगवान चिले यांचे 'गडकोट' या पुस्तकांवर पीटर यांनी स्वाक्षरी केली.पीटर व्हॅन गेट पल्सरवर स्वार होऊन मच्छिंद्रगडाकडे प्रस्थान केले. इतका मोठा माणूस , कोणता गर्व नाही, नम्रपणा हा फक्त हिंदुस्थानचा इतिहास, सह्याद्री पर्वतरांगा आणि शिवाजी महाराजांबद्दल जाऊन घेण्याची उत्सुकता अशा अवलियाचे आवडते वाक्य " DIE WITH MEMORIES NOT DREAMS " आठवणींसह मरा स्वप्नां बरोबर नाही..!
उमेश शिंदे युथ फाऊंडेशनचेवतीने कराडमध्ये परदेशी पाहुण्यांच्या एक बहारदार व सुंदर कार्यक्रम झाला. यासाठी उमेश आनंदराव शिंदे, संदिप घेवरे, ऋषिकेश कुंभार, किरण मुळे, समाधान चव्हाण, अमित चोथे, विनायक घेवदे, सदाशिव साळुंखे, अभिषेक कारंडे, आशिष रैनाक, यल्लाप्पा कोळी यांनी का कार्यक्रम यशस्वी करण्यासाठी परिश्रम घेतले. सूत्रसंचालन अबोली फणसळकर, राहुल यादव यांनी केले.
वेणूताई चव्हाण स्मारक येथे झालेल्या कार्यक्रमाचे इंग्रजीतील भाषणाचे मराठी भाषांतर मोरे सर (जनकल्याण शाळा) यांनी केले. कार्यक्रमांमध्ये नगराध्यक्ष रोहीणी शिंदे, के .एन .देसाई सर, राजेंद्रसिंह यादव,उमेश शिंदे,सौरभ पाटील, भूषण जगताप यांनी प्रसंगअनुरूप भाषण केले. प्रमुख पाहुणे म्हणून मा. ना.शेखरजी चरेगांवकर, नगराध्यक्ष रोहीणी उमेश शिंदे,राजेंद्रसिंह यादव,के .एन . देसाई सर,किरण पाटील, विजय वाटेगांवकर, सौरभ पाटील, शिवप्रतिष्ठानचे सागर आमले यांची उपस्थिती होती.
"वाटा सहयाद्रीच्या" : अनिकेत साळोखे, सौरभ आदवडे, संकेत फडके, सर्वेश उमराणी, शुभम जंगम, प्रणव कुंभार, अथर्व गाडगीळ, माधव पित्रे, अमित पोतनीस, वैष्णवी सुर्वे, नितीन कुलकर्णी, आर्या फणसळकर, रोहित यादव, जयेश मोरे या कार्यकर्त्यांनी परदेशी पाहुणे पीटर व्हॅन गेट यांच्याबरोबर सदाशिव गड सर केला.
