आरती देशमुख यांनी पोलीस कर्मचाऱ्यांच्या कुटुंबियांशी साधला संवाद


आरती देशमुख यांनी पोलीस कर्मचाऱ्यांच्या कुटुंबियांशी साधला संवाद


मुंबई - गृहमंत्री अनिल देशमुख यांच्या पत्नी श्रीमती आरती देशमुख यांनी आज पोलीस कर्मचाऱ्यांच्या पत्नी तसेच महिला पोलिसांशी संवाद साधून आस्थेने विचारपूस केली. साक्षात गृहमंत्र्यांच्या पत्नीच विचारपूस करत आहेत या आश्चर्याच्या धक्क्यातून सावरत या महिलांनी भरभरुन बोलत श्रीमती देशमुख यांचे आभार मानले.


 वरळी येथील आयपीएस भोजनालयात (मेस) हा हृदय संवादाचा कार्यक्रम पार पडला. यावेळी पोलीस उपायुक्त श्रीमती सुनीता ठाकरे यांच्यासह वरिष्ठ पोलीस अधिकारी उपस्थित होते.


नागरिकांच्या सुरक्षिततेसाठी अखंड कार्यरत राहणारे पोलीस दल राज्याचा अभिमान आहे, असे सांगून श्रीमती देशमुख म्हणाल्या, पोलीस दलातील महिला अधिकारी- कर्मचारी तसेच पुरुष पोलीस त्यांच्या कुटुंबियांच्याही काही समस्या असू शकतात त्या जाणून घेणे महत्त्वाचे वाटले. त्यामुळे पोलीस अधिकाऱ्यांना सांगून पोलिसांच्या पत्नींना तसेच महिला पोलिसांना एकत्र बोलावून त्यांच्याशी संवाद साधण्याचे ठरविले.


यावेळी उपस्थित पोलीस पत्नींनी पोलीस वसाहतीतील निवासस्थानांच्या समस्यांसह विविध समस्या त्यांच्याकडे मांडल्या. त्या गृहमंत्र्यांकडे निश्चितपणे पोहोचवेन, असे आश्वासन श्रीमती देशमुख यांनी त्यांना दिले.


 


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
पोलंड येथे राहणाऱ्या आपल्या राज्यातील वनसगांवचे वैभव शिंदे यांनी लिहीलेली ही पोस्ट... मुद्दाम आपणा सर्वांसाठी वाचा आणि सगळ्यांना सांगा.... जीवन सुंदर आहे दक्षता घेऊ या...!
Image
हणबरवाडी - धनगरवाडी योजनेचा पहिला टप्पा मार्च - २०२१ पर्यंत कार्यान्वित होणार...किवळ व खोडजाईवाडीचा प्रस्ताव द्यावा
Image
ग्रामपंचायतीच्या मासिक सभांना अटींचे पालन केल्यास कलम 144 मधून सूट : जिल्हाधिकारी शेखर सिंह
Image
48 तासात बँकेत जमा झाली रक्कम.....शेतकऱ्यांना चैतन्य देणारी कर्जमुक्ती