समाज असा कसा बिघडतो .....साधुसंतांचा जीव घेतो....


समाज असा कसा बिघडतो .....साधुसंतांचा जीव घेतो....


समूहाने राहणाऱ्या समाजामध्ये माणसात माणुसकी राहिली की नाही ? असा प्रश्न आता निर्माण झाला आहे. 70 वर्षीय वयोवृद्ध साधूला काठ्या व दगडानी ठेचून मारणे हे कोणत्या माणुसकीचे दर्शन घडवले ? ज्यावेळेला समाज असे कृत्य करतो. त्यावेळेला तो नक्कीच माणसाच्या समूहांमध्ये मोडला जात नाही. तर नक्कीच तो राक्षसगणातील अथवा हिंस्त्र प्राणी जमातीतील मनोवृत्तीचा असावा हे मात्र निश्चित. संपूर्ण आयुष्य आपले साधू म्हणून व्यतीत करणाऱ्या 70 वर्षीय साधूला निर्घॄणपणे मारणे, त्यांची हत्या करणे,त्यांच्याबरोबर असणाऱ्या एका 40 वर्षीय साधू व गाडीच्या ड्रायव्हरला ही तितक्याच क्रॄरपणे मारणे, त्यांची जीवनयात्रा संपवणे. हा गुन्हा भिषण आहे. लोकशाहीमध्ये असणाऱ्या कायद्यानुसार त्यांना शिक्षा होईल. ही अपेक्षा आहे. दरम्यान साधूंना ज्या पद्धतीने मारले गेले त्याच पद्धतीने त्या समूहाला शिक्षा द्यावी का ? असा समाजामध्ये तीव्र संताप व्यक्त केला जात आहे.


पालघरमधील एका गावाच्या वेशीत ही घटना घडली आहे.घटनेचे दृश्य पाहिल्यानंतर कोणत्याही माणसाचे हृदय पिळवटल्याशिवाय राहणार नाही. कारण माणसांचा समूह जनावरांनाही इतक्या क्रॄरपणे मारत नाही. अथवा त्याला देहदंड देत नाही. क्रॄरपणे दोन साधू, एका ड्रायव्हरला मारण्याचे कृत्य झाले आहे. वास्तविक पाहता या घटनेची चौकशी होईल आणि या घटने मागील खरेसत्य समोर येईल. मानवतेला तर काळींबा आहेच. माणुसकी संपली की काय ? असा प्रश्न निर्माण होत आहे. महाराष्ट्र साधू संतांची भूमी असणारा प्रदेश आहे. अशा साधुसंतांच्या भूमीमध्ये साधूंची हत्या होणे, तीही अतिशय क्रॄरपणे हे महाराष्ट्राच्या संस्कृतीला न शोभणारे कृत्य आहे. मुळातच "साधूंची हत्या" ही घटना मूल्यता चुकीचे आहेत.


घटनास्थळी पोलिस उपस्थित होते. पोलिसांच्या डोळ्यादेखत हा सर्व प्रकार घडला आहे. पोलिसांनी या दोन साधूंचा जीव वाचवणे अपेक्षित होते. मात्र त्यांनी तसे केले नाही. सरद घटनेचा व्हिडिओ पाहिल्यानंतर एक गोष्ट प्रकर्षाने लक्षात येते की, सत्तर वर्षाचा साधू दीनवाणीपणे पोलिसाच्या आडोशाला दडून जीव वाचवण्याचा प्रयत्न करत असताना पोलीस त्या साधूंचे कोणतेही रक्षण करीत नाही. तर समूहाच्या स्वाधीन साधूला करीत असल्याच्या व्हिडिओ पाहता निदर्शनास येत आहे. मुख्यमंत्री उद्धव ठाकरे यांनी सदर पोलिसांना निलंबित केले आहे. त्यांच्यावर कारवाई करण्यात येत आहे. सदर घटनेची चौकशी करण्याची हमी दिली आहे. पालघरमधील त्या परिसरामध्ये काही दिवसापासून किडनी चोरी करण्यासाठी टोळी कार्यरत असल्याच्या गैरसमजातून साधूंची हत्या झाली असल्याचे सांगितले जात आहे. गैरसमज होता तर साधूशी बोलून त्यांची बाजू समजून घेता आली असती. खरेच हे किडनी चोरी प्रकरणातील कोण संशयित आहेत का ? याची खातरजमा करण्याला संधी होती. असे याठिकाणी काहीही झालेले नाही हे प्रथम दर्शन दिसून येत आहे.


वास्तविक पाहता पोलिसांनी बजावलेली भूमिका मुळात संशयास्पद आहे. पोलिसांनी या दोन साधुसंतासह ड्रायव्हरला वाचवणे अपेक्षित होते. यांसाठी पोलिसांनी काही प्रयत्न केला नाही. कितीही मोठा समूह असला अथवा तो संतप्त झालेला असला तरी पोलिसांच्या पुढे तो टिकाव धरू शकत नाही. हे आत्तापर्यंतच्या अनेक घटनांवरून स्पष्ट झालेले आहे. मग साधूंच्या हत्या होताना "हे" पोलीस का बघ्याची भूमिका घेत होते ? याची कसून चौकशी झाली पाहिजे. जनतेचे रक्षण करणे हे मुळात पोलिसांची जबाबदारी आहे. ही जबाबदारी असणाऱ्या कर्तव्यात कसूर पोलिसांनी केल्यामुळे त्यांना कठोरात कठोर शिक्षा झालीच पाहिजे. त्याचबरोबर जितक्या लोकांचा समूह होता, त्यातील एकालाही यातून सुटका मिळता उपयोगाची नाही. अथवा त्याला सूट देता उपयोगाचे नाही. जर का ते दोनशे अथवा दोनशेपेक्षा अधिक असतील तर सरसकट सर्वांना या कुकर्माची व साधुसंतांच्या हत्येया घटनेतील आरोपी म्हणून गजाआड करून शिक्षा झाली पाहिजे. 


साधूंची झालेल्या हत्येबाबत समाजमन संतप्त आहे. "कोरोना" सारखा व्हायरससोबत देशभर लढा सुरू असताना सध्या लोकशाही मार्गातील कुठलाही मार्ग साधूंच्या आखाडयांनी अवलंबविला नाही. साधूंच्या आखाड्यातील अनेक साधू या घटनेमुळे संतप्त आहेतच. मानवता कोणत्या थराला गेली हे पाहून सुन्न झाले आहे. दोन साधुंचा अंत झाला आहे. राहिले ते साधुंचा अंत करणारे आरोपी. "साधूंसंत येती घरा तोची दिवाळी दसरा" म्हणण्याची थोर परंपरा आपली आहे. आता समाजानेच साधूंची हत्या केल्यानंतर काय म्हणायचे ? 


 


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
सातारा जिल्ह्यात 21 रुग्णांची नोंद.... एकूण रुग्णांची संख्या 113
राज्य शासनामार्फत पत्रकारांसाठी गृह योजना राबवून घरे उपलब्ध करून द्यावीत : जेष्ठ पत्रकार आप्पासाहेब पाटील
Image
कराड वार्तापत्र - गोरख तावरे जनशक्ती आघाडीमध्ये बंड झाल्याने गटात गट निर्माण जानेवारी महिन्यातल्या पहिल्या आठवड्यात होणाऱ्या विविध समितींच्या सभापती निवडीच्या अनुषंगाने कराड नगरपालिका राजकारणात हालचालीस प्रारंभ झाला आहे. दरम्यान जनशक्ती आघाडीमध्ये उभी फूट पडली आहे. उपनगराध्यक्ष जयवंत पाटील यांनी आपल्या गटाला स्वतंत्र बसण्यासाठी वेगळी जागा सभागृहात द्यावी, अशी मागणी केल्याने जनशक्ती आघाडीत फूट पडली. कराड नगरपालिकेच्या राजकारणातील गटात गट निर्माण झाल्याची चर्चा संपूर्ण शहरभर सुरू आहे. दरम्यान ऐतिहासिक कराड नगरपालिका राजकारणातील आघाड्यांना फुटीचे ग्रहण लागले आहे. यापूर्वीही अनेक वेळेला नगरपालिकेमध्ये वेगवेगळ्या विचाराच्या निवडून आलेल्या आघाड्यांमध्ये बंड झाले, फूट पडली अशीच परिस्थिती सध्या निर्माण झाली आहे. स्वर्गीय पी. डी. पाटीलसाहेब कराड नगरपालिकेचे नगराध्यक्ष असताना 25 विरुद्ध 24 अशी सदस्य संख्या होती. दरम्यान एका सदस्याने बंड पुकारून विरोधात गेल्यामुळे सत्ताधारी गट अल्पमतात आला होता. दरम्यान मुरब्बी राजकारणी असणारे पी. डी. पाटील यांनी एका दिवसात हे बंड मोडून काढले. आपला गेलेला सदस्य पुन्हा आपल्या गटात घेऊन आले. नुकत्याच झालेल्या विधानसभा निवडणुकीच्या राजकारणामुळे कराड नगरपालिकेतील सत्ताधारी जनशक्ती आघाडीमध्ये फुट पडली असे बोलले जात आहे. नगरपालिका म्हटले की, गट-तट, आघाड्या, कुरबुडी, देणे घेणे असे सर्रास घडत असते. जनशक्ती आघाडी फुटली, नगरसेवक घेत असलेल्या वेगवेगळ्या भूमिकेमुळे फुटीचे राजकारण हा मुद्दा ऐरणीवर आला.कराड शहरासाठी विकास निधी राज्य शासनाकडून येतो. हा विकास निधी विविध कामावर खर्च करीत असताना कामाचा दर्जा बिलकुल नाही, ठेकेदार दर्जाहीन कामे करतात, हे अनेक कामे पाहिल्यानंतर स्पष्ट होत आहे. दर्जाहीन विकास कामे होत असल्याने नागरिकांची सातत्याने ओरड सुरू आहे. मात्र याकडे नगरसेवक अथवा प्रशासन गांभीर्याने पाहत नाही.यामुळे विद्यमान सत्ताधारी गटातील नगरसेवकांबद्दल नागरिकांच्या मनामध्ये तीव्र संताप निर्माण झाला आहे. मुख्य पदाधिकाऱ्यांसह सर्वच नगरसेवक कराड शहराच्या विकासाकडे लक्ष देणार का ? असा प्रश्न विचारला जात आहे. उपनगराध्यक्ष जयवंत पाटील यांनी गटात गट केलेला कायम राहणार का ? सभापतीच्या निवडीवेळी "तलवार म्यान" होणार का ? हे येणाऱ्या काही दिवसात स्पष्ट होईल. कारण जयवंत पाटील उपनगराध्यक्ष झाल्यापासून सत्ताधारी गटाचा सर्व कारभार जयवंत पाटील यांच्या नेतृत्वाखाली चालला आहे. दरम्यान जयवंत पाटील यांनीच बंड पुकारल्यामुळे जनशक्ती आघाडीचे काय होणार ? असा सवाल उपस्थित होत आहे. जनशक्ती आघाडीतील वाद चव्हाट्यावर आला आणि उपनगराध्यक्ष जयंवत पाटील यांनी सभागृहात वेगळी बसण्याची मागणी केली. कराड नगरपालिका राजकारणाची दिशाच बदलली आहे. उपनगराध्यक्ष जयवंत पाटील व माजी उपनगराध्यक्ष राजेंद्र यादव यांच्यामध्ये समेट घडावा यासाठी प्रयत्न केला जात आहे. विविध समितीच्या सभापतीची निवड करण्याचा अधिकार कोणाला ? आघाडीच्या अध्यक्षांना का नगरपालिकेतील गटनेत्याला ? याबाबत उलट सुलट चर्चा सुरू झाली आहे.दरम्यान विविध समितीच्या सभापती निवडीच्या अनुषंगाने आत्तापर्यंत राजेंद्र माने,महेश कांबळे, किरण पाटील यांना सभापती पदाची संधी मिळालेली नाही. यावेळेला सभापतीपदाची लॉटरी या तीन उमेद नगरसेवकांना लागेल का नाही ? हे अद्याप स्पष्ट झालेले नाही. नुकत्याच झालेल्या विधानसभा निवडणुकीमध्ये कराडच्या नगरसेवकांची भूमिका संभ्रमावस्थेत राहिली होती. कोणत्या उमेदवाराला पाठिंबा कुणाला द्यायचा ? प्रचार कोणाचा करायचा ? याबाबत मात्र कराड नगरपालिकेतील नगरसेवकांचे लवकर एकमत झाले नाही. कराडच्या नगरसेवकांनी आपली भूमिका लवकर स्पष्ट केली नाही. विधानसभा निवडणुकीतील नगरसेवकांच्या भूमिकेबाबत कराडमध्ये आजही चर्चा सुरू आहे.कराड नगरपालिकेला निवडून येणार्‍या नगरसेवकांची भूमिका कराड शहराच्या विकासाबाबत संवेदनशील हवी, मात्र सध्या ती दिसून येत नाही.  नगरपालिका निवडणुकीनंतर कराड नगरपालिकेमध्ये राजकीय तीन गट अस्तित्वात आले. यामध्ये लोकशाही आघाडी विरोधात बसली आहे. भाजपाचे काही नगरसेवक निवडून आले त्यांचा एक गट आहे. त्याचबरोबर सत्ताधारी म्हणून जनशक्ती आघाडी कारभार पाहत आहे. तर भाजपच्या नगराध्यक्षा स्वतंत्रपणे आपला कारभार करीत आहेत. उपनगराध्यक्ष जयवंत पाटील यांनी आपल्या पाच नगरसेवकांचा वेगळा गट निर्माण केला आहे. उपनगराध्यक्ष जयवंत पाटील यांचा गट म्हणजे गटात गट निर्माण झालेला आहे. जनशक्ती आघाडीच्या निवडून आलेल्या नगरसेवकांच्या बरोबर आता इथून पुढे आपला "घरोबा" असणार नाही असे सांगून त्यांनी कराड नगरपालिकेचा कारभार सुरू केला आहे. यशवंत विकास आघाडीचे राजेंद्रसिंह यादव यांना मांणणारे नगरसेवक आहेत. मात्र राजेंद्रसिंह यादव हे नगरपालिका राजकारणात, नगरपालिका कारभार चालवण्यासाठी जेवढा वेळ द्यायला हवा, तेवढा वेळ देत नाही, त्यामुळे नगरसेवकांनी अडचणी कोणासमोर मांडायच्या ? हा प्रश्नच आहे. अशी एकाकी पडलेले नगरसेवक आता एकत्रित सर्वांची मोट बांधण्याचा प्रयत्न करीत आहेत. याला किती प्रतिसाद मिळेल, हे आत्ताच सांगता येणार नाही. येणाऱ्या कालावधीमध्ये गटातला गट शिल्लक राहतो का ? जनशक्ती आघाडीच्या छत्रछायेखाली निवडून आलेले सर्व नगरसेवक एकत्र राहणार का ? हे काही कालावधीनंतर स्पष्ट होईल.  जानेवारी महिन्याच्या पहिल्या आठवड्यामध्ये विविध समितींच्या सभापतींची निवडणूक होणार आहे. यावेळी गटातला गट अथवा जनशक्ती आघाडीची काय रणनीती राहणार हे पहावे लागेल. कराडमधील राजकीय समीकरणांबाबत उत्सुकता निर्माण झाली आहे. दरम्यान, उपनगराध्यक्ष जयवंत पाटील यांनी आपल्यासोबत महेश कांबळे, कश्मिरा इंगवले, माया भोसले, अरुणा पाटील हे नगरेसवक असल्याचा दावा केला आहे. उपनगराध्यक्ष जयवंत पाटील हे भाजपचे डॉ. अतुल भोसले यांचे समर्थक आहेत. तर राजेंद्रसिंह यादव गट श्री. छ. उदयनराजे भोसले यांचे समर्थक आहेत. त्यामुळेच आता नगरपालिका राजकारणात काय होणार ? याबाबत उत्सुकता निर्माण झाली आहे. नगरपालिका निवडणुकीत आ. पृथ्वीराज चव्हाण यांच्या नेतृत्वाखालील यशवंत जनशक्ती लोकसेवा आघाडीचे 16 नगरसेवक विजयी झाले. तर या आघाडीला एका महिला नगरसेविकेने पाठिंबा दिला. दरम्यान निवडून आल्यानंतर प्रथम जनशक्ती आघाडीच्या नगरसेवकांनी पृथ्वीराज चव्हाण यांचा विश्वासघात केला आणि त्यांचे नेतृत्व झुगारून दिले. कराड नगरपालिकेत भाजपाचे पाच, लोकशाही आघाडीचे सहा तर बहुमतात असलेल्या जनशक्ती आघाडीसह आ. पृथ्वीराज चव्हाण यांचे नेतृत्व मानणारे कॉग्रेसचे शहराध्यक्ष राजेंद्र माने असे गट कार्यरत आहेत. उपनगराध्यक्ष जयवंत पाटील यांनी राजीनामा द्यावा, असे बहुमतात असलेल्या जनशक्ती आघाडीतील काही नगरसेवकांचे म्हणणे होते. दरम्यान उपनगराध्यक्ष पाच वर्ष माझ्याकडे राहील" या अटीवर "उपनगराध्यक्षपद घेतले असल्याचे जयंतराव पाटील सांगतात. यामुळे उपनगराध्यक्ष बदलाचा प्रश्नच येत नाही. यशवंत आघाडी राजेंद्रसिंह यादव यांची, जनशक्ती आघाडी अरुण जाधव यांची तर लोकसेवा आघाडी जयवंतराव पाटील यांची आघाडी आहे. या तिघे पृथ्वीराज चव्हाण यांच्या नेतृत्वाखाली एकत्र आले होते. जयवंत पाटील यांच्याकडे उपनगराध्यक्षपद असल्यामुळे नगरपालिकेत दररोज जयवंत पाटील दिसतात. अरुण जाधव नगरपालिकेकडे फिरकतही नाहीत. तर राजेंद्रसिंह यादव आपल्या कामाचा व्याप सांभाळून, जेवढा वेळ देता येईल तेवढाच वेळ देतात. यामुळे अनेक प्रश्न निर्माण झाले आहेत, ते कोण सोडवणार ? हा खरा प्रश्न निर्माण झाला आहे.
Image
वर्धन अग्रोने ऊस बिल त्वरित द्यावीत अन्यथा आंदोलन... सचिन नलवडे यांचा इशारा
Image