ऑनलाईन दिव्यांग प्रमाणपत्र नावनोंदणी जनजागृती मोहिम....दिव्यांगांना मिळणार सुविधायुक्त युनिक कार्ड दिव्यांग मार्गदर्शक संदिप घाडगे यांची माहिती


ऑनलाईन दिव्यांग प्रमाणपत्र नावनोंदणी जनजागृती मोहिम....दिव्यांगांना मिळणार सुविधायुक्त युनिक कार्ड
दिव्यांग मार्गदर्शक संदिप घाडगे यांची माहिती


दिव्यांगांना आता रंगीत युनिक कार्ड (ओळखपत्र) मिळणार आहे. केंद्र शासनाच्या वतीने दिव्यांगांना 'कार्ड एक-सुविधा अनेक' याअंतर्गत अनेक सुविधायुक्त "युनिक आयडी कार्ड" (ओळखपत्र) मिळणार आहे. हे कार्ड भारत देशात कोठेही चालणार असून सर्व सोयी-सवलतीसाठी त्याचा वापर होणार असल्याची माहिती दिव्यांग व्यक्ती मार्गदर्शक मा. संदिप घाडगे यांनी दिली.


दिव्यांगांना युनिक आयडी कार्ड मिळणार आहे. केंद्र शासनाच्या वतीने सुरू झालेल्या युनिक कार्ड , UDID , स्वावलंबन कार्ड , वैश्विक कार्ड ही तीन नावे दिली आहेत. या आयडी कार्डच्या सुविधेतून ही माहिती पुढे येणार आहे. दिव्यांगांना एस्.टी , रेल्वे , विमान , व इतर सर्व शासकीय योजनांचा फायदा "युनिक कार्ड" द्वारे नक्कीच मिळणार आहे. 'कार्ड एक - फायदे अनेक' हे रंगीत कार्ड आधार कार्ड प्रमाणे देशात एकच असणार आहे. आधार कार्ड युनिक कार्डशी "लिंक" असेल फोटो सह पूर्ण नाव , पूर्ण पत्ता , दिव्यांग प्रकार / टक्केवारी मोबाईल क्रमांकासह इतर माहिती कार्डवर असणार आहे. त्यामुळे हे कार्ड म्हणजे दिव्यांगांसाठी एक महत्वाचा " ऐवज" ठरणार आहे.


संदिप घाडगे म्हणाले, केंद्र शासनाचा हा उपक्रम अतिशय स्तुत्य आहे. आमच्याकडे युनिक कार्ड UDID साठी सवलतीमधे ऑनलाईन नावनोंदणी सुरू असून दिव्यांगांना युनिक फॉर्म अपलोड करण्यासाठी बराच वेळ वाया जात आहे. त्याप्रमाणे ऑनलाईन माहिती भरणाऱ्या केंद्राकडून मोठ्या प्रमाणात आर्थिक लूट होत होती. दिव्यांग मार्गदर्शक संदिप सर यांनी महाराष्ट्रातील दिव्यांगांना ही सुविधा सोप्या पध्दतीने व शारिरीक व आर्थिक त्रास वाचविण्यासाठी हा उपक्रम हाती घेतला आहे. 


आता दिव्यांगांना युनिक ओळखपत्रांसाठी अनेक कार्यालयांची उंबरठे झिजविण्याची गरज पडणार नाही. दिव्यांगांना वेगवेगळ्या योजनांसाठी वेगवेगळी कार्डाची आवश्यकता लागत होती. यामधे एस.टी पास , रेल्वे पास आदि ठिकाणी दिव्यांगांना वेगवेगळी ओळखपत्र दाखवण्याची गरज पडत होती. युनिक कार्ड हे दिव्यांगांचे 21 प्रकारांचे प्रमाण ही दर्शविणार आहे. ऑनलाईन युनिक आयडी कार्ड फॉर्म भरल्यानंतर केंद्र शासन यांच्या कामकाजानुसार आपणाला ओरिजनल युनिक कार्ड पोस्टाद्वारे घरपोच मिळेल. कोणत्याही शासकीय योजनेची घाई नसावी.. धीर धरा युनिक कार्ड नक्कीच मिळेल. यांची दिव्यांगांनी नोंद घ्यावी.


युनिक कार्डवर दिव्यांगांना संपूर्ण देशात कोठेही लाभ घेता येणार आहे. यामुळे भारत देशातील दिव्यांगांची संख्या त्याची टक्केवारी आदि माहिती यानिमित्ताने एकत्रितरित्या येणार आहे. यासाठी आजच दिव्यांगांनी नवीन ऑनलाईन दिव्यांग प्रमाणपत्र आणि दिव्यांग युनिक कार्ड साठी लागणारा वैयक्तीक युनिकआयडी माहिती फॉर्म सोबत ओरिजिनल ऑनलाईन दिव्यांग प्रमाणपत्र , आधार कार्ड , राशन कार्ड (शिधापत्रिका) , पासपोर्ट साईज फोटो , सही / अंगठा स्कँन करून जीपीजी मधे फोटो आदी माहिती दिव्यांग मार्गदर्शक मा. संदिप घाडगे मो. नं. 9604108633 यांच्याकडे वाटस्अँप नंबरवर पाठवावीत.. असे आवाहन दिव्यांग बांधवांना करण्यात आले आहे.


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
पोलंड येथे राहणाऱ्या आपल्या राज्यातील वनसगांवचे वैभव शिंदे यांनी लिहीलेली ही पोस्ट... मुद्दाम आपणा सर्वांसाठी वाचा आणि सगळ्यांना सांगा.... जीवन सुंदर आहे दक्षता घेऊ या...!
Image
हणबरवाडी - धनगरवाडी योजनेचा पहिला टप्पा मार्च - २०२१ पर्यंत कार्यान्वित होणार...किवळ व खोडजाईवाडीचा प्रस्ताव द्यावा
Image
ग्रामपंचायतीच्या मासिक सभांना अटींचे पालन केल्यास कलम 144 मधून सूट : जिल्हाधिकारी शेखर सिंह
Image
48 तासात बँकेत जमा झाली रक्कम.....शेतकऱ्यांना चैतन्य देणारी कर्जमुक्ती