अथर्व देसाईला राज्य क्रीडा पुरस्कार....हिंदकेसरी दिनानाथ सिंह यांच्या हस्ते प्रदान


अथर्व देसाईला राज्य क्रीडा पुरस्कार....हिंदकेसरी दिनानाथ सिंह यांच्या हस्ते प्रदान


कराड - आणे (ता. कराड) येथील अथर्व सुहास देसाई या उदयोन्मुख खेळाडूला स्केटींग क्षेत्रातील चमकदार कामगिरीबद्दल मास्टर चंदगीराम राज्य क्रीडा पुरस्काराने सन्मानित करण्यात आले. कोल्हापूर येथे आयोजित राज्यस्तरीय क्रीडा अधिवेशनात हिंदकेसरी पैलवान दिनानाथ सिंह आणि आंतरराष्ट्रीय शरीरसौष्ठवपट्टू संग्राम चौगुले यांच्या हस्ते हा पुरस्कार प्रदान करण्यात आला.


संपूर्ण देशभर कार्यक्षेत्र असलेल्या क्रीडा विकास परिषदेच्यावतीने दरवर्षी क्रीडा अधिवेशनाचे आयोजन केले जाते. या अधिवेशनात विविध क्रीडा क्षेत्रात चमकदार कामगिरी करणार्‍या उदयोन्मुख खेळाडूंना रूस्तम-ए-हिंद, पद्मश्री पैलवान मास्टर चंदगीराम यांच्या नावे पुरस्कार प्रदान केला जातो. स्केटींग क्षेत्रात चमकदार कामगिरी केल्याबद्दल आणे (ता. कराड) येथील अथर्व सुहास देसाई याला या राज्य क्रीडा पुरस्काराने मान्यवरांच्या हस्ते गौरविण्यात आले.


कृष्णा चॅरिटेबल ट्रस्ट संचालित कृष्णा स्कूलच्या सी.बी.एस.ई. विभागात इयत्ता पाचवीत शिक्षण घेणार्‍या अर्थर्वने आत्तापर्यंत अनेक राज्य व राष्ट्रीय पातळीवरील स्केटींग स्पर्धेत घवघवीत यश संपादन केले आहे. कोल्हापूरातील जे. जे. रोलर स्केंटींग अकॅडमीचे प्रशिक्षक जयराम जाधव आणि योगेश स्केटींग अकॅडमीचे प्रशिक्षक योगेश लोंढे यांचे मार्गदर्शन मिळाले. या यशाबद्दल कृष्णा चॅरिटेबल ट्रस्टचे चेअरमन डॉ. सुरेश भोसले, कृष्णा सहकारी बँकेचे चेअरमन डॉ. अतुल भोसले, विनायक भोसले, मुख्याध्यापिका स्नेहल निकुंब यांनी त्याचे अभिनंदन केले आहे.


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
राज्य शासनामार्फत पत्रकारांसाठी गृह योजना राबवून घरे उपलब्ध करून द्यावीत : जेष्ठ पत्रकार आप्पासाहेब पाटील
Image
कर्तव्यदक्ष मुख्याधिकारी कोणाला नको आहेत ! मुख्याधिकारी यशवंत डांगे यांना हटविण्याचा प्रयत्न सुरू
Image
प्रदेश युवक काँग्रेसच्या उपाध्यक्षपदी शिवराज मोरे यांची निवड
Image
महात्मा जोतिराव फुले शेतकरी कर्जमुक्ती योजनेसाठी 1 हजार 306 कोटी निधी वितरीत करण्यास मान्यता..सहकार मंत्री बाळासाहेब पाटील यांची माहिती
Image