स्व. वेणूताई चव्हाण उपजिल्हा रुग्णालय नॉन कोविड जाहीर करावे,... डॉ. प्रकाश शिंदे यांच्या हलगर्जीपणामुळे कराडला गंभीर धोका निर्माण झाला... "कोरोना"च्या पार्श्वभूमीवर रस्त्यावर उतरून आंदोलन करण्याचा इशारा


स्व. वेणूताई चव्हाण उपजिल्हा रुग्णालय नॉन कोविड जाहीर करावे,... डॉ. प्रकाश शिंदे यांच्या हलगर्जीपणामुळे कराडला गंभीर धोका निर्माण झाला... "कोरोना"च्या पार्श्वभूमीवर रस्त्यावर उतरून आंदोलन करण्याचा इशारा


कराड : कराड येथील स्व. वेणूताई चव्हाण उपजिल्हा रुग्णालय नॉन कोविड रुग्णालय म्हणून जाहीर करावे. यासाठी जिल्हाधिकारी यांना कराड नगरपालिकेच्या नगरसेवकांनी निवेदन दिले आहे. दरम्यान संदर्भातील परिपत्रक ३० एप्रिल २०२० चे आरोग्य सेवा संचालनालयाचे पत्राचा संदर्भ देण्यात आला आहे. सदर रुग्णालय नॉन कोविड म्हणून घोषित करावे व त्याची कोविड रुग्णालय‌ म्हणून असलेली मान्यता रद्द करावी अन्यथा ११ मे पासून कराडकरांना कोरोनाग्रस्त परिस्थिती असूनही ररत्यावर उतरून जनअंदोलन करावे लागेल असा इशारा निवेदनाद्वारे देण्यात आला आहे.


कराड येथील शासकीय विश्रामगृह येथे जिल्हाधिकारी शेखर सिंह यांची जनशक्ती विकास आघाडीचे गटनेते राजेंद्रसिंह यादव, नियोजन समितीचे सभापती विजय वाटेगावकर, महिला व बालकल्याण समितीच्या सभापती स्मिता हुलवान, नगरसेवक गजेंद्र कांबळे, निशांत ढेकळे यांनी भेट देऊन निवेदन दिले.


सातारा जिल्ह्यातील कराड ही आधुनिक महाराष्ट्राचे शिल्पकार स्व. यशवंतराव चव्हाण यांची कर्मभूमी आहे. या कराड नगरीची लोकसंख्या सुमारे १ लाख इतकी आहे. या गावात स्व. वेणूताई चव्हाण उपजिल्हा रुग्णालय आहे ( पूर्वा श्रमीचे काटेज हॉस्पिटल ). सध्या संपूर्ण देश आणि महाराष्ट्र राज्य कोरोना हा भीषण विषाणू निर्माण झालेल्या महामारीशी निकराने झुंज देत आहे. या विषाणूने बाधित झालेल्या रुग्णांना दाखल करायच्या हॉस्पिटलसाठी शासनाने काही निकष निर्देशित केले आहेत. या निकषाचे पालन कोविड रुग्णालयांनी कसोशिने पालन करण्याची आवश्यकता आहे. सुरुवातीस कोरोनाने बाधित झालेल्या सांगली जिल्ह्यातील मिरज येथे ना. जयंत पाटील साहेब यांच्या मागदर्शनाखाली अशा रुग्णालयाची निर्मिती तातडीने केली गेली व यासाठी मुंबईहून तज्ञ डॉक्टरांची समितीही आली व त्यांच्या मार्गदर्शनाखाली रुग्णालयाची उभारणी झाली आणि तेथे यशस्वीपणे कोरोना
ग्रस्तांवर उपचार झाले. 


सांगली शेजारी असलेल्या सातारा जिल्ह्यातील कराड येथे मात्र यापैकी कोणतेही निकष न पाळणाऱ्या वेणूताई चव्हाण उपजिल्हा रुग्णालयाला कोविड रुग्णालय म्हणून मान्यता मिळाली २० एप्रिल २०२० पासून येथे रुग्ण दाखल व्हायला सुरुवातही झाली व या ठिकाणी कोरोना तपासणीसाठी स्वॅबचे नमुने घेतले जाऊ लागले. सदर रुग्णालयातील मुलभूत वैधकीय सुविधांची अवस्था शोचनीय आहे. असे निवेदनात नमूद करण्यात आले आहे. येथे एकूण ९ डॉक्टर कार्यरत आहेत, यातील ३ डॉक्टर घश्यातील स्त्रावाच्या तपासणी‌साठी नमुने घेणेचे काम करतात, व ३ डॉक्टर राखीव असून अन्य ३ डॉक्टर इतर तपासणीची कामे करतात. 


स्वच्छतेचे कोणतेही निकष या ठिकाणी पाळले जात नाहीत. सदर रुग्णालयात गर्भवती रुग्णांसाठी असणारा वार्ड कोरोना कक्षाला लागून आहे व गंभीर बाब म्हणजे यासाठी वेगळे प्रवेशद्वार सुद्धा नाही. तसेच सुरक्षेची कोणतीही व्यवस्था नसलेने कोणीही रुग्णालयात येवून या वार्डमध्ये सुद्धा जाऊ शकते. या सगळया दुरव्यवस्थेतून अतिशय गंभीर प्रकार ३० एप्रिल २०२० रोजी घडला. एका गर्भवती कोरोनाग्रस्त महिलेच्या संपर्कात येऊन नर्स, वार्डबॉय व इतर असे एकूण ६ रुग्णालयातील कर्मचारी कोरोनाने बाधित झाले. त्यांचे नमुने पॉझीटीव्ह आल्याने एकाच खळवळ उडाली. यात इतर २ पेशंटांचाही समावेश आहे. हा सगळा प्रकार झालेवर राज्याच्या आरोग्य संचालिका डॉ. अर्चना पाटील यांनी रुग्णालयाला भेट दिली. त्यांना या सर्व बाबींची कल्पना दिली. 


त्यांनी याची काहीही दाखल न घेता बाधित कर्मचाऱ्यांच्या सुरक्षेला आम्ही प्राधान्य देऊ असे सांगितले. ही विधाने बेजबाबदार वाटतात. परिस्थितीचे भान नसल्याचे दर्शवतात. सदर रुग्णालयात डॉ. प्रकाश शिंदे हे कार्यरत आहेत. रुग्णालयात कोणत्याही सुविधा नसताना वरिष्ठांची दिशाभूल करून त्यांनी सदर रुग्णालयाला कोविड रुग्णालय म्हणून मान्यता मिळवली आहे. एवढे सगळे घडूनही त्यांनी २८ एप्रिल व ५ मे २०२० रोजी रुग्णालयामध्ये लसीकरणाची मोहीम राबवली ही मोहीम अन्यत्र घ्यावी. अश्या पूर्वसूचना त्याना देऊनही त्यांनी मनमानीपणे हे लसीकरण पूर्ण केले. हा नागरिकांच्या आरोग्याशी खेळण्याचा प्रकार असून ही बाब गंभीर आहे.


डॉ. प्रकाश शिंदे हे प्रत्यक्ष कामकाजामध्ये कोणताही सहभाग घेत नाहीत. दुय्यम कर्मचाऱ्यांकडून ते रुग्णालयातील कामे करून घेतात. शासनाच्या नियमा प्रमाणे स्टाफने रुग्णालयाच्या आवारात राहून कामकाज पाहणे अपेक्षित असताना ते ५ कि.मी. दूर असलेल्या खाजगी बंगल्यातून रुग्णालयाचे काम करतात. ही बाब बेकायदेशीर असून डॉ. शिंदे यांच्या निदर्शनाला ही बाब आणून ही ते त्याच्याकडे लक्ष देत नाही. कोविडग्रस्त रुग्णांची वेळेवर तपासणी न करणे, त्यांना वेळेवर जेवण न देणे, त्यांना संसर्ग विरहित न ठेवणे इत्यादी गोष्टीवर त्यांचे कोणतेही लक्ष नसल्याने रुग्णांमध्ये घबराट निर्माण झाली असून,याच कारणामुळे त्यांचे मनोधैर्य खचत आहे. चरेगाव येथून रुग्णालयात दाखल झालेल्या कोरोनाग्रस्त कोरोना रुग्णाला कृष्णा हॉस्पिटल येथे दाखल करावे लागले.दिनांक २ मे रोजी दाखल झालेल्या दोन ग्रस्तांना तसेच सर्वच रुग्णांना वेळेवर सुविधा मिळत‌ नाहीत.


सध्या कराड येथे पुणे - बेंगळूर राष्ट्रीय महामार्गावर ५ कि.मी. दूर कृष्णा हॉस्पिटल येथे कोरोना ग्रस्तांवर चांगले व यशस्वी उपचार होत असून तेथील कोरोना चाचणी प्रयोग शाळेलाही शासनाची मान्यता मिळाली आहे. तसेच इतर खाजगी हॉस्पिटल सर्व सुविधांनी सुसज्ज आहेत. तेथे सदरच्या कोविड रुग्णालयाचे स्थलांतर करणे सहज शक्य आहे. कराड नगरपालिकेने अतिशय काळजीपूर्वक व धडाडीने शासनाच्या सूचना अंमलात आणलेने कराड शहरात कोरोनाचा शिरकाव झालेला नाही. असे असताना डॉ. प्रकाश शिंदे यांच्या हलगर्जीपणामुळे कराडला गंभीर धोका निर्माण झाला असून कराडकरांचे आरोग्य धोक्यात आले आहे.


कराडचे वेणूताई चव्हाण उपजिल्हा रुग्णालय हे कराड शहराच्या मध्यवस्तीत असून शासनाचे निकष पूर्ण केले नसताना सुद्धा त्याला कोविड रुग्णालय म्हणून मिळालेली मान्यता तातडीने रद्द करून सदर रग्णालयाचे स्थलांतर कराडमधील हॉस्पिटलमधील इतर रुग्णालय ज्याने करून गावाबाहेर, शासनाचे निकष पाळून करावे. तर डॉ. प्रकाश शिंदे यांच्या गैरभाराची‌ तातडीने चौकशी करून त्यांच्यावर योग्य ती प्रशासकीय व कार्यदेशीर कारवाई करावी. अशी मागणी कराडकरांच्यावतीने आपल्याकडे करत आहे. या सगळ्या प्रकारामुळे कराडवासीयांच्या आरोग्याला गंभीर धोका निर्माण झाला आहे. आणि सर्वात गंभीर म्हणजे हा प्रकार सोबत जोडलेल्या शासनाच्या परिपत्रकातील निकष डावलून दिवसाढवळ्या चालू आहे.


तरी सदर रुग्णालय नॉन कोविड म्हणून घोषित करावे व त्याची कोविड रुग्णालय‌ म्हणून असलेली मान्यता रद्द करावी अन्यथा दिनांक ११ मे पासून कराडकरांना कोरोनाग्रस्त परिस्थिती असूनही ररत्यावर उतरून जनअंदोलन करावे लागेल असा इशारा निवेदनाद्वारे देण्यात आला आहे.


Popular posts
अशासकीय पदावरील नियुक्त्या रद्द ......महाराष्ट्र राज्य सहकारी परिषद, राज्यस्तरीय लेखा समिती, राज्य कृषि मूल्य आयोग
Image
शहरी व ग्रामीण क्षेत्रातील कंपन्यांना...अटी व शर्तीवर उद्योग सुरु करण्यास परवानगी...जिल्हाधिकाऱ्यांचे आदेश
Image
कराडचा 35 वर्षीय तरुण कोरोना बाधितासह जिल्ह्यात 3 कोरोना बाधित; 18 रिपोर्ट निगेटिव्ह.....2 एप्रिल रोजी सायं. 5 वाजताची सातारा जिल्हा एन करोना 19 (कोव्हिड19 ) आकडेवारी
Image
कराड वार्तापत्र - गोरख तावरे जनशक्ती आघाडीमध्ये बंड झाल्याने गटात गट निर्माण जानेवारी महिन्यातल्या पहिल्या आठवड्यात होणाऱ्या विविध समितींच्या सभापती निवडीच्या अनुषंगाने कराड नगरपालिका राजकारणात हालचालीस प्रारंभ झाला आहे. दरम्यान जनशक्ती आघाडीमध्ये उभी फूट पडली आहे. उपनगराध्यक्ष जयवंत पाटील यांनी आपल्या गटाला स्वतंत्र बसण्यासाठी वेगळी जागा सभागृहात द्यावी, अशी मागणी केल्याने जनशक्ती आघाडीत फूट पडली. कराड नगरपालिकेच्या राजकारणातील गटात गट निर्माण झाल्याची चर्चा संपूर्ण शहरभर सुरू आहे. दरम्यान ऐतिहासिक कराड नगरपालिका राजकारणातील आघाड्यांना फुटीचे ग्रहण लागले आहे. यापूर्वीही अनेक वेळेला नगरपालिकेमध्ये वेगवेगळ्या विचाराच्या निवडून आलेल्या आघाड्यांमध्ये बंड झाले, फूट पडली अशीच परिस्थिती सध्या निर्माण झाली आहे. स्वर्गीय पी. डी. पाटीलसाहेब कराड नगरपालिकेचे नगराध्यक्ष असताना 25 विरुद्ध 24 अशी सदस्य संख्या होती. दरम्यान एका सदस्याने बंड पुकारून विरोधात गेल्यामुळे सत्ताधारी गट अल्पमतात आला होता. दरम्यान मुरब्बी राजकारणी असणारे पी. डी. पाटील यांनी एका दिवसात हे बंड मोडून काढले. आपला गेलेला सदस्य पुन्हा आपल्या गटात घेऊन आले. नुकत्याच झालेल्या विधानसभा निवडणुकीच्या राजकारणामुळे कराड नगरपालिकेतील सत्ताधारी जनशक्ती आघाडीमध्ये फुट पडली असे बोलले जात आहे. नगरपालिका म्हटले की, गट-तट, आघाड्या, कुरबुडी, देणे घेणे असे सर्रास घडत असते. जनशक्ती आघाडी फुटली, नगरसेवक घेत असलेल्या वेगवेगळ्या भूमिकेमुळे फुटीचे राजकारण हा मुद्दा ऐरणीवर आला.कराड शहरासाठी विकास निधी राज्य शासनाकडून येतो. हा विकास निधी विविध कामावर खर्च करीत असताना कामाचा दर्जा बिलकुल नाही, ठेकेदार दर्जाहीन कामे करतात, हे अनेक कामे पाहिल्यानंतर स्पष्ट होत आहे. दर्जाहीन विकास कामे होत असल्याने नागरिकांची सातत्याने ओरड सुरू आहे. मात्र याकडे नगरसेवक अथवा प्रशासन गांभीर्याने पाहत नाही.यामुळे विद्यमान सत्ताधारी गटातील नगरसेवकांबद्दल नागरिकांच्या मनामध्ये तीव्र संताप निर्माण झाला आहे. मुख्य पदाधिकाऱ्यांसह सर्वच नगरसेवक कराड शहराच्या विकासाकडे लक्ष देणार का ? असा प्रश्न विचारला जात आहे. उपनगराध्यक्ष जयवंत पाटील यांनी गटात गट केलेला कायम राहणार का ? सभापतीच्या निवडीवेळी "तलवार म्यान" होणार का ? हे येणाऱ्या काही दिवसात स्पष्ट होईल. कारण जयवंत पाटील उपनगराध्यक्ष झाल्यापासून सत्ताधारी गटाचा सर्व कारभार जयवंत पाटील यांच्या नेतृत्वाखाली चालला आहे. दरम्यान जयवंत पाटील यांनीच बंड पुकारल्यामुळे जनशक्ती आघाडीचे काय होणार ? असा सवाल उपस्थित होत आहे. जनशक्ती आघाडीतील वाद चव्हाट्यावर आला आणि उपनगराध्यक्ष जयंवत पाटील यांनी सभागृहात वेगळी बसण्याची मागणी केली. कराड नगरपालिका राजकारणाची दिशाच बदलली आहे. उपनगराध्यक्ष जयवंत पाटील व माजी उपनगराध्यक्ष राजेंद्र यादव यांच्यामध्ये समेट घडावा यासाठी प्रयत्न केला जात आहे. विविध समितीच्या सभापतीची निवड करण्याचा अधिकार कोणाला ? आघाडीच्या अध्यक्षांना का नगरपालिकेतील गटनेत्याला ? याबाबत उलट सुलट चर्चा सुरू झाली आहे.दरम्यान विविध समितीच्या सभापती निवडीच्या अनुषंगाने आत्तापर्यंत राजेंद्र माने,महेश कांबळे, किरण पाटील यांना सभापती पदाची संधी मिळालेली नाही. यावेळेला सभापतीपदाची लॉटरी या तीन उमेद नगरसेवकांना लागेल का नाही ? हे अद्याप स्पष्ट झालेले नाही. नुकत्याच झालेल्या विधानसभा निवडणुकीमध्ये कराडच्या नगरसेवकांची भूमिका संभ्रमावस्थेत राहिली होती. कोणत्या उमेदवाराला पाठिंबा कुणाला द्यायचा ? प्रचार कोणाचा करायचा ? याबाबत मात्र कराड नगरपालिकेतील नगरसेवकांचे लवकर एकमत झाले नाही. कराडच्या नगरसेवकांनी आपली भूमिका लवकर स्पष्ट केली नाही. विधानसभा निवडणुकीतील नगरसेवकांच्या भूमिकेबाबत कराडमध्ये आजही चर्चा सुरू आहे.कराड नगरपालिकेला निवडून येणार्‍या नगरसेवकांची भूमिका कराड शहराच्या विकासाबाबत संवेदनशील हवी, मात्र सध्या ती दिसून येत नाही.  नगरपालिका निवडणुकीनंतर कराड नगरपालिकेमध्ये राजकीय तीन गट अस्तित्वात आले. यामध्ये लोकशाही आघाडी विरोधात बसली आहे. भाजपाचे काही नगरसेवक निवडून आले त्यांचा एक गट आहे. त्याचबरोबर सत्ताधारी म्हणून जनशक्ती आघाडी कारभार पाहत आहे. तर भाजपच्या नगराध्यक्षा स्वतंत्रपणे आपला कारभार करीत आहेत. उपनगराध्यक्ष जयवंत पाटील यांनी आपल्या पाच नगरसेवकांचा वेगळा गट निर्माण केला आहे. उपनगराध्यक्ष जयवंत पाटील यांचा गट म्हणजे गटात गट निर्माण झालेला आहे. जनशक्ती आघाडीच्या निवडून आलेल्या नगरसेवकांच्या बरोबर आता इथून पुढे आपला "घरोबा" असणार नाही असे सांगून त्यांनी कराड नगरपालिकेचा कारभार सुरू केला आहे. यशवंत विकास आघाडीचे राजेंद्रसिंह यादव यांना मांणणारे नगरसेवक आहेत. मात्र राजेंद्रसिंह यादव हे नगरपालिका राजकारणात, नगरपालिका कारभार चालवण्यासाठी जेवढा वेळ द्यायला हवा, तेवढा वेळ देत नाही, त्यामुळे नगरसेवकांनी अडचणी कोणासमोर मांडायच्या ? हा प्रश्नच आहे. अशी एकाकी पडलेले नगरसेवक आता एकत्रित सर्वांची मोट बांधण्याचा प्रयत्न करीत आहेत. याला किती प्रतिसाद मिळेल, हे आत्ताच सांगता येणार नाही. येणाऱ्या कालावधीमध्ये गटातला गट शिल्लक राहतो का ? जनशक्ती आघाडीच्या छत्रछायेखाली निवडून आलेले सर्व नगरसेवक एकत्र राहणार का ? हे काही कालावधीनंतर स्पष्ट होईल.  जानेवारी महिन्याच्या पहिल्या आठवड्यामध्ये विविध समितींच्या सभापतींची निवडणूक होणार आहे. यावेळी गटातला गट अथवा जनशक्ती आघाडीची काय रणनीती राहणार हे पहावे लागेल. कराडमधील राजकीय समीकरणांबाबत उत्सुकता निर्माण झाली आहे. दरम्यान, उपनगराध्यक्ष जयवंत पाटील यांनी आपल्यासोबत महेश कांबळे, कश्मिरा इंगवले, माया भोसले, अरुणा पाटील हे नगरेसवक असल्याचा दावा केला आहे. उपनगराध्यक्ष जयवंत पाटील हे भाजपचे डॉ. अतुल भोसले यांचे समर्थक आहेत. तर राजेंद्रसिंह यादव गट श्री. छ. उदयनराजे भोसले यांचे समर्थक आहेत. त्यामुळेच आता नगरपालिका राजकारणात काय होणार ? याबाबत उत्सुकता निर्माण झाली आहे. नगरपालिका निवडणुकीत आ. पृथ्वीराज चव्हाण यांच्या नेतृत्वाखालील यशवंत जनशक्ती लोकसेवा आघाडीचे 16 नगरसेवक विजयी झाले. तर या आघाडीला एका महिला नगरसेविकेने पाठिंबा दिला. दरम्यान निवडून आल्यानंतर प्रथम जनशक्ती आघाडीच्या नगरसेवकांनी पृथ्वीराज चव्हाण यांचा विश्वासघात केला आणि त्यांचे नेतृत्व झुगारून दिले. कराड नगरपालिकेत भाजपाचे पाच, लोकशाही आघाडीचे सहा तर बहुमतात असलेल्या जनशक्ती आघाडीसह आ. पृथ्वीराज चव्हाण यांचे नेतृत्व मानणारे कॉग्रेसचे शहराध्यक्ष राजेंद्र माने असे गट कार्यरत आहेत. उपनगराध्यक्ष जयवंत पाटील यांनी राजीनामा द्यावा, असे बहुमतात असलेल्या जनशक्ती आघाडीतील काही नगरसेवकांचे म्हणणे होते. दरम्यान उपनगराध्यक्ष पाच वर्ष माझ्याकडे राहील" या अटीवर "उपनगराध्यक्षपद घेतले असल्याचे जयंतराव पाटील सांगतात. यामुळे उपनगराध्यक्ष बदलाचा प्रश्नच येत नाही. यशवंत आघाडी राजेंद्रसिंह यादव यांची, जनशक्ती आघाडी अरुण जाधव यांची तर लोकसेवा आघाडी जयवंतराव पाटील यांची आघाडी आहे. या तिघे पृथ्वीराज चव्हाण यांच्या नेतृत्वाखाली एकत्र आले होते. जयवंत पाटील यांच्याकडे उपनगराध्यक्षपद असल्यामुळे नगरपालिकेत दररोज जयवंत पाटील दिसतात. अरुण जाधव नगरपालिकेकडे फिरकतही नाहीत. तर राजेंद्रसिंह यादव आपल्या कामाचा व्याप सांभाळून, जेवढा वेळ देता येईल तेवढाच वेळ देतात. यामुळे अनेक प्रश्न निर्माण झाले आहेत, ते कोण सोडवणार ? हा खरा प्रश्न निर्माण झाला आहे.
Image
कर्तव्यदक्ष मुख्याधिकारी कोणाला नको आहेत ! मुख्याधिकारी यशवंत डांगे यांना हटविण्याचा प्रयत्न सुरू
Image