सत्यजितसिंह पाटणकर यांनी घेतली कोरोना आव्हान तयारीची माहिती


सत्यजितसिंह पाटणकर यांनी घेतली कोरोना आव्हान तयारीची माहिती


पाटण -  कोरोना व्हायरसच्या गंभीर संकटाला तोंड देण्याच्या दृष्टीने प्रशासनाने पाटण तालुक्यात केलेल्या  उपाययोजनांची राष्ट्रवादीचे नेते सत्यजितसिंह पाटणकर यांनी माहिती घेतली. यावेळी त्यांच्या सोबत गटविकास अधिकारी सौ. मिना साळुंखे व उपविभागीय पोलिस अधिकारी अशोक थोरात हे उपस्थित होते.


रोगराई पसरू नये यासाठी पुरेशी स्वच्छता ठेवावी, मुंबई-पुणे येथून गावी आलेल्या लोकांची आरोग्य तपासणी करावी, कोरानाच्या पार्श्वभूमीवर आरोग्य केंद्रांमध्ये पुरेशा प्रमाणात औषधांची व्यवस्था करावी तसेच लॉकडॉऊनमुळे कोणीही गरीब उपाशी राहणार नाही याची विशेषत्वाने काळजी घ्यावी, असे पाटणकर यांनी यावेळी सांगितले. या कामी शासनास सहकार्य करणाऱ्या विविध अशासकीय तसेच सामाजिक संस्थाशीदेखील समन्वय राखावा असेही त्यांनी सांगितले.


कामगारांना, विशेषतः रोजंदारीवर पोट भरणाऱ्या मजुर कुटुंबांना तातडीने आर्थिक मदत द्यावी जेणेकरून त्यांच्या कुटुंबांची उपासमार होणार नाही असे पाटणकर यांनी यावेळी सांगितले. पाटण तालुक्यातील आरोग्य सेवक, पोलीस तसेच स्वच्छता कर्मचारी यांच्या आरोग्य सुरक्षिततेचीदेखील प्रशासनाने पुरेशी खबरदारी घ्यावी तसेच या कर्मचाऱ्यांना लवकरात लवकर वैयक्तिक सुरक्षा कीट शासानाकडून उपलब्ध करून देण्यात यावीत असेही यावेळी ते म्हणाले. पाटण तालुक्यात कोरोना रुग्णांच्या उपचारासाठी केलेली व्यवस्था, रुग्ण तपासणीची क्षमता, विलगीकरणाची सुविधा, व्यक्तिगत सुरक्षेसाठी आवश्यक किट्सची उपलब्धता याबाबत पाटणकर यांनी माहिती करून घेतली.


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
पुणे जिल्ह्यातील परप्रांतीय मजुरांना वनराईतर्फे शिधावाटप
Image
डॉ. अतुल भोसले यांचा विरोधकांना सवाल...इतरांच्या नावावर बोगस कर्ज का घेतले ? त्यांना तुरूंगात का जावे लागले ? या प्रश्‍नांची उत्तरे हिंमत असेल तर द्यावीत 
Image
सातारा - पुणे महामार्गावरील खड्डे 15 मार्चपर्यंत बुजवावेत.....पालकमंत्र्यांनी घेतला जिल्ह्यातील रस्ते कामांचा आढावा
Image
  स्व. वेणूताई चव्हाण उपजिल्हा रुग्णालय नॉन कोविड जाहीर करावे,... डॉ. प्रकाश शिंदे यांच्या हलगर्जीपणामुळे कराडला गंभीर धोका निर्माण झाला... "कोरोना"च्या पार्श्वभूमीवर रस्त्यावर उतरून आंदोलन करण्याचा इशारा
Image