झोपडपट्टीधारकांना पक्की घरे देण्यात मलकापूर अव्वल


झोपडपट्टीधारकांना पक्की घरे देण्यात मलकापूर अव्वल


प्रत्येकाला हक्काचे व पक्के घर मिळायला हवे, यासाठी केंद्र शासनाने पंतप्रधान आवास योजना जाहीर केली असली तरी अद्यापपर्यंत अनेक निराधार घरासाठीच्या प्रतीक्षेत आहेत. प्रधानमंत्री आवास योजना राज्यभर सुरू असून 2022 पर्यंत सर्वांना घरे असा संकल्प करण्यात आला आहे. या योजनेंतर्गत मलकापूर नगरपरिषदेचे काम वेगाने सुरू आहे. मलकापूरात तब्बल वैयक्तिक 203 घरांचे प्रस्ताव मंजूर झाले असून 91 कामे चालू आहेत. तर झोपडपट्टी निर्मूलन अंतर्गत 576 घरे मंजूर झाली आहेत. कराड नगरपालिकेच्या हद्दीत असणार्‍या झोपडपट्ट्यांचे पुनर्वसन मलकापूर हद्दीमध्ये केले गेले होते. या झोपडपट्टीधारकांना कायमस्वरूपी घर उपलब्ध व्हावे, यासाठी मलकापूर नगरपरिषदेच्यावतीने सकारात्मक प्रयत्न केला जात आहे. यासाठी नगराध्यक्षा नीलम येडगे, उपनगराध्यक्ष मनोहर शिंदे, मुख्याधिकारी संजीवनी दळवी यांनी पुढाकार घेऊन प्रत्येक झोपडपट्टीधारकांना घर देण्यासाठी कसोटीचा प्रयत्न सुरू केला आहे.


दरम्यान, नगरपालिकेच्या हद्दीत घर बांधण्यासाठी इच्छुक असणार्‍या नागरिकांना या योजनेचा लाभ व्हावा. इच्छुकांनी त्याबाबतच्या कागदपत्रांची पूर्तता करावी यासाठी मलकापूर नगरपरिषदेच्यावतीने प्रयत्न केला जात आहे. घरकुल आवास योजनेतून झोपडपट्टी धारकाला घर देण्याचे योजनेची अंमलबजावणी करण्याच्या दृष्टीने प्रयत्न सुरू आहे. सध्या या कामाची निविदा प्रक्रिया सुरू असून लवकरच याचे काम सुरू होईल. यामुळे मलकापूरातील झोपडपट्टीवासियांच्या घरकुलांचा प्रश्न लवकरच मार्गी लागणार असून स्वत:चे पक्के घर मिळणार असल्याने झोपडपट्टी धारकांनामध्ये आनंदाचे वातावरण आहे. झोपडपट्टीमध्ये राहणारा समाज हा इतर मागास वर्ग असून त्यांचा आर्थिकस्तर उंचवावा व त्यांना कायमस्वरूपी पक्के घर मिळावे यासाठी मलकापूर नगरपरिषद प्रामाणिक प्रयत्न करीत असल्याचे दिसून येत आहे.


आगाशिवनगर (मलकापूर) येथे डोंगराच्या पायथ्याला साडेसहा हेक्टर क्षेत्रावर 1995 व 1997 या कालावधीत कराड शहरातील झोपडपट्टीधारकांचे पुनर्वसन करण्यात आले होते. या सर्व झोपडपट्टीवासियांना तत्कालीन मलकापूर ग्रामपंचायत, नगरपंचायत व आत्ता नगरपरिषदेकडून सर्व मूलभूत सेवा-सुविधा पुरविल्या जात आहेत. मलकापूरमध्ये आत्तापर्यंत घरकुलांचे 3 सविस्तर प्रकल्प प्रस्ताव मंजूर झाले आहेत. सातारा जिल्ह्यात सर्वाधिक मलकापूरमधील 203 वैयक्तिक घरांच्या कामांना मंजुरी मिळाली आहे. त्यापैकी 91 कामे चालू असून 69 लोकांना प्रत्येकी एक लाख रुपये मिळाले आहेत. तर 22 लोकांना चाळीस हजाराचा पहिला हप्ता मिळालेला आहे. झोपडपट्टीवासियांसाठी 576 घरे मंजूर झाली आहेत. 


प्रकल्प अहवालामध्ये सध्या उपलब्ध असणार्‍या झोपडपट्टीच्या जागेवर 24 सदनिका असणार्‍या 15 इमारती बांधण्यात येणार आहेत. त्यामध्ये कमी खर्चाची एकूण 216 घरे असणार आहेत. राज्यशासन व केंद्रशासन यांचेकडून मिळणारे अनुदान याचा विचार करता नगरपरिषदेने कमीत कमी खर्चामध्ये झोपडपट्टीवासियांना पक्की घरे देण्याबाबत नियोजन केले आहे. सदर प्रकल्पांतर्गत घटक क्र. 1 करीता 12.60 कोटी व घटक क्र.4 साठी 2.80 कोटी अशी एकूण 15.40 कोटीचे अनुदान घरकुल लाभार्थ्यांना उपलब्ध होणार आहे.


सातारा जिल्ह्यातील नगरपालिका, नगरपंचायती मधील सर्वात जास्त झोपडपट्ट्यांच्या पुनर्वसनाचे काम मलकापूर नगरपंचायतीच्यावतीने सुरू आहे. दरम्यान जिल्ह्यातील अनेक नगरपालिका, नगरपंचायती हद्दीतील झोपडपट्ट्यांचे प्रश्न रेंगाळत पडलेले आहेत. सातारा जिल्ह्यातील निवासाच्या दृष्टीने अत्यंत महत्त्वाचा असलेला झोपडपट्टीवासियांच्या घराचा प्रश्न सातत्याने चर्चेत असतो. आपल्या कार्यक्षेत्रात असणाऱ्या गोरगरीब जनतेच्या घराचा प्रश्‍न सोडवावा अशी राजकीय इच्छाशक्ती अनेक ठिकाणी दिसून येत नाही. मात्र, घरकुलांचा प्रश्न मार्गी लावण्यासाठी नगरपालिका, नगरपंचायतीमधील लोकप्रतिनिधी अधिकारी प्रयत्नशील असावे लागतात.ज्या नागरिकांना जागेची उपलब्धता आहे; परंतु आर्थिकदृष्ट्या घर बांधू शकत नाहीत, त्यांच्यासाठी ही योजना वरदायिनी आहे. 


महाराष्ट्र राज्याच्या गृहनिर्माण विभागाने प्रस्तावाला मान्यता देण्यासाठी हा प्रस्ताव मुख्य सचिव यांच्या समितीसमोर ठेवला. समितीने प्रस्तावाला मान्यता देऊन हा प्रस्ताव पुढील कार्यवाही व निधी उपलब्धतेसाठी केंद्र सरकारच्या गृहनिर्माण व शहरी व्यवहार मंत्रालयाकडे सादर केला होता. पृथ्वीराज चव्हाण यांनी केंद्र सरकारच्या गृहनिर्माण विभागाशी संपर्क साधून प्रस्तावाच्या मान्यतेसाठी शिफारस केली. त्यानुसार प्रस्तावाला मंजुरी मिळाली आहे. माजी मुख्यमंत्री आ. पृथ्वीराज चव्हाण यांच्या मार्गदर्शनाखाली प्रस्ताव तयार केला होता. हा प्रस्ताव राज्य शासनाकडे पाठविण्यात आल्यावर माजी मुख्यमंत्री आ. पृथ्वीराज चव्हाण यांनी शासन स्तरावर प्रस्ताव मंजुरीसाठी सकारात्मक प्रयत्न केला आहे.


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
सातारा जिल्ह्यात 21 रुग्णांची नोंद.... एकूण रुग्णांची संख्या 113
राज्य शासनामार्फत पत्रकारांसाठी गृह योजना राबवून घरे उपलब्ध करून द्यावीत : जेष्ठ पत्रकार आप्पासाहेब पाटील
Image
कराड वार्तापत्र - गोरख तावरे जनशक्ती आघाडीमध्ये बंड झाल्याने गटात गट निर्माण जानेवारी महिन्यातल्या पहिल्या आठवड्यात होणाऱ्या विविध समितींच्या सभापती निवडीच्या अनुषंगाने कराड नगरपालिका राजकारणात हालचालीस प्रारंभ झाला आहे. दरम्यान जनशक्ती आघाडीमध्ये उभी फूट पडली आहे. उपनगराध्यक्ष जयवंत पाटील यांनी आपल्या गटाला स्वतंत्र बसण्यासाठी वेगळी जागा सभागृहात द्यावी, अशी मागणी केल्याने जनशक्ती आघाडीत फूट पडली. कराड नगरपालिकेच्या राजकारणातील गटात गट निर्माण झाल्याची चर्चा संपूर्ण शहरभर सुरू आहे. दरम्यान ऐतिहासिक कराड नगरपालिका राजकारणातील आघाड्यांना फुटीचे ग्रहण लागले आहे. यापूर्वीही अनेक वेळेला नगरपालिकेमध्ये वेगवेगळ्या विचाराच्या निवडून आलेल्या आघाड्यांमध्ये बंड झाले, फूट पडली अशीच परिस्थिती सध्या निर्माण झाली आहे. स्वर्गीय पी. डी. पाटीलसाहेब कराड नगरपालिकेचे नगराध्यक्ष असताना 25 विरुद्ध 24 अशी सदस्य संख्या होती. दरम्यान एका सदस्याने बंड पुकारून विरोधात गेल्यामुळे सत्ताधारी गट अल्पमतात आला होता. दरम्यान मुरब्बी राजकारणी असणारे पी. डी. पाटील यांनी एका दिवसात हे बंड मोडून काढले. आपला गेलेला सदस्य पुन्हा आपल्या गटात घेऊन आले. नुकत्याच झालेल्या विधानसभा निवडणुकीच्या राजकारणामुळे कराड नगरपालिकेतील सत्ताधारी जनशक्ती आघाडीमध्ये फुट पडली असे बोलले जात आहे. नगरपालिका म्हटले की, गट-तट, आघाड्या, कुरबुडी, देणे घेणे असे सर्रास घडत असते. जनशक्ती आघाडी फुटली, नगरसेवक घेत असलेल्या वेगवेगळ्या भूमिकेमुळे फुटीचे राजकारण हा मुद्दा ऐरणीवर आला.कराड शहरासाठी विकास निधी राज्य शासनाकडून येतो. हा विकास निधी विविध कामावर खर्च करीत असताना कामाचा दर्जा बिलकुल नाही, ठेकेदार दर्जाहीन कामे करतात, हे अनेक कामे पाहिल्यानंतर स्पष्ट होत आहे. दर्जाहीन विकास कामे होत असल्याने नागरिकांची सातत्याने ओरड सुरू आहे. मात्र याकडे नगरसेवक अथवा प्रशासन गांभीर्याने पाहत नाही.यामुळे विद्यमान सत्ताधारी गटातील नगरसेवकांबद्दल नागरिकांच्या मनामध्ये तीव्र संताप निर्माण झाला आहे. मुख्य पदाधिकाऱ्यांसह सर्वच नगरसेवक कराड शहराच्या विकासाकडे लक्ष देणार का ? असा प्रश्न विचारला जात आहे. उपनगराध्यक्ष जयवंत पाटील यांनी गटात गट केलेला कायम राहणार का ? सभापतीच्या निवडीवेळी "तलवार म्यान" होणार का ? हे येणाऱ्या काही दिवसात स्पष्ट होईल. कारण जयवंत पाटील उपनगराध्यक्ष झाल्यापासून सत्ताधारी गटाचा सर्व कारभार जयवंत पाटील यांच्या नेतृत्वाखाली चालला आहे. दरम्यान जयवंत पाटील यांनीच बंड पुकारल्यामुळे जनशक्ती आघाडीचे काय होणार ? असा सवाल उपस्थित होत आहे. जनशक्ती आघाडीतील वाद चव्हाट्यावर आला आणि उपनगराध्यक्ष जयंवत पाटील यांनी सभागृहात वेगळी बसण्याची मागणी केली. कराड नगरपालिका राजकारणाची दिशाच बदलली आहे. उपनगराध्यक्ष जयवंत पाटील व माजी उपनगराध्यक्ष राजेंद्र यादव यांच्यामध्ये समेट घडावा यासाठी प्रयत्न केला जात आहे. विविध समितीच्या सभापतीची निवड करण्याचा अधिकार कोणाला ? आघाडीच्या अध्यक्षांना का नगरपालिकेतील गटनेत्याला ? याबाबत उलट सुलट चर्चा सुरू झाली आहे.दरम्यान विविध समितीच्या सभापती निवडीच्या अनुषंगाने आत्तापर्यंत राजेंद्र माने,महेश कांबळे, किरण पाटील यांना सभापती पदाची संधी मिळालेली नाही. यावेळेला सभापतीपदाची लॉटरी या तीन उमेद नगरसेवकांना लागेल का नाही ? हे अद्याप स्पष्ट झालेले नाही. नुकत्याच झालेल्या विधानसभा निवडणुकीमध्ये कराडच्या नगरसेवकांची भूमिका संभ्रमावस्थेत राहिली होती. कोणत्या उमेदवाराला पाठिंबा कुणाला द्यायचा ? प्रचार कोणाचा करायचा ? याबाबत मात्र कराड नगरपालिकेतील नगरसेवकांचे लवकर एकमत झाले नाही. कराडच्या नगरसेवकांनी आपली भूमिका लवकर स्पष्ट केली नाही. विधानसभा निवडणुकीतील नगरसेवकांच्या भूमिकेबाबत कराडमध्ये आजही चर्चा सुरू आहे.कराड नगरपालिकेला निवडून येणार्‍या नगरसेवकांची भूमिका कराड शहराच्या विकासाबाबत संवेदनशील हवी, मात्र सध्या ती दिसून येत नाही.  नगरपालिका निवडणुकीनंतर कराड नगरपालिकेमध्ये राजकीय तीन गट अस्तित्वात आले. यामध्ये लोकशाही आघाडी विरोधात बसली आहे. भाजपाचे काही नगरसेवक निवडून आले त्यांचा एक गट आहे. त्याचबरोबर सत्ताधारी म्हणून जनशक्ती आघाडी कारभार पाहत आहे. तर भाजपच्या नगराध्यक्षा स्वतंत्रपणे आपला कारभार करीत आहेत. उपनगराध्यक्ष जयवंत पाटील यांनी आपल्या पाच नगरसेवकांचा वेगळा गट निर्माण केला आहे. उपनगराध्यक्ष जयवंत पाटील यांचा गट म्हणजे गटात गट निर्माण झालेला आहे. जनशक्ती आघाडीच्या निवडून आलेल्या नगरसेवकांच्या बरोबर आता इथून पुढे आपला "घरोबा" असणार नाही असे सांगून त्यांनी कराड नगरपालिकेचा कारभार सुरू केला आहे. यशवंत विकास आघाडीचे राजेंद्रसिंह यादव यांना मांणणारे नगरसेवक आहेत. मात्र राजेंद्रसिंह यादव हे नगरपालिका राजकारणात, नगरपालिका कारभार चालवण्यासाठी जेवढा वेळ द्यायला हवा, तेवढा वेळ देत नाही, त्यामुळे नगरसेवकांनी अडचणी कोणासमोर मांडायच्या ? हा प्रश्नच आहे. अशी एकाकी पडलेले नगरसेवक आता एकत्रित सर्वांची मोट बांधण्याचा प्रयत्न करीत आहेत. याला किती प्रतिसाद मिळेल, हे आत्ताच सांगता येणार नाही. येणाऱ्या कालावधीमध्ये गटातला गट शिल्लक राहतो का ? जनशक्ती आघाडीच्या छत्रछायेखाली निवडून आलेले सर्व नगरसेवक एकत्र राहणार का ? हे काही कालावधीनंतर स्पष्ट होईल.  जानेवारी महिन्याच्या पहिल्या आठवड्यामध्ये विविध समितींच्या सभापतींची निवडणूक होणार आहे. यावेळी गटातला गट अथवा जनशक्ती आघाडीची काय रणनीती राहणार हे पहावे लागेल. कराडमधील राजकीय समीकरणांबाबत उत्सुकता निर्माण झाली आहे. दरम्यान, उपनगराध्यक्ष जयवंत पाटील यांनी आपल्यासोबत महेश कांबळे, कश्मिरा इंगवले, माया भोसले, अरुणा पाटील हे नगरेसवक असल्याचा दावा केला आहे. उपनगराध्यक्ष जयवंत पाटील हे भाजपचे डॉ. अतुल भोसले यांचे समर्थक आहेत. तर राजेंद्रसिंह यादव गट श्री. छ. उदयनराजे भोसले यांचे समर्थक आहेत. त्यामुळेच आता नगरपालिका राजकारणात काय होणार ? याबाबत उत्सुकता निर्माण झाली आहे. नगरपालिका निवडणुकीत आ. पृथ्वीराज चव्हाण यांच्या नेतृत्वाखालील यशवंत जनशक्ती लोकसेवा आघाडीचे 16 नगरसेवक विजयी झाले. तर या आघाडीला एका महिला नगरसेविकेने पाठिंबा दिला. दरम्यान निवडून आल्यानंतर प्रथम जनशक्ती आघाडीच्या नगरसेवकांनी पृथ्वीराज चव्हाण यांचा विश्वासघात केला आणि त्यांचे नेतृत्व झुगारून दिले. कराड नगरपालिकेत भाजपाचे पाच, लोकशाही आघाडीचे सहा तर बहुमतात असलेल्या जनशक्ती आघाडीसह आ. पृथ्वीराज चव्हाण यांचे नेतृत्व मानणारे कॉग्रेसचे शहराध्यक्ष राजेंद्र माने असे गट कार्यरत आहेत. उपनगराध्यक्ष जयवंत पाटील यांनी राजीनामा द्यावा, असे बहुमतात असलेल्या जनशक्ती आघाडीतील काही नगरसेवकांचे म्हणणे होते. दरम्यान उपनगराध्यक्ष पाच वर्ष माझ्याकडे राहील" या अटीवर "उपनगराध्यक्षपद घेतले असल्याचे जयंतराव पाटील सांगतात. यामुळे उपनगराध्यक्ष बदलाचा प्रश्नच येत नाही. यशवंत आघाडी राजेंद्रसिंह यादव यांची, जनशक्ती आघाडी अरुण जाधव यांची तर लोकसेवा आघाडी जयवंतराव पाटील यांची आघाडी आहे. या तिघे पृथ्वीराज चव्हाण यांच्या नेतृत्वाखाली एकत्र आले होते. जयवंत पाटील यांच्याकडे उपनगराध्यक्षपद असल्यामुळे नगरपालिकेत दररोज जयवंत पाटील दिसतात. अरुण जाधव नगरपालिकेकडे फिरकतही नाहीत. तर राजेंद्रसिंह यादव आपल्या कामाचा व्याप सांभाळून, जेवढा वेळ देता येईल तेवढाच वेळ देतात. यामुळे अनेक प्रश्न निर्माण झाले आहेत, ते कोण सोडवणार ? हा खरा प्रश्न निर्माण झाला आहे.
Image
वर्धन अग्रोने ऊस बिल त्वरित द्यावीत अन्यथा आंदोलन... सचिन नलवडे यांचा इशारा
Image