कोरोना अनुमानित तीन युवकांना रात्री उशीरा शासकीय रुग्णालयातील विलगीकरण कक्षात केले दाखल

कोरोना अनुमानित तीन युवकांना रात्री उशीरा शासकीय रुग्णालयातील विलगीकरण कक्षात केले दाखल


सातारा :  बहामा,  दक्षिण अमेरिका व्हाया सातारा येथे  आलेला 27 वर्षीय युवक व काही वेळ त्याच्या  सोबत असलेला त्याचा मित्र वय 24 वर्षे  त्या दोघांनाही  सर्दी व  खोकला असल्याने त्यांना दि. 21 मार्च रोजी  रात्री 11 वा. जिल्हा रुग्णालयातील विलगीकरण कक्षात दाखल करण्यात आले. तसेच कतार येथून प्रवास करुन आलेला 24 वर्षीय युवक त्याला घसा खवखवत असल्याने आरोग्य कर्मचाऱ्यांनी त्याला रात्री  1 वा. विलगीकरण कक्षात दाखल केले. यापूर्वी काल दुपारी 12 वा. चिली येथून आलेल्या 24 वर्षीय युवकास व रात्री 10 वा. दुबई येथून आलेल्या 29 वर्षीय युवकास  दाखल करण्यात आले आहे. असे एकूण काल अखेर रात्री उशिरा पर्यंत सातारा जिल्ह्यात एकूण पाच रुग्ण विलगीकरण कक्षात दाखल झाले आहे.


वरील पाचही रुग्णांच्या घशातील स्त्रावांचे नमुने पुण्यात एन.आय.व्ही. कडे पाठविण्यात आले असून त्यांना कोरोना अनुमानित लक्षणे असल्याने त्यांना सध्या विलगीकरण कक्षात ठेवण्यात आले आहे. प्राथमिक तपासणीनंतर त्यांची प्रकृती स्थिर आहे, अशी माहिती जिल्हा शल्यचिकीत्सक डॉ. आमोद गडीकर यांनी दिली आहे.


तथापी कोणीही घाबरून जावू नये, जिल्हा प्रशासन पूर्णपणे दक्ष आहे. हा संसर्ग रोखण्यासाठी नागरिकांनी जिल्हा प्रशासानाला मदत करावी तसेच वेळोवेळी प्रशासनाकडून काढण्यात आलेल्या आदेशाचे नागरिकांनी तंतोतंत पालन करावे, असे आवाहन जिल्हाधिकारी शेखर सिंह यांनी केले आहे. 


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
पुणे जिल्ह्यातील "लॉकडाऊन" यंत्रणांच्या समन्वयाचा उत्कृष्ट नमुना
गृहराज्यमंत्री शंभूराज देसाई शिवसेना पक्षवाढीसाठी आघाडीवर... शासनाच्या माध्यमातून पक्षसंघटनेला बळकटी देण्याचा प्रयत्न......मंत्रीपदाच्या ५० दिवसात दाखवून दिला उल्लेखनीय कार्याचा करिष्मा
Image
कोरोना ( कोव्हिड-19 ) संसर्गाची भिती कोणाला ? काय करायचे आणि काय करायचे नाही
Image
  "कृष्णा"मधून आजच्या 6 रुग्णांबरोबर 12 रुग्ण बरे झाले कोरोना संकटावर मात : आशादायक व सकारात्मक चित्र
Image