घनकचरा व ग्रामस्वच्छता राबवणारी मसूर ग्रामपंचायत जिल्ह्यात पहिली 


घनकचरा व ग्रामस्वच्छता राबवणारी मसूर ग्रामपंचायत जिल्ह्यात पहिली 


सातारा जिल्हा स्वच्छ सर्वेक्षणामध्ये नियमित अग्रक्रमावर राहिला आहे. यासाठी सातारा जिल्ह्यातील नगरपालिका, नगरपंचायत कसोशीने प्रयत्न करीत असतानाच घनकचरा व ग्रामस्वच्छता कराड तालुक्यातील मसुर ग्रामपंचायत पहिल्या क्रमांकाची ठरली आहे. ग्रामपंचायतीला योग्य नेतृत्व असेल तर स्थानिक पातळीवर ग्रामपंचायत ही चांगले काम करू शकतात, याचा आदर्श ग्रामपंचायतीने घालून दिला आहे. घनकचरा व ग्रामस्वच्छता व्यवस्थापन हा उपक्रम प्रायोगिक तत्त्वावर राबवणारी मसूर ही जिल्ह्या सातारा जिल्ह्यातील पहिली आदर्श ग्रामपंचायत ठरली आहे. ग्रामपंचायतीने नाविन्यपूर्ण उपक्रम राबवला तर ग्रामपंचायत स्तरावर अतिशय चांगले काम होऊ शकते.


घनकचरा व ग्रामस्वच्छता अभियान राबवताना ग्रामपंचायतीला स्वनिधी खर्च करावा लागतो. पुणे येथील व्हिडीके फॅसिलिटी सर्विसेसने मसूर (ता. कराड) ग्रामपंचायतीला घनकचरा व्यवस्थापनांतर्गत दोन घंटागाड्या दिलेल्या आहेत. ग्रामपंचायत स्तरावर देखील अतिशय चांगल्या व सकारात्मक दृष्टीने स्थानिक स्वराज्य संस्थांतील पदाधिकाऱ्यांनी काम केले तर चांगला प्रतिसाद मिळू शकतो. कारण शिक्षण, आरोग्य, ग्रामस्वच्छता, घनकचरा व्यवस्थापन आदी मूलभूत सुविधा पुरवणारी मसूर ग्रामपंचायत सातारा जिल्ह्यात अग्रेसर आहे. जिल्हा परिषदेचे शिक्षण व अर्थ समितीचे सभापती मानसिंगराव जगदाळे हे या ग्रामपंचायतीकडे बारकाईने लक्ष ठेवून असतात. स्थानिक स्वराज्य संस्थांमध्ये निवडून आलेल्या लोकप्रतिनिधींकडून मसूर गावासाठी करावे लागणारे सर्व सकारात्मक प्रयत्न करून जिल्हा परिषद व राज्य शासनाकडून निधी मिळवून गावांमध्ये विविध विकास कामे करीत असतात.


मानसिंगराव जगदाळे यांनी अनेक वर्ष ग्रामपंचायतीचे सरपंच म्हणून काम केल्यानंतर त्यांना सह्याद्री सहकारी साखर कारखान्याचे संचालक, जिल्हा परिषदेचे सदस्यत्व मिळालेले आहे. सध्या सरपंच पंकज दीक्षित, उपसरपंच म्हणून विजयसिंह जगदाळे काम पाहत आहेत. मसूर मधील रस्ते, पथदिवे, स्वच्छते बाबत ग्रामपंचायत नेहमीच दक्ष राहिलेली आहे.ग्रामपंचायतीच्या मालकीच्या जमिनीमध्ये व्यवसायिक गाळे निर्माण केल्यामुळे मसूर ग्रामपंचायतीच्या उत्पन्नात भर पडलेली आहे.प्रायोगिक तत्त्वावर राबवला जाणारा ग्रामस्वच्छतेचा हा उपक्रम सातारा जिल्ह्यात पहिदांच यशस्वी प्रयोग झाला आहे. प्रत्येक ग्रामपंचायतीने वार्षिक आर्थिक बजेट तयार करून ग्रामसभेकडे मांडावे लागते. त्यात होणारी कामे, कर्मचारी खर्च यामध्ये मोठी तफावत दिसून येते. यासाठी प्रायोगिक तत्त्वाचा प्रयोग निश्चितच उपयुक्त ठरणारा आहे. कारण सातारा जिल्ह्यातील प्रत्येक मोठ्या ग्रामपंचायतीने हा उपक्रम राबविणे अत्यावश्यक आहे. कारण आर्थिक बजेटवरही याचा परिणाम दिसून येतो. यामुळे प्रायोगिक तत्त्वाच्या कामांवर सातत्याने लक्ष ठेवण्याची अत्यंत गरज आहे.


ग्रामपंचायतीच्या माध्यमातून होणारा विकास हा जनतेकडून जमा होणाऱ्या पैशातून होत आहे. जनतेच्या पैशाचा विनियोग, उपयोग गावाच्या विकासासाठी झाला पाहिजे. हा आग्रह नेहमीच जनतेचा असतो. यासाठी ग्रामपंचायतीने प्रसंगी कठोर निर्णय घेणे आवश्यक आहे. त्याचबरोबर गावांना मुलभूत सुविधा देताना पारदर्शक कारभार अत्यावश्यक ठरतो. जनतेचा विश्वास संपादन करून ग्रामपंचायतीचा कारभार करणे आवश्यक आहे. त्याचबरोबर स्वच्छता हे प्रत्येक घरातील नागरिकांचे आद्यकर्तव्य आहे. याचा विसर पडता उपयोगाचा नाही. तर ग्रामपंचायतीने देखील स्वच्छतेबाबत जनजागृती निर्माण केली तर "स्वच्छता ज्याच्या घरी लक्ष्मी तेथे वास करी" असे नक्की होईल. मसुर ग्रामपंचायत सध्या कचऱ्यापासून खतनिर्मिती करण्याचा विचार करीत आहे. ही आशादायी बाब म्हणावी लागेल.कचरा निर्मिती हा सर्वांत पुढील गहन प्रश्न आहे. यावर उपाययोजना करून तो निकाली काढणे यासाठी महापालिका, नगरपालिका, नगरपंचायती बरोबर आता ग्रामपंचायती देखील प्रयत्न करीत आहेत.


मसूर ग्रामपंचायत नेहमीच गावाच्या विकासासाठी व प्रगतीसाठी महत्त्वपूर्ण निर्णय घेत असून या निर्णयामुळेच मसूर ग्रामपंचायतीचा जिल्ह्यात गौरव होत आहे. त्याचबरोबर स्थानिक पातळीवर राजकारण बाजूला ठेवून गावाच्या विकासासाठी सर्वजण एकत्र येऊन काम करतात हे अत्यंत महत्त्वाची बाब म्हणावी लागेल. कराड तालुक्यातील मसूर हे लोकसंख्येने मोठे असणारे गाव आहे. मसूर ग्रामपंचायतीमध्ये नेहमीच जगदाळे कुटुंबियांचे वर्चस्व राहिले आहे.मानसिंगराव जगदाळे, वसंतराव जगदाळे, नंदकुमार जगदाळे यांच्या नेतृत्वा भोवतीच मसूरचे राजकारण फिरत असते. "या किंवा त्या" गटाला मसूर ग्रामपंचायतीमध्ये काम करण्याला संधी मिळते. मात्र जो गट सत्तास्थानी येतो त्याला इतर राजकीय गट विकासासाठी सहकार्य करीत असतात. सरपंच पंकज दीक्षित, उपसरपंच विजयसिंह जगदाळे यांच्या नेतृत्वाखाली सुरू असलेले काम इतर ग्रामपंचायतींना दिशादर्शक आहे.स्वच्छतेबाबत ग्रामपंचायत स्तरावर देखील घनकचरा व ग्रामस्वच्छता अभियानाबाबत जनजागृती होत आहे. सातारा जिल्ह्यातील इतर ग्रामपंचायतीने देखील आता घनकचरा व ग्रामस्वच्छताबाबत दक्ष असले पाहिजे. यासाठी प्रशासकीय पातळीवरून देखील प्रोत्साहन दिले जात आहे.


Popular posts
सातारा जिल्ह्यात 21 रुग्णांची नोंद.... एकूण रुग्णांची संख्या 113
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
कराड वार्तापत्र - गोरख तावरे जनशक्ती आघाडीमध्ये बंड झाल्याने गटात गट निर्माण जानेवारी महिन्यातल्या पहिल्या आठवड्यात होणाऱ्या विविध समितींच्या सभापती निवडीच्या अनुषंगाने कराड नगरपालिका राजकारणात हालचालीस प्रारंभ झाला आहे. दरम्यान जनशक्ती आघाडीमध्ये उभी फूट पडली आहे. उपनगराध्यक्ष जयवंत पाटील यांनी आपल्या गटाला स्वतंत्र बसण्यासाठी वेगळी जागा सभागृहात द्यावी, अशी मागणी केल्याने जनशक्ती आघाडीत फूट पडली. कराड नगरपालिकेच्या राजकारणातील गटात गट निर्माण झाल्याची चर्चा संपूर्ण शहरभर सुरू आहे. दरम्यान ऐतिहासिक कराड नगरपालिका राजकारणातील आघाड्यांना फुटीचे ग्रहण लागले आहे. यापूर्वीही अनेक वेळेला नगरपालिकेमध्ये वेगवेगळ्या विचाराच्या निवडून आलेल्या आघाड्यांमध्ये बंड झाले, फूट पडली अशीच परिस्थिती सध्या निर्माण झाली आहे. स्वर्गीय पी. डी. पाटीलसाहेब कराड नगरपालिकेचे नगराध्यक्ष असताना 25 विरुद्ध 24 अशी सदस्य संख्या होती. दरम्यान एका सदस्याने बंड पुकारून विरोधात गेल्यामुळे सत्ताधारी गट अल्पमतात आला होता. दरम्यान मुरब्बी राजकारणी असणारे पी. डी. पाटील यांनी एका दिवसात हे बंड मोडून काढले. आपला गेलेला सदस्य पुन्हा आपल्या गटात घेऊन आले. नुकत्याच झालेल्या विधानसभा निवडणुकीच्या राजकारणामुळे कराड नगरपालिकेतील सत्ताधारी जनशक्ती आघाडीमध्ये फुट पडली असे बोलले जात आहे. नगरपालिका म्हटले की, गट-तट, आघाड्या, कुरबुडी, देणे घेणे असे सर्रास घडत असते. जनशक्ती आघाडी फुटली, नगरसेवक घेत असलेल्या वेगवेगळ्या भूमिकेमुळे फुटीचे राजकारण हा मुद्दा ऐरणीवर आला.कराड शहरासाठी विकास निधी राज्य शासनाकडून येतो. हा विकास निधी विविध कामावर खर्च करीत असताना कामाचा दर्जा बिलकुल नाही, ठेकेदार दर्जाहीन कामे करतात, हे अनेक कामे पाहिल्यानंतर स्पष्ट होत आहे. दर्जाहीन विकास कामे होत असल्याने नागरिकांची सातत्याने ओरड सुरू आहे. मात्र याकडे नगरसेवक अथवा प्रशासन गांभीर्याने पाहत नाही.यामुळे विद्यमान सत्ताधारी गटातील नगरसेवकांबद्दल नागरिकांच्या मनामध्ये तीव्र संताप निर्माण झाला आहे. मुख्य पदाधिकाऱ्यांसह सर्वच नगरसेवक कराड शहराच्या विकासाकडे लक्ष देणार का ? असा प्रश्न विचारला जात आहे. उपनगराध्यक्ष जयवंत पाटील यांनी गटात गट केलेला कायम राहणार का ? सभापतीच्या निवडीवेळी "तलवार म्यान" होणार का ? हे येणाऱ्या काही दिवसात स्पष्ट होईल. कारण जयवंत पाटील उपनगराध्यक्ष झाल्यापासून सत्ताधारी गटाचा सर्व कारभार जयवंत पाटील यांच्या नेतृत्वाखाली चालला आहे. दरम्यान जयवंत पाटील यांनीच बंड पुकारल्यामुळे जनशक्ती आघाडीचे काय होणार ? असा सवाल उपस्थित होत आहे. जनशक्ती आघाडीतील वाद चव्हाट्यावर आला आणि उपनगराध्यक्ष जयंवत पाटील यांनी सभागृहात वेगळी बसण्याची मागणी केली. कराड नगरपालिका राजकारणाची दिशाच बदलली आहे. उपनगराध्यक्ष जयवंत पाटील व माजी उपनगराध्यक्ष राजेंद्र यादव यांच्यामध्ये समेट घडावा यासाठी प्रयत्न केला जात आहे. विविध समितीच्या सभापतीची निवड करण्याचा अधिकार कोणाला ? आघाडीच्या अध्यक्षांना का नगरपालिकेतील गटनेत्याला ? याबाबत उलट सुलट चर्चा सुरू झाली आहे.दरम्यान विविध समितीच्या सभापती निवडीच्या अनुषंगाने आत्तापर्यंत राजेंद्र माने,महेश कांबळे, किरण पाटील यांना सभापती पदाची संधी मिळालेली नाही. यावेळेला सभापतीपदाची लॉटरी या तीन उमेद नगरसेवकांना लागेल का नाही ? हे अद्याप स्पष्ट झालेले नाही. नुकत्याच झालेल्या विधानसभा निवडणुकीमध्ये कराडच्या नगरसेवकांची भूमिका संभ्रमावस्थेत राहिली होती. कोणत्या उमेदवाराला पाठिंबा कुणाला द्यायचा ? प्रचार कोणाचा करायचा ? याबाबत मात्र कराड नगरपालिकेतील नगरसेवकांचे लवकर एकमत झाले नाही. कराडच्या नगरसेवकांनी आपली भूमिका लवकर स्पष्ट केली नाही. विधानसभा निवडणुकीतील नगरसेवकांच्या भूमिकेबाबत कराडमध्ये आजही चर्चा सुरू आहे.कराड नगरपालिकेला निवडून येणार्‍या नगरसेवकांची भूमिका कराड शहराच्या विकासाबाबत संवेदनशील हवी, मात्र सध्या ती दिसून येत नाही.  नगरपालिका निवडणुकीनंतर कराड नगरपालिकेमध्ये राजकीय तीन गट अस्तित्वात आले. यामध्ये लोकशाही आघाडी विरोधात बसली आहे. भाजपाचे काही नगरसेवक निवडून आले त्यांचा एक गट आहे. त्याचबरोबर सत्ताधारी म्हणून जनशक्ती आघाडी कारभार पाहत आहे. तर भाजपच्या नगराध्यक्षा स्वतंत्रपणे आपला कारभार करीत आहेत. उपनगराध्यक्ष जयवंत पाटील यांनी आपल्या पाच नगरसेवकांचा वेगळा गट निर्माण केला आहे. उपनगराध्यक्ष जयवंत पाटील यांचा गट म्हणजे गटात गट निर्माण झालेला आहे. जनशक्ती आघाडीच्या निवडून आलेल्या नगरसेवकांच्या बरोबर आता इथून पुढे आपला "घरोबा" असणार नाही असे सांगून त्यांनी कराड नगरपालिकेचा कारभार सुरू केला आहे. यशवंत विकास आघाडीचे राजेंद्रसिंह यादव यांना मांणणारे नगरसेवक आहेत. मात्र राजेंद्रसिंह यादव हे नगरपालिका राजकारणात, नगरपालिका कारभार चालवण्यासाठी जेवढा वेळ द्यायला हवा, तेवढा वेळ देत नाही, त्यामुळे नगरसेवकांनी अडचणी कोणासमोर मांडायच्या ? हा प्रश्नच आहे. अशी एकाकी पडलेले नगरसेवक आता एकत्रित सर्वांची मोट बांधण्याचा प्रयत्न करीत आहेत. याला किती प्रतिसाद मिळेल, हे आत्ताच सांगता येणार नाही. येणाऱ्या कालावधीमध्ये गटातला गट शिल्लक राहतो का ? जनशक्ती आघाडीच्या छत्रछायेखाली निवडून आलेले सर्व नगरसेवक एकत्र राहणार का ? हे काही कालावधीनंतर स्पष्ट होईल.  जानेवारी महिन्याच्या पहिल्या आठवड्यामध्ये विविध समितींच्या सभापतींची निवडणूक होणार आहे. यावेळी गटातला गट अथवा जनशक्ती आघाडीची काय रणनीती राहणार हे पहावे लागेल. कराडमधील राजकीय समीकरणांबाबत उत्सुकता निर्माण झाली आहे. दरम्यान, उपनगराध्यक्ष जयवंत पाटील यांनी आपल्यासोबत महेश कांबळे, कश्मिरा इंगवले, माया भोसले, अरुणा पाटील हे नगरेसवक असल्याचा दावा केला आहे. उपनगराध्यक्ष जयवंत पाटील हे भाजपचे डॉ. अतुल भोसले यांचे समर्थक आहेत. तर राजेंद्रसिंह यादव गट श्री. छ. उदयनराजे भोसले यांचे समर्थक आहेत. त्यामुळेच आता नगरपालिका राजकारणात काय होणार ? याबाबत उत्सुकता निर्माण झाली आहे. नगरपालिका निवडणुकीत आ. पृथ्वीराज चव्हाण यांच्या नेतृत्वाखालील यशवंत जनशक्ती लोकसेवा आघाडीचे 16 नगरसेवक विजयी झाले. तर या आघाडीला एका महिला नगरसेविकेने पाठिंबा दिला. दरम्यान निवडून आल्यानंतर प्रथम जनशक्ती आघाडीच्या नगरसेवकांनी पृथ्वीराज चव्हाण यांचा विश्वासघात केला आणि त्यांचे नेतृत्व झुगारून दिले. कराड नगरपालिकेत भाजपाचे पाच, लोकशाही आघाडीचे सहा तर बहुमतात असलेल्या जनशक्ती आघाडीसह आ. पृथ्वीराज चव्हाण यांचे नेतृत्व मानणारे कॉग्रेसचे शहराध्यक्ष राजेंद्र माने असे गट कार्यरत आहेत. उपनगराध्यक्ष जयवंत पाटील यांनी राजीनामा द्यावा, असे बहुमतात असलेल्या जनशक्ती आघाडीतील काही नगरसेवकांचे म्हणणे होते. दरम्यान उपनगराध्यक्ष पाच वर्ष माझ्याकडे राहील" या अटीवर "उपनगराध्यक्षपद घेतले असल्याचे जयंतराव पाटील सांगतात. यामुळे उपनगराध्यक्ष बदलाचा प्रश्नच येत नाही. यशवंत आघाडी राजेंद्रसिंह यादव यांची, जनशक्ती आघाडी अरुण जाधव यांची तर लोकसेवा आघाडी जयवंतराव पाटील यांची आघाडी आहे. या तिघे पृथ्वीराज चव्हाण यांच्या नेतृत्वाखाली एकत्र आले होते. जयवंत पाटील यांच्याकडे उपनगराध्यक्षपद असल्यामुळे नगरपालिकेत दररोज जयवंत पाटील दिसतात. अरुण जाधव नगरपालिकेकडे फिरकतही नाहीत. तर राजेंद्रसिंह यादव आपल्या कामाचा व्याप सांभाळून, जेवढा वेळ देता येईल तेवढाच वेळ देतात. यामुळे अनेक प्रश्न निर्माण झाले आहेत, ते कोण सोडवणार ? हा खरा प्रश्न निर्माण झाला आहे.
Image
वर्धन अग्रोने ऊस बिल त्वरित द्यावीत अन्यथा आंदोलन... सचिन नलवडे यांचा इशारा
Image
चहा नव्हे अमृततुल्य, कराडच्या युवकांचा अभिनव उपक्रम......शिवनेरी अमृततुल्य
Image